علّمٌنَيـﮯ ڴيـﮯفَ انَسِاڴ💔
البارت الرابع/
⬇️⬇️⬇️
.......
بعد يومين من لعزي/ ليلا
ربيع ف الخيمه واقف شاف نسرين طالعه مشالها بسرعه
ربيع: مرحبا
نسرين؛ اهلين🙄
ربيع : عرفتيني؟
نسرين: اها ربيع صح
ربيع:مشالله دكرتك قويه
نسرين بضحكه: ههه لا بس شفتك امس تكلم ف خديجه وسمعتها تقولك ربيع ولا انا الحق والله انعرفكم ك اسم وانكم ولاد عمي بس ؛ اما الشكل مانعرفش الحق🤗
ربيع هايم فيها وفي ضحكتها: اها عندك حق حتا هما ١٠ سنين مش شوي والله حتا انا ما عرفت حد كان جدي وجداي😅
نسرين حطت يدها ع فمها وبدت تضحك
ربيع يشوفلها ومعجب بجرئتها وعفويتها وكان يدقق ع ملامحها الصغيره وطفوليه كانت لابسه قونه سوده طوبو طويله وجاكيت حنيه وشاح اسود لافاته بطريقه حلوه : دوم هالضحكه يارب
نسرين شافتله و فطنت لروحها : اه انا لازم نمشي توا وتلفتت بتمشي
ربيع : استني شوي
نسرين تلفتت :؟؟؟؟؟
ربيع قرب منها ومدلها يده
نسرين: بإستغراب: شن؟؟؟
ربيع بإبتسامه: فرصه سعيده
نسرين بتوتر ومن غير ما تمد يدها : اها بيك اكتر ومشت خشت للحوش بخطوات سريعه
ربيع يشبح ليده اللي قاعد ممدوده غمضها وعض ع سنونه: غبي غبي شن اول مره تشوف بنت حلوه والله غبي وضرب رشاده برجله وطلع
نسرين خشت لقت البنات كلهن ف صاله خطتهن ومشت قعمزت جنب امها ونساوين عمامها بس عقلها مش معاها وتفكر ف تفسير لحركات ربيع ولد عمها؟؟؟؟
مريان بهمس لنور: نور الحقيني ف المطبخ نبيك شوي ومشت
نور قرنت حواجبها وميلة فمهابإستغراب ولحقتها
سدين بهمس لي ايه : تعرفي اختك هادي ربي يستر فيها
ايه : خيرها
سدين : خلطتها مع مريان وخديجه مش مرتاحتلها🙄
ايه لفت وجها عنها: والله حره كل حد يعرف مصلحته ورجعت شبحت لسدين : بعدين هيا مش صغيره اكيد تعرف شن ادير بلاش تقعدو تراقبو فيها خلوها براحتها
سدين بإنفعال: به شن قلنا حني قريب كليتيني بقشوري الحق عليا نبي مصلحتها وصبت مشت 🤤
فرح: خيرهم بنات عمي هاني اليوم وحده دايره اضراب علينا ومقعمزه جنب لعزايز وتانيه ناضت ومش عاجبها شي🤤😒
ايه صبت: والنبي فكيني من رغوتك حتا انتي
فرح: هابا عليكم خيرهم هادم
مرح: تصدقي معدورين؟!
فرح كتفت ايدها : وعلاش انشالله
مرح: خاطرنا ضايق نبو نطلعو ندهورو الزح ماتقوليش عطله بكل شن هالهم كان مرصوصين ف هالحوش اللي يطبق الخلوق ن تطلع من حيط تخش ف حيط اتقول ف سجن شن هدا وصبت حتا هيا طلعت😡
مرح :لا اكيد شاربين شي اليوم كلهم مش طبعيات🤤
.........
ف المطبخ:::/
نور:😱😱 شن قلتيله؟؟؟
مريان: عادي حكيتلا عليك وقالي خاطري نكلمها ونا عطيته رقمك😒😓
نور بصدمه:😱😱 كيف هكي معقوله تعطيه رقمي ومن غير ماتشوريني حتا🤤
مريان: والله لما قالي وعشش فيا يبي يكلمك معاش عرفت شن اندير اسفه نور 😓😔
نور بعصبيه: شن اسفه هادي اسمعي توا تكلميه وتقوليلا احدف الرقم مانبي اي رقم يتصل او يزعجني والا وحق الله ما يصير خير سامعه😡
مريان: نور علاش هكي تتسرعي لا تحكمي عليه اعطيه فرصه يمكن تحبيه ❤
نور بغيض: والله ؟!! ومن قالك نبي نحب انا اه من قالك؟!! ولا لقيتيني مكسده لا عندي خدمه لا قدمه قلتي خلي نجيبلها فيش تلهى🤤🤤
خشت خديجه عليهم: خيركم شن فيه علاش صوتكم عالي؟؟؟؟
نور شبحت لمريان: احكي ادوي قوليلها شن درتي يا انسه؟؟
مريان منزله رأسها لوطا😔
خديجه: شن فيه يا مريان خيركم فهموني؟؟
نور بأعصاب قربت من مريان: تعرفي لو صارتلي اي مشكله بسبب اللي درتيه اليوم مش ح تلومي غير روحك🤤😡 وشبحت لخديجه وطلعت
خديجه قعمزت جنب مريان ع الكرسي: فهميني شن درتي
..........
