أحببت عدوي

part1

السلام عليكم انا سميتي خنساء نحكيليكم قصتي لغتبدا منين ولات عندي 14 انا بنت ضحوكية بزاف مع صحابي أو عائلتي أو ضرايفة مكنتعدا على تاوحد مهم هادشي ما غيبقاش مع الوقت ، داك نهار غنوض نفيق نتوضى نصلي نبوس ماما وبابا على راسهم أو ختي الصغيرة اميرة ههه ماشي على راسها
ماما:بنتي واش ليوما غتمشي تاخدي bultain
انا :وياه ماما الحبيبة (شفت في بابا) بابا يلاه معايا نمشي ناخدوها بجوج
ماما :سير آ عزيز معاها اصلا راها هي لولا في collège بحال عام ليداز
بابا: انا عارف بنتي أو عارفها بحال بابها ولكن باها كان مكلخ فين ماكملش قرايتو أو تبع صحاب سوء حتا وليت مبلي بلgaرو ولكن انا خاصني ضاروري نمشي عند صاحبي ولكن نواعدك حتى نجيبلك شي كادو
انا :مبغيت والو انا بغيتكم تكونو حدايا أو حنا مافحالتناش من أحسن بلاش و الله يعفو عليك من داك الموصيبة
ماما : ياك أو انا نسيتوني
اميرة : ممم نتي راك تنسي دوار هههه
ماما :( لاحت عليها بصندالة) هاي هاي يلا عندك 9 سنين او كدوي درgي عليا زلافتك
بابا : مالها كذبات هه
ماما: هئ هئ تحاميتو عليا دابا
انا: صافي أ ماما الحبيبة ما ديهاش فيهم (غمزتهوم) ماما مافراسكش واحد الخبار يلاه خارجا من الفران على خالتي مليكة
ماما : اياه ا بنتي شحال هادي أو انا باغنعرف عليها شي حوايج.ب
ابا:اش باغا تعرفي.ماما:ديها في شغلك مادخلش في سوق العيالات .
اميرة: هادي أ بابا هي لكنسميوها نميمة قرينا عليها خديت لعقوبة فيها 10 مرات باش نخفظ درس .ماما: والاتصالات gلت لمك سدي داك درقوش😠😠 يلاه ابنيتي خنساء عودي ليا
انا: اش غنgلك ا ماما gالتلك تكلمي ليها ضروري وصافي
ماما:نوضي تقاودي عليا هادشي منقبيلا أو انا فيا دودة باش نعرف
انا:😁😂😂 ههه انا مشيت lcollège خرجت مشيت مع بنت جيرانا خديت نتيجة شويا كنحس بقلبي تقبط عليا مشيت كلت يمكن مع الفرحة شويا انا غادا في طريق بانتليا ناس مجمعين على شي راجل دار شي كسيدة gلت في خاطري الله يرحمه
شويا سمعت الغوات و البكا انا: يا ربي هاد صوت كنعرفو درت مشيت دخلت باين جماعة والصوت كيوضاح بانتليا ماما وختي اميرة شفت بابا هو راجل ليدار الحادثة طاحت فالأرض بدون ردة فعل مصدومة ناس كيجيو يعزيو وانا بحال صنم ما طحت حتى دمعة شحال خايبة باك يموت فنهار تبغي تاخدي نتيجتم شويا فكانو غيديو بابا يدفنوه تما بديت كنغوت أو نبكي سخفت تفكرت بابا كان ضحوكي بزززاف خرجت بحالو ولكن من بعد كلشي تقلب عليا خصوصا ماما ليولات عاطياها لبيران او الشراب باش تعيشنا عيات تقلب على خدمة فلخر بان ليها غا هادشي وليت قبيحة ما بقاوش عندي صحاب من نهار مات بابا مت معاه حتا انا.انا وماما ولينا يوميا مضاربين أو زيدها مضاربة مع الدراري لكيبغيو يتبسلوا وليت انا راجل ديال دار عارفين ناس يشوفوك ساكتة يبغيو يطلعوا فوق راسك . مهم الصيف غندوزو عند جدا غنلقا ماما تحولات أو مشات واحد الحي شعبي كتار من حينا القديم مهم دخلت لقيتها كتماكي انا معنديش مع الماكياج مهم نوصف ليكم راسي انا بنت بيضة طويلة عينيا عسلين فمي مطراسي مصبغة شعري بالحمر كان كحللل مهم كل نهار بلون ها زرق ها الخضر وقطعت gوصا حد عيني وطويلة واحد نهار سمعت دقان قيتها بنت قدي قدها في l'age وشهبة بنت: سلام.انا: وعليكم السلام
بنت :انا سميتي سكينة بنت جيرانك كنسكن في دار ليحداكم انا: ممم متشرفين أو من بعد بنت: بالحقيقة انا معنديش صحابات واخا نكونو amies أن : في خاطري نكان فراسك غدا تصاحبي مع جلاخة من أحسن بلاش شوفي..قطعاتني:هاكي صيبتلك مسمن معمر انا: بصصح😍😍😍😍😍 سكينة :اه .انا: (فش كنشوف ماكلة عينيا كيخرجو كنموت علا شي حاجة سميتها الماكلة) ههه صافي صحابات انا سميتي خنساء بنت: متشرفين انا: في خاطري وناري الماكلة غتبرد أو هاد زمرة كتفلسف عليا قاطعتها : دخلي خديت طبسيل دربت نص في لكوزينا بقينا كدوي و يوميا جايبا معاها شي شهيوه مع الوقت ولينا صحبات ديال بصح لقيتها ضريفة وبنيتها مشيت معاها بنيتي
واحد النهار كنت كنضارب مع ماما : ماما الله يهديك حيدي داكشي على وجهك راك بحال الطعريجة .ماما:ويا ربي شغلك ديها في سوقك أو كوني بحال البنات ليلياتك كيخرجو الوردة ماشي نتي بحال زوفري.انا: و...
قاطعني دقان الباب بجهد
انا: وبلاتي هنا جايا فرشختو لباب
حليت بانليا دري صغير.
انا:مالك ا خويا على دقا جدارمية خلعتيني.
ولد:ختي ختي. ختك اميرة ضربوها . ماما
: شوفي هاد الزغبي لضربها انا: اول مرة نتافقو على شي حاجة اصلا شحال هادي ماضربت توحشتها ربي جابها ليا.
مشيت لقيت ختي كتبكي دايرين بها شي ناس كبار غوت: امييرة شكون هاد المسخوط المصنgع لضربك.
وأحد الشخص جاوبني :كوني هانية راه تفاهمت معاه معمر و ميقيصهاا لاهو لا تاوحد في درب.
انا:في خاطري حرمها عليا وللد القحبة خنزرت فيه : انا: مgلتشلك عاونها دخل سوق راسك .
الشخص: دير الخير ما يطرا باس. انا :هههه دير الخير فمخك. الشخص تعصب :شوفي هاديك كون ماكنتش اميرة عزيزة عليا كون وريتك وجه لاخر.