Weird kaayo kay sa akong huna-huna,
makulbaan ko nga makakita
pagbalik nimo.
Wa ko kahibaw kung unsa
ang akong reaksyon kung magkita ta
sa oras nga wa ta damha.
Pero sa dihang nakita na gyud tika
naglakaw nga nag-inusara,
ambot og ngano pero
wa man koy na-feel diha nimo.
Tungod ba kaha kay nakat-unan ko na
sa pagkalimot ang akong gugma nimo sauna;
o tungod ba kaha kay nawala na
ang sakit nga gihatag mo sa akoa;
o tungod ba kaha kay nahikalimtan ko na
kung unsa'y feeling kung mahigugma?
Ambot lang.