تراه قادم إليها من الظلام ..يمد لها يده وعيناه تملؤها الحزن ..يخبرها انه يحتاج للمساعده ..
فقط لم يقل سوى "ساعدينى"
...
..تررن ترررن ترررن..
تقوم مفزوعه على صوت المنبه
وتمسك بالهاتف وتبداء علامات الصدمه بالظهور على وجهها
سجده"" ياااخبررر انا إتأخرت اوووى
الدكتور هيعمل منى قطع بانيه""
وقفت مسرعه
تتجه يمينا ويسارا كأنها نسيت اتجاه الباب
من شدة توترها ..خرجت من الغرفه متجهه نحو الحمام ..وبعد دقائق بداءت ترتدى زيها المكون من جيب كحلى واسعه وقميص وردى بسيط ثم إرتدت خمارها.. وبداءت بأداء فريضتها فصلت الضحى وقرأت القليل من الآيات القرآنيه فهى على عجله من امرها
ثم خرجت فوجدت والدها واخيها ذو الإثنى عشر عام
يجلسون على مائدة الطعام ..وكالعاده ترى والدها يعاتب اخيها عمر على المشاكل التى يتسبب بها مع الجميع
سجده "" صباح الخير يابابا ثم تنحنى وتقبل وجنته
وتلتفت بحركه سريعه نحو عمر وتقرصه من اذنه
وتقول "صباح الخير يا سوسه"
عمر بضجر" يوووه على رخامتك يا سجده
انا مش عارف إنتى بينك وبين ودنى طار
بطلى تقرصينى بقا"
اخرجت سجده لسانها له وقالت وهى تضع قطعه من الخبز فى فمها"انا حره"
جائت والدتها وهى تحمل بعض الساندويتشات
لتضعها فى عبوه ضغيرة الحجم وتعطيها
لعمر وتقول
"عملتلك ساندوتش مربى وساندويتشين جبنه رومى اوعى متخلصهمش ..لو رجعتلى بالساندوتشات مش هنزلك الشارع اسبوع"
عمر يتمتم بضجر "مليون مره اقولها مبحبش المربى "
سمعته سجده ثم قالت بمزاح
"هييييح إنت قلت إيه ياعمر"
عمر ببعض الخوف "مقولتش حاجه "
سجده تتجه نحو والدتها ثم تقبل رأسها وتقول
"صباح الخير يا ست الكل "
سماح والدة سجده"صباح النور"
سجده وهى تتجه نحو باب الشقه" انا نازله بقا يا جماعه عايزين حاجه"
تقف سماح قائله " طب إنتى مفطرتيش يابنتى اقعدى كملى اكلك "
سجده"مش هينفع يا ماما انا متأخره"
سماح " طيب مع السلامه يا بنتى ربنا معاكى "
كاد ان يخرج عمر مسرعا مع سجده قبل ان تخبره امه انا يأخذ معه كيس القمامه كى يضعه فى صندوق القمامه الموجود بالشارع ولكن اوقفته امه قائله وهى تتجه نحو المطبخ "استنى ياعمر هجبلك كيس الزباله من المطبخ عشان تاخدو تنزله تحت فى الصندوق"
عمر يضرب راسه بضجر"عمرها ما تنسى موضوع الزباله دا ابدااا ..-_- "
.
.
بعد دقائق وصلت سجده إلى الجامعه
كلية الطب
نظرت للساعه هاتفها وجدت ان المحاضره يتبقى عليها ثلاث دقائق وتبداء
سجده"ياااه ...يارب الحق ادخل قبل الدكتور وإلا هتطرد ويبقا شكلى قذر قدام الطلبه كلهم "
بداءت تمد وتسرع حتى وصلت إلى القاعه
وما إن دخلت حتى دخل خلفها الدكتور
قالت براحه "الحمدلله مش هتطرد :-) "
رأت صديقتها نور تجلس فى الصف الثالث فذهبت بجوارها
نور" يخرابى عليكى يا سجده إنتى علطول متأخره كدا ..إنتى عارفه إن الدكتور دا رخم ومش بعيد يعملك كوره ويضحرجك فى القاعه كلها ...انا مش فاهمه إنتى هتبطلى عادة التأخير دى إمتى ..لما تتفصلى"
سجده بضحك"طب قولى صباح الخير الاول ..انا حاسه إن انا دوست على زرار لعبه صينى وإشتغلت ومش راضيه تفصل "
أنت تقرأ
"شيزوفرنيا"
Fanfictionآدم محمد الرافعى _شاب ذو 26 من عمره ..ناجح بعمله ..لديه المال والأهل والرفاهيه ..ذو شخصيه حاده لكنه متسامح من داخله ...ولكن ذلك هو الظاهر ..حينما ننظر للباطن لن نرى تلك الحياة الميثاليه ..كل منا له عيوب وله مشاكله ..لكن ماذا إن كانت مشكلتك انك مريض...
