#استغلال_جاذبيتي
البارت 6 و 7
قصص غزوان علي
نها:رحت سويت الكيكه وجهزت العصير اجه مازن وطلع جدي استقبله ودخله للغرفه مالته غريب جدي يستقبل الخطار لو بلحديقه لو بلاستقبال جهزت الصينيه.واخذته لغرفة جدي دكيت الباب ودخلت سلمت
مازن:وعليكم السلام اهلآ وسهلآ اشلونج
نها:الحمدالله انته اشلونك انشالله زين
مازن:هسه صرت زين وابتسم
نها:مرخصتكم
الجد ومازن:مرخوصه
. "كروب قصص غزوان علي "
نها:طلعت وجي صار احمر وصخنت من الخجل هو شكال حتى اني هيج ارتبكت...ضليت كاعده بلحديقه وصارت تقريبآ ساعتين ومازن بعده يم جدو شيريد منه جدو بس لواعرف الفضول راح يكتلني مكاني احجي بيني وبين نفسي واسمع صوت مازن
مازن:ليش الفضول لهل الدرجه مضوجج
نها:وانته شمدريك
مازن:مو جنت واكف يمج وانتي تحجين
نها:احتاريت شحجي واني ميته من الخجل
مازن:اكيد راح تعرفين شراد مني بس مو هسه
نها:لعد اشوكت
مازن:بوكتهه الله كريم
نها:وشوكت وكتهه
مازن:صدك لو كالو الفضول يقتل صاحبه
نها:سكتت اوف يالله اليوم شبيه...
مازن:تدرين من يوم الزياره واني افكر بيج
نها: ليش
مازن:ماادري بس حبيت احجي وياج
نها:بخصوص شنو تحجي
مازن:هيج بس احجي من احجي وياج انسه نفسي
نها: سكتت بس يمكن راح يغمه عليه
مازن:شبيج اليوم كل مااحجي تسكتين
نها:ماعندي جواب
مازن: اني اترخص لازم اروح
نها:الله وياك....
.راح مازن واني ضليت حايره شسوي اتصلت على ندى كتلهه تجيني بسرعه
ندى:هلو نها شكو شصار الدواعش اعلنو جهاد النكاح نها:كبر شكد مكروه
ندى:لعد اني رايحه
نها:تعاي احجيلج الصاير
ندى:والله لو ماايضل الفضول ياكل بيه جان ماكعدت يله غردي
نها:خل اجيبلج كيك وشربت حتى مااصير بخيله مثل غيري
ندى:لج مسويه كيك جيبيلي وتعاي بسرعه خل اسمع اخر فلم صار وياج
نها:جبت الكيك وكعدت يم ندى بلحديقه...لج ندى تدري منو اجه اليوم
ندى:منو امير الدواعش
نها:كبر خل احجي عاد....اجه مازن
ندى:ولج يامازن هذا
نها:ليش ماحجيتلج على مازن
ندى:لا ومين تعرفينه
نها:صدك اخر مشكله صارت نستني مواليدي....اي مازن اجه ابن عمي ابو عصام موكتلج اجه صاحب جدي اخذنه وياه ابنه رحنه سوه للزياره
ندى:اي كلتي بس ماانتبهت من ورء الصدمه مال عمج نها:جدي خابره وكايله تعال وضلو كاعدين بغرفة جدي بلساعتين
ندى:ليش ماعرفتي ماسئلتي جدج
نها:لا والله بعدني ماشايفه جدي..
