#سندريلا_عراقية
الجزءالثالث
حنين:::
رجعو للبيت اني جنت محضرة العشه اشو همام ضايج دخل لغرفته وقفل الباب وعمتي ميعاد وميادة يتبسبسن وعمي ينفخ ويكول
ربي منك الصبر..
يااا ذوله شبيهم شصار هناك..بعدين من خلصت شغل دخلت انام يم ميادة سمعتها تسولف وية اختها سعاد وتكولها:
خطية همام معجبته البنية تردين الصدوك البنية مدحدحة..وشعرها محلو بس هية بيضة وملامحها ناعمة..عفت امي يم همام تقنع بيه؟؟
ومن خلال حجيهن عرفت انه همام مرايدها وعمتي تلح عليه..وفعلاضلت كل يوم تدخل لغرفته وتسولف وياه وبعدين سمعتها تهلهل وتكول:
اي يمه همام الله يفرح كلبك مثل مافرحتني
الصبح سمعتها تسولف ع الموبايل وهي فرحانه وتكول:
اي عيني..يجرالكم بيها خير وتدلل عروستنا.
وسدت الموبايل وهم كامت تهلهل طايرة من الفرح..والتمو عمامي ورة اسبوع وصارت المشية وتمت الخطبة بس اشوف همام مو فرحان يبستم للناس من وره كلبه..افكر والله خطية شاب مثلة تتحكم بيه امه وبحياته..حددو موعد للعقد..وعمتي كامت تشتري غراض وفتحت الطابق الثاني مال البيت ع اساس الطابق الفوك كله راح يصير لهمام ولمرته..واجه يوم العقد يركض..ركض..بس همام منسه هو وعدني اروح بالعقد فالصبح بيوم العقد دخل لغرفتنا وانطه فلوس لميادة كلها:
طلعي.. للسوك واشترن ملابس حلوة انتي وحنين اكيد امي راح تروح كبلج..فانتي بدلي انتي وحنين وتعالن ورانه..ميادة لتجين للعقد اذا متحيبين حنين وياج مفهوم؟؟
فردت ميادة:
اي همام بس اخاف امي متقبل وتسويلنه مشكلة؟؟
لتخافين امج ملتهيه ويه ام ميساء..تريد تخلص العقد شلون مجان واذا صار شي اني موجود جيبيها وتعالي خطيه خلي تشوف بشر وتغير جو..
فاني كلت:
همام..اذا تصير مشاكل بالعقد بسببي ماكو داعي اروح..روحو انتو.
واني انتظركم هنا؟؟
حنين كتلج ترحين يعني ترحين..
وطلع وعافنه..خطيه احس بي ممرتاح..بس..يحاول يكابر..المهم..عمتي ميعاد طلعت الظهر لبيت البنية فميادة استغلت الفرصة وطلعنا للسوك ميادة راحت ع محل فساتين يخبلن تلبس واحد وتنزع واحد واخيرا اختارت فستان كريمي..قصير وبيه شراشيب كلتلها:
ميادة الفستان قصير خاف يحجون عليج؟؟
ولج انتي شبيج عوبه هو عقد قابل فاتحة يالله تعالي خلي اختارلج فستان حلو..
لبستني هوايه..فساتين تكولي:
ولج شنو هذا جسمج يخبل مثل المرمر..كل الفساتين تخبل عليج والله محتارة شختار واحد يكول للاخ اني احلى منك..
لا ميادة ما اريد فستان كول الفساتين لوقصيرةلو صدرهن مفتوح صدوك جذب تريديني اوكف كدام عمي وهمام بفستان قصير لو مفتوح يااااا على بختج شيكولون عليه..
ولج عقد..عقد..يعني فرح وهلاهل..شبيج انتي محد يحجي عليج دطلعي من القمقم وراوي الناس جمالج ولج والله لو اني بجمالج..وعندي جسمج البس اشكال والوان..
لا ميادة راح اشتري بنطرون وبدي احسن واستر؟؟
طبج مرض..يالله خلي نروح نشتريلج بنطرون وبدي..
دخلنا للمول الثاني..واخذتلي ميادة بنطرون ثلجي لبسته هناك حسيت بيه شوية ضيك كلت:
ميادة حلوالبنطرون بس احس شوية ضيك مو
لا ضيك ولاشي اصلا يخبل؟؟
وبعدين اختارتلي بدي احمر ربع ردن..كتلها:
ميادة فدوة ما اريد هذا ربع ردن؟؟
كالت:
اسكتي عوبه ولج زنودج..بيض مثل الثلج ولج يطلع يخبل..عليج..
واخذتلي حذاء فلات بلون البدي وطلعنا
ورحنا للبيت بدلنا ملابسنا..هي متعجبه تكولي:
ولج طالعة كيكة وحق محمد..تعالي خلي افتح شعرج اطلعين اتكتلين
لا..لا ميادة اسوي شعري كباية لو كصيبة احسن::
استغفر الله..تخلين شعرج مفتوح ترة ما اخذج وياي..
فتحت شعري وشعري كولش طويل..يوصل لنص فخذي..وخلتلي باودر
خفيف..وكحلة ومسكارة وحمرة وردية خفيفة وهي هم بدلت وتمكيجت..وطلعت كولش حلوة..وكل شوية تكولي..
ههههه هسه تشوفج امي وتنجلط؟؟؟
وتضحك..احنا تأخرنا صار المغرب خابرت عمتي..ميعاد تصيح:
وين صرتي ميادة العقد خلص وانتي مجاية
اي يوم بالتكسي وصلت:
نزلنا لبيت العروس..بيت ضخم وجبير ويخبل ويصفن..ودخلنا بغرفة جبيرة بيها هواية بنات وشفت من بعيد همام كاعد وبيده علبة مال ذهب يريد يلبس العروس..وصلنا متأخرين لان العقد خلصان..
همام:::
دا البس ميساء الحلقة والمحابس وسعاد ونهاد وامي يهلهن والبنات صديقات ميساء يصفكن دخلت ميادة تهوس وتركص..اجت متأخرة دورت..بعيوني على حنين كلت..خطية اخاف بقت بالبيت اوووف شفتها كلبي كام يدك...يا الله هاي شطالعة..لا بسه بنطرون ثلجي حصر..دخيلك..ربي شنو هذا الجسم شنو هذا الورك المعزل والبدي احمر والزنود تشع من بعيد يربي هاي حنين لو غيرها...ولج يمه ميعاد لحكيلي شنو هذا الشعر..وين ضامته..والمكياج رقيق ومنا هي عيونها سود وكبار..وشفايفها يسطرن اكبر شاب..تخبلت تخردلت..ماكدرت اكمل البس ميساء الذهب ..عقلي طار...كلت لسعاد تعالي كملي لبسيها ما اعرف البسها الباقي..
كملن لبسن الذهب لميساء واني صافن..ما اكدر اوخر عيوني عن حنين استغفر الله عبالك جني ركبني..كلبي كام يدك وادية ترجف..معقولة هاي الحورية
اكمل دليباتي لو لأ ❤
