رواية الحب العفيف

البداية (( حماس و تشويق))

الشخصيات الرئيسيه

ياسمين بنيه اماراتية من أم بريطانية وأب اماراتي تعيش في بريطانيا مع أمها وأبوها *عبدالله *

بنيه محترمه وملتزمه ومحافظه على حشمتها حتى وهي في وسط بريطانيا أمها محجبه ومحتشمه 

و هي وحيدة أمها وأبوها ومن نحاية الشكل بنت جميله الملامح عندها غمازاتين بوسط خدها و مآخذه العيون العسليه على لون عيون أمها والبشره الحنطيه والعيون الوسيعه والجمال العربي على ابوها شخصيتها مرحه وتحب الضحك وتحسينها بريئة وكيوته عمرها 22 سنه بس يُبين عليها 17 سنه

تدرس في جامعة كالفورد ومستواها الدراسي عالي يعني من الاخر دحيحه

صديقة ياسمين المقربة اسمها ساره من السعودية جميله ومحتشمه اكبر من ساره بسنتين عمرها 24 سنه متزوجه وعندها ولد وتسكن بنفس الولاية 

ياسمين في جامعة ..... تمشي بعبايتها السوداء الواسعه وحجابها المحتشم مع صديقتها ساره يقعدون في ساحة المطعم الجامعه

ساره : ياسمين بقول لك شي صح كم شهر واتخرج فأنا و محمد ((زوجها)) قررنا نرجع ونتسقر بسعوديه

ياسمين : تمزحين !

ساره : اي تعرفين مايهون عليه اتركك وصعبه لأني تعلقت فيكي مراااا بس أنتي عارفه اهلي كلهم هناك أمي ابوي اخواني خواتي أنا اعتبر مغتربه هنا انتي على اقل اهلك معك بس أنا مالي حد غير زوجي وعارفه بعد ان انا منقبه يعني صعب القي شغل بشهادتي هنا عقليات الناس متخلفه مارح يتقبلون نقابي اذا المحجبه مو مخلينها بحالها كييف المنقبه ؟ فقلت احسن لي ارجع ديرتي واعيش معززه جمب اهالي واشتغل بشهادتي اخدم ديرتي .

ياسمين : اي صح كلامج بس صدق مايهون علي افارقج احسج اختي الي ماجبتها أمي وايد تشبيهني نفس شخصيتي مادري بس الله يوفقج ترا بصيييح قهر :/

ساره تحضنها : لتسه باقي وقت شفيك مستعجله ع نكد وبعدين رح نتواصل دائماً ع سكايب واكيد انتي بتزورني وبجي ازورك بعد يعني بُعد المساحات مارح يغير شي القلوب عند بعض

ياسمين : ايي اصلا أنا وابوي وامي مقررين بعد ماخلص الكورس يبكون عندي شهر ونص عطله بناخذ لنا عمره بقولهم لمن نخلص ايي ازورك

ساره: طبعا حياك بدورك بسعوديه كلها

ياسمين : هههه من الحين نخطط يلا ان شاء الله خير يلا أنا استئدن تأخرت على محاضره بروح .

--------

على جهة المقابله أنور شاب وسيم لكن عيبه لعوب يلعب على بنات الناس ممخلي بنيه مو لاعب عليها وضاحك على مشاعرها

أنور كويتي : سلوووم ها شرايك فيني اعجبك رقمتها شفتني فزت بتحدي

سالم : منو قدك انت معلم بس تراك ماتقدر الا على بنات الطايشات يعني سطحيات همهم ميكب اب و وشكل بس مثلا بنيه محتشمة في جامعتنا ماتقدر ترقمها

أنور : نعم ! اجيب راسها واخليها هي ترقمني نسيت انا انور باد بوي هههههه اشر لي على وحده فيهم اخليها ايام تركض وراي

عمر عراقي : ياشباب شدتسون يعني مو كافي لعب باعراض الناس يعني انت هسه ترضها لأختك

أنور : ههه طاع هذا نسيت نفسك كنت معلم بترقيم وبعدين اختي اشرف من هال اشكال وبعدين تحسسني ترا انا ماضربتهم على ايدهم وقلت لهم يكلموني هم غبيات يركضون ورا كل واحد يقط لهم كلمه حلوه .

عمر ؛ أقولك شي انا صح كنت غلطان بس اني ندمان على الي كنت اسويه وبعدين أقولك الي تسويه انت ببالبنات بيرجع بأهلك ورح تذكر هذا الحجي مع الأيام

سالم سعودي : خلاص ياشباب اهدوا ماصار شي عمر خلاص ياخوي رح لا يصير مشكله

أنور : مع نفسه أقول سلوم تعال امش ماعلينا نسى نفسه اصلا ماحد علمني الترقيم غيره مادري شفيه جاي يستشرف على راسي من يوم ما رابع علي و آدم وهو متغير

سالم يغمز لانور وياشر بطرف يده : ماعلينا منه المهم أقولك هذي البنت اتحداك تجيب رأسها

أنور : اي وحده أم عباية سودا الي لابسه حجاب

سالم : هههه اي اسمها ياسمين على فكره بس تراها ماتكلم شباب يعني ملتزمة مو مثل بنات الي تعرفهم مره كنت معها بالقاعه المحاضره وفاتني شي من المحاضره قلت لها ابغى رقمك عشان ترسلي الي كتبتي تقولي مالي دخل فيك ولا سمحت لاعاد تكلمني مره ثانيه اف تقهر بس صراحة عيونها حلوه ماشاءالله

أنور : اصبر عليي لا ايب رأسها واخليها تركض وراي كلهم بدايتهم ثقيلات وآخر شي خرطي

سالم : نشوف يا معلم

---------

ياسمين قاعده تشرب قهوتها في كافيه الجامعه وتراجع للاختبار

أنور يقعد مقابلها :هاي

ياسمين : بِسْم الله الرحمن من انت وليش قاعد هني

انور يفرد يده : اسف اختي بس محتاج قلم ممكن لو ماعليج زود

ياسمين بتنهد : اي ممكن بس مو تقعد يمبي يعني مايصير توقف وتقول لي ابي قلم

انور بقهر يقوم : أسف ممكن قلم

ياسمين : تفضل

انور ببتسامه خبيثه : شكرا ((ينتظر رد ))

ياسمين بدون اهتمام ترجع تكمل مراجعه

انور بصوت واطي بقهر : بنت الللذينه مطنشتني

سالم من بعيد ياشر له

سالم : ها بشر مشي الحال

انور : والله تقهر

سالم : ههههههههه مو قلت لك مو مثل البنات الي تعرفهم هذي غير مشيتها بهدوء كلامها حياءها حشمتها حتى وجها مافي قطرة مكياج ماتتبرج كل شي غير كنت احسب البنات الي مثلها انقرضوا

انور : ماعليه ايب راسها صح عنيده شوي بس يلا انا قد التحدي

سالم : واضح