.ندى:اي وبعدين شصار
نها:اسكتي وخليهه غير جنت كاعده اهذري وحدي وجان واكف فوك راسي وماادري بي
ندى:وشتهذرين
نها:احجي بيني وبين نفسي اكول شعنده ويه جدي
ندى:عزا وهو سمع
نها:اي سمع كل الحجي وجاوبني
ندى:وشكال
نها:كال كلشي بوكته حلو بس كال شي مافهمته
ندى:وشنو
نها:كال من يوم الزياره اتمنيت اشوفج واحجي وياج
ندى:اي وشجاوبتي
نها:كتله ليش...كال حبيت احجي وياج
ندى:ماكال شيريد يحجي
نها:كتله نفس هاي الحجايه....كال بس احجي وياج انسه نفسي
ندى:وج هذا معجب وشجاوبتي
نها:يامعجب انتي الثانيه...سكتت وهو ترخص وطلع
ندى:حلو اذا حلو اشمري عليه اني استقبل
نها:هو جكليت حتى اشمر عليج بس الصراحه هو حلو وينحب
ندى:اذا تكولين حلو يعني جكليت واذا جكليت اني احب الجكليت
نها:ضليت اضحك على ندى...وضلينه نسولف ودخل ياسر
ياسر:الله قمرين في مكان واحد
ندى:نها.اني رايحه لين الهوء انسد
نها:اي والله عبالي بس اني كمت مااشتم الهوه
ياسر:شنو السالفه لعد اشلون اتنفس هسه اني واشتم هوء طيب
ندى:يله حبي باي
نها:باي خل اروح ادخل جوه احسلي
ياسر:وين تعاي اكعدي يمي نسولف
نها:وشعندي كاعده يمك هو اني مااطيقك
ياسر:لعد اشلون راح نعيش العمر سوه
نها:شتقصد
ياسر:ليش غير ابن عمج ناهي عليج
نها: ضليت مصدمه شنو السالفه يوميه صدمه جديده ...ومنو يكلك اقبل بيك
ياسر:مو بكيفج بعد نهيت
نها:ونهيت جدي يدري
ياسر:هاي اذا بقه عايش عود يحجي
نها:الله لايوفقك انشالله عدوينه
ياسر:هو رجال جبير شباقي بي بس العربانه تفتر...وضل يضحك
نها:ابدي اخنكه...عفته وطبيت جوه رحت لغرفة جدي لكيته نايمضليت كاعده يمه اكلب بلتليفون طلعت برء تلكتني مروه
مروه:تعاي جبنه مسواك اني وصفا عزلي
نها:ماشي يعد محتاجه شي ثاني عمه
مروه:الله ياخذج هذا المحتاجته
نها:صارت غصه بكلبي ورحت عزلت المسواك اجت صفا
صفا:تعاي بدلي ال نور ومشطي شعرهه
نها:اني احب امشط شعر نور لين طويل....ماشي عمي.. بدلتلهه ومشطت شعرهه وخلصت جاي اطب للغرفه مال جدي وتجي مروه تلزم اليده مال باب
مروه:وين موليه
نها:يم جدو
مروه:امداج وامده جدج روحي سوي عشه
نها:بس انطي الدوء الجدو واسوي مروه تحجي بصوت ناصي
مروه: روحي سوي عشه وبعدين انطي الدوء لاتخافين هاي الساعه مايموت
نها:شكول شحجي شدعي كلمن يحجي بصفحه ويتمنه موته استسلمت للامر الواقع ورحت اسوي عشه ودموعي تصب وبالي يم جديجهزت العشه وخلصته ورحت جاي ادخل ال جدي لازمتني مروه
مروه:تعاي صعدي العشه لغرفة ياسر سوده عليه ماماكل اليوم مدري شبي
نها:اسفه عمه اني سويت العشه بس مال اصعده يم ياسر مستحيل انتي امه واذا خايفه عليه روحي صعدي... ورحت دخلت لغرفة جدي بعده نايم شنو السالفه رحت تقربت عليه اكعده جدو جدو جدو اكعد جدو حبيبي اكعد اتعشه اشولاحس ولانفس شنو السالفه ضليت اكعد ماكو صرخت كل قوه جدوووووووو جان عمي محمد توه طاب اجه ركض للغرفه ضل يكعد بي واني اصرخ صاح على ياسر اجه كاله جيب السياره اجتي مروه وصفاجاب السياره ياسرشاله عمي محمد واخذا واني اركض وراء واتوسل بي اكله اخذني وياكم ضل يصيح عليه ودفعني وكعت علة ضهري ركضت وراء للطرمه واصيح عاط بيه كلي طبي جوه على صوتي اجتي ام ندى
ندى:شكو شبيج
نها:جدو ماادري شبي احجي وابجي انهارت اعصابي اباوع على صفا ومروه واكفات ولاجنهن كمت ركضت عليهن اريد اخنكهن بس لزمتني ام ندى وندى اصيح عليهن انتن السبب انتو كتلتو
مروه:اوي واحنه شعلينه هو رجال منتهي
نها:الله لايوفقكم ليش هيج تسون لكم ياناس علمود الفلوس خرب بلفلوس التغير النفوس وعلى منو على الاب وجي على ام ندى خاله فدوه اروحلج خل ابو ندى يخابر على عمي محمد ويشوفه اشلونه فدوه خاله واتوسل بيهه
صفا:ماكو.داعي هسه خابر محمدمحمد ويكول انطاكم عمره
