سيف نُعمان
أربع كلاب صعرانه
لابسين قناع حملان
أتفقو وسط الغابه
ميرحموش أنسان
مشيوا فى طريق الشر
قالوا كلام ما يسُر
هانحارب اللى ينفع
ونساعد اللى يضُر
لازم مفيش غلابه
يعيشو يوم فى أمان
ده أحنا بطونا جعانه
عالفاضى والمليان
الخطه ماشيه تمام
حاسين بنشوة نصر
وفى يوم من الأيام حضر اللى سيفه حر
صاحوا نباح وعداوه
أترددوا فى الفر
أتمسكنوا بالود
والغدر نار فى السر
ضحكوا بوش طيابه
- بالحضن يا نُعمان تعالى وأمشى معانا
يابختنا يا جدعااااااان
رد الشريف
- دى خيانه .. ده نصركم أوهاااام
ده أنتم كلاب صعرانه هاتحبوا يوم
أنسان ؟!!!
بيينا وبينكم بحر
يغرق اللى يخون
وينقذ صحاب الحق..
ويكون طريق فى البر
وما يمسنا من ضر
هامشى بكل أمانه وأن كان فى عز الحر
ده أحنا نفوس شبعانه ورضينا باللى كان
أنتم قلوب ولعانه وأقرب ماليكم هاااان
أما أنا
نعمان
وزيى كتير فى الجى
كلتو الحرام والنى ده عدل الله حى
يقدر فى لمح البصر ينهى
مرار المُر
دى حكمته
يا ديابه
له نهايه كل جبان
الله جل جلاله
هاينهى مصير الصبر
أنتم وقود النار وياكم الحجاره
فكرنها لسه شطاره ؟!
الحق حق الله وعليه عيون سهرانه
قرأنه قال الصدق .. نبينا جيه برساله
توبوا إليه قبل ما يفوت الأوان
الجنه باقيه وابقى
من دنية الشيطااااان
هما البشر طمعانه
لبسوا قناع حيوان !!!
كرهوا الحلال والحق
صاحب القناع خسران
خسارته هى الصدمه
ماكنتش فى الحُسبان
إلا
اللى عاش بضمير
جماله بيه كسبان
فى الدنيا والأخره
وفى كل خير إن كان
ويكون كده
أنسان
سيف نُعمان
ehab elmasri
