اللهم صلى على نبينا محمد ♥
__________________________♡♥
يجلس آدم على مكتبه يقلب فى بعض الاوراق بضجر ..لم تمر إلا ثوانى حتى دق باب المكتب ودخل خالد صديقه
خالد بإبتسامه"صباح الخير يا دومه إيه الاخبار"
آدم" ..إمشى إطلع برا ..طفشت الجروب اليابانى .بتاع إمبارح يافالح "
آدم" عملت إيه يابيه إرغى"
خالد بحسره"اسكت مش انا عكيت الدنيا ..هو اليابانى اتغير وانا معرفش ..شوف اهو انا خريج السن يابانى ..وفرحت اوى إن فى جروب يابانى جاي الشركه .وقمت لابس البدله الشياكه والبرفان الماركه ..ومستعد اقوى إستعداد ..يجى الجروب اليابانى بقا اهوو . .وخير اللهم اجعله خير ..وودنك ماتسمع إلا كل خير يارب ..سمعتلك اليابانى ..كأنى خريج إقتصاد منزلى يا دومه والله ... انا روحت البيت مصدوم فى نفسى ..وحكيت لامى على اللى حصل ..قالتلى اومال إيه الإمتياز اللى إنت جايبه دا ..وقعدت تقنع فيا إن انا محسود ..وقعدت ترقينى طول الليل ياخويا "
آدم بضحك"صدقنى مش إنت اللى محسود ..انا اللى نحس عشان شغلت مترجم زيك هنا"
خالد يلقى عليه قلم كان امامه على المكتب قائلا" انت تطول تعين مترجم معاه ست لغات زيي "
آدم "إنت مصدق نفسك ياض ..على اساس إن إنت كنت يابانى إمبارح ..دول بيقلولى إنك قضيتها معاهم سلامات"
خالد"الله يسترك مايفضحك استر عليا ومتطرودنيش"
آدم"لا ياعم مش هتطردك ..الشركه محتاجه لمترجم ممتاز زيك "
خالد "انت بتتريق ماشى ياعم الله يسامحك..اطلبلى كافيه لاتيه..انسى بيه اللى حصلى إمبارح"
آدم"انت قاعد قصاد مصباح علاء الدين"
خالد" انت بتتريق ..انا عاوز اشرب حاجه إيه الرخامه دي"
آدم نظر له بإحتقار" لأخر مره هقولك إطلع برا "
خالد يقف بغرور ويرفع ياقة قميصه قائلا" اصلا كنت ماشى من قبل ما تطردنى ..معفن مسترخص فيا كوبايه قهوه باللبن انا هنزل البوفيه تحت واظبط نفسى " :d
كاد آدم ان يضربه ولكن ركد خالد سريعا هاربا
إبتسم آدم لصداقته مع خالد فهم اصدقاء منذ ان كانوا بالجامعه ..كان آدم يدرس بجامعة القاهره مع خالد ولكن آدم كان يدرس بكلية تجاره قسم إدارة اعمال...
_______________________
بعد مرور ساعات من العمل المستمر ..ذهب يوسف إلى مكتب آدم
دخل يوسف قائلا " يلا يا آدم انا مروح ..هتيجى معايا ولا إيه"
آدم" لا يايوسف انا مخلصتش حاجه ..وبعدين عندى عشاء عمل مع الصياد"
يوسف" انا قلقان يا آدم ..إزاى هتوافق إن سلسلة الصياد تشاركنا فى المشروع الإستثمارى الجديد ..مش هينفع إنت عارف إنهم مش سهلين ...ومن مصلحتهم إن المشروع دا ميتحققش ..فا غريب اووى إنهم من بعد ما كانوا بيحاربونا عشان مشروع الإستثمار ميتعملش ..يجو دلوقتى يقولوا إحنا عاوزين نفض الخلافات ونساهم فالمشروع ..دا كلام ميدخلش الدماغ"
ادم"انا مش عبيط يا يوسف وفاهم إن فى سر ورا عرضه لينا إنه يساهم فى المشروع دا ...وعشان كدا انا وافقت على عزومته ليا على العشا ...يمكن اعرف إيه الحكايه..بص روح انت دلوقتى البيت ..وإبعتلى خالد افهمه موضوع الصياد والمشروع ..عشان مش هعرف اثق في ناس غيركوا ..والموضوع شكله كبير ومحتاجلكوا"
يوسف"تمام يا برنس ..هشوف الواد خالد فين واقوله يطلعلك"
آدم"تسلم يا جو .. صحيح إمتحناتك إمتى ..شد حيلك انت اخر سنه فى الكليه "
يوسف"وليه السيره اللى توجع البطن دى بس.."
آدم بتحزير"عارف لو مجبتش امتياز..إنسى إنك تجيب عربيه جديده ..وخليك بالتوك توك اللى معاك دا"
يوسف " ياااخرابى ..لا يآدم بالله عليك ..عربيتى دى ماشيه بالعافيه ..دا انا لما بدورها ..باستغرب إنها إتحركت ...وبعدين إيه امتياز دا ..هو انت وامك عليا"
آدم بضحك"هو إمتياز مفيش غيروا ..بعدين انت امك ممكن تقولها اجيب ممتاز ولا اتجوز..هتقولك إنشالله تعيد السنه حتى ..بس اشوفك فى عش الزوجبه"
يوسف بضحك"امك محسسانى إن قطر الجواز هيموت بعد بكرا"
ضحكا سويا ثم ذهب يوسف وبعد دقائق صعد خالد إلى آدم ....
_______________________
أنت تقرأ
"شيزوفرنيا"
Fanfictionآدم محمد الرافعى _شاب ذو 26 من عمره ..ناجح بعمله ..لديه المال والأهل والرفاهيه ..ذو شخصيه حاده لكنه متسامح من داخله ...ولكن ذلك هو الظاهر ..حينما ننظر للباطن لن نرى تلك الحياة الميثاليه ..كل منا له عيوب وله مشاكله ..لكن ماذا إن كانت مشكلتك انك مريض...
