#أحلام_مراهقتين_في_تركيا
#الحلقه4
تفاجئنا أن الرحله حتكون بعد أسبوع فقط
رجعت لل🏡 غسلت وبدلت حوايجي شوي تليفوني يرن شبحت لقيتها (أنتي❤مي)
سومه:وينك وصووو
وصال:نعم
سومه:تي شن نعم هادي تي ياغبووو كان ماتعلميش مش حنكونو هنا زي هاليوم وتقوليلي بكل بروود نعم
وصال:تصدقي نسيت
سومه:مبردك،عموما بعد العصر حانمشو للمول👍
وصال:والله مانعرف نشبح الجو ونرد عليك
سومه:شن مش عارفه هادي ملياش علاقه نتصل بيك نلقاك جاهزة عارفه الحصله يلي عندي
وصال:تم .لما نخبره فيك 😝
سومه:جربي وشوفي
وصال:تمام طيري تو
سومه:قوروشورز(مع السلامه)
نزلت لقيت عمي قاعد خبرته وفرحلي(عمي يموت فيا حتعرفو من تصرفاته علي عكس مرته)
عمي:جهزي نفسك ف العشيه باش نطلعو تاخدي يلي ناقصك
وصال:عمي بناخد اذنك بنطلع اني وسومه مع بعض
عمي:مافيش مشكلة نعطيك فلوس وخودي يلي ناااقصك
أحلام:لو قعدتي كنت طلعت اني وياك أحسن😞 خير من طلعتكن بنات بس
عمي :خلي البنت عبي راحتها
وصال:ماتشغليش بالك ياعمتي حيكون معانا مروان
أحلام:عمك قاعد شن مشيتك مع الغريب نبي نعرف
وصال:ياعمتي مروان زي خوي وانت تعرفي الفتره يلي تربيت معاهم فيها (مشت عاشت فتره بحدا خالتها بس عمها مرضاش أنها تكون عندهم فخداها عنده)
عمي:😵
أحلام:زي خوهااا قالت لما نشوفو
عمي:ياأحلاااااام😡
وصال:😣😦😢
أحلام:عموما إنشاء الله ترفعيلنا راسنا في بلاد الغربه وماتاخديش نقطة أن أهلك مش موجود وتستغليها
وصال:معاش قدرت نسمع كلامها أكثر من هكي للحظه شريط حياتي مر عليا أذكرت ماما وبابا وضحكتهم معاي وحنانهم دمعت معاش تحملت (أي حاجه نتحملها اﻻ لما تحكي علي أهلي) ركبت لي غرفتي ارتميت علي سريري وخانقتني العبره
عند عمي
:معقوله ياأحلام هكي اذكريها انتي عارفه يلي مرت بيه باش تنسي يلي صار معاها 😡
أحلام:والله طلعت مني بدون قصد😢😢
عمي:حصل خير معاش تتكرر خلي نمشي نشبحلها
أحلام:عاد تقدر عليها ست الحسن
عمي:قلتي شيء
أحلام:قتلك بسرعه أمشي أشبحلها والله من دون قصد
عندي لو كنتو عايشين مكنتش بحدا ناس يهينو فيا مكنتش
بحدا وحوش يصتصغرو فيا في كل فرصه يلقوها ياربي كله مني لو مصارش يلي صار فهاذيك الليله مكنتش تو قزووونه يااااارب صبرنيييي😢😢😢سمعت عمي علي الباب :وصوله
وصال:.......
عدلت جلستي جلس عمي بحدايا يمسحلي علي راسي
:علاش يابنتي اديري هكي علاش تعذبي فيهم وهما تحت التراااب
وصال:مش قادره ياعمي كل مانذكر اني سبب في موتهم ننقهر
عمي :قداش مره نعاااود أن انتي مليكش علاقه ربي خذي أمانتهم واﻷعمار بيدي الله خلي إيمانك بربك كبييير
وصال:ونعم بالله
عمي:ولايهمك يابنتي انت عارفه أن أهلك فخورين بيك ولو كانوا عايشين.قطعت عليه
وصال:معاك حق لو كانو عايشين.............
عمي:😮😣
انتهي الباااااااااااارت
رايكم يهمني شن رأيكم في البارت😢
شكرا هلبا هلباااات للعسولات يلي يدعمو فيااااااا 👏👏👏👏
كتابتي✏✏✏✏
أنت تقرأ
أحلام مراهقتين في تركيا
Romanceأول نوفل ليا أني وصال من ليبيا وبالتحديد مدينة مصراته النوفل حتكون خياليه واقعية لاأستبيح القراءة بدون لايك وكومنت ❌ ❌ تصويتكم ورأيكم
