جمانه : وليد احنا االيله عايزين نطلع رحله بتمشي
وليد : انتي ومنو
جمانه : انا وصحباتي واي وحده جايه مع خطيبها
وليد : حااضر بمشي
جمانه : جد 😍
وليد : لالا
جمانه : شنو 😢
وليد : خال 😂
جمانه : خوفتني ياخ 😂
وليد : طيب اتصلي علي لما تكوني طالعه عشان اجي اسوقك
جمانه : زييييته ( بشو كيفتمام 🌚✋🏻 )
وليد : يلا لبعدين عشان مشغول حاليا 😊
جمانه : اوووك
( اتصل عليها نفس الرقم)
جمانه : الو
فاعل خير ( زي ما قال): فكرتي في الموضوع
جمانه : اسمع هنا ي ولد تاني كان اتصلت في الرقم دا هتشوف حاجه تانيه عشان كدا بالحسنه اسمع الكلام😡
فاعل خير : انا والله م عايز حاجه غير مصلحتك بس م دام عايزه كدا براحتك.... وحاجه تانيه الليله في الرحله الجاي فيها وليد هتعرفي انو كلامي صح وانا م بكذب عليك
جمانه : كيف
فاعل خير : كل شي في وقتو حلو ( وقفل الخط)
جمانه : الو كيف هأعرف الو ( قفل ي بنت الناس) ... ياخ انا خائفه الكلام دا يكون صاح 😭😭💔 .. اي ماف غير البنات امشي احكي ليهم
( في المكالمه الجماعيه)
رمق : الولد دا كترها والله
تغريد : م تشتغلي بيهو مش عارفه وليد كويس انتي
جمانه : الكلام دا كان طلع صح انا م عارفه هأعمل شنو 😔
تغريد : جمانه م تقولي كدا 😢
موده : طيب انتو م ملاحظين حاجه
رمق : شنو
موده : هو اتصل ليك بعد وليد طوالي مش🤔
جمانه : اي م تم خمسه دقائق
موده : طيب شنو عرفو انو احنا عندنا رحله او انتي كلمتي وليد او وليد وافق
رمق : بكون وليد كلمو او كان قاعد مع وليد الوقت داك😕
موده : دا بيعني لينا انو هو بيعرف وليد وشديد كمان لأنو زي م قلتي اقل من خمسه دقائق معاناها صحبو شديد او كان قاعد معاهو اثناء المكالمه🤔( عشان كدا موده مسميناها المحقق كونان )
جمانه : اي كلامك صح معناها بعرفو حتى لو م كان صحبو شديد
رمق : طيب لو صحبو شديد ولو الكلام دا صح لا قدر الله هو بيستفيد شنو من دا كلو😒
موده : يمكن م عايز جمانه تتعلق بيهو شديد وبعدين تتأثر او لو م صاح عايز يفتن بيناتهم بس🤷♀
جمانه : هي هي خلاص انا راسي صدع يلا نتقابل بعدين 😊
( جمانه كانت مصدعه شديد من الكلام دا قامت نامت .... بعد اذان المغرب جود صحتها )
جود : جمانه قومي ي بنت
جمانه : ياخ م قايمه زحي مني
جود : ي بنت مش طالعه الليله انتي
جمانه : ( نطت من السرير) الرحله 😨 زحي زحي الليله اتأخرت
جود : تلفونك من قبيل بضرب قريب عشرين مكالمه
جمانه : بكون دا وليد ( فتحت التلفون لقت مكالمات من صحباتها ووليد .... قامت جهزت سريع سريع واتصلت على وليد عشان يجيها .. وليد جا ومشت معاهو)
وليد : ي نوامه
جمانه : كنت مصدعه والله عشان كدا نمت😅
وليد : مصدعه من شنو حبيبه 😨
جمانه : لالا بس عشان ساهرت امبارح وصحيت بدري شديد
وليد : طيب تمام
جمانه : ( كانت متوتره شديد وخايفه انو الكلام القالو ليها الولد يطلع صح بس كانت خاته امل كبير في وليد وانو م حيخزلها بس حيحصل شنو في الرحله بنعرف في الفصل القادم)
يتبع.....
