القصة بعنوان #تناديني_سيدي
للكاتبه شهد المحمد
#تناديني سيدي..
ملاحظه 18+
من بارت ١الى ٧
البارت الاول..شهد المحمد
منتصف الليل ..سمعت صوت حركه بغرفتي رفعت الغطا عن وجهي واشوف اربع رياجيل مسلحين وواكفين ع راسي ...لفيت روحي بسرعه بالجرجف وغطيت نص من وجهي ..وحجيت بخوف ..
ياستار سترك ربي منو انتو..
اشش بلا لغوه زايده كطعي النفس لا افرغ المخزن هذا كوله براسج..
سكتت واني ارجف ومصطكه ..رجع حجه وياي ..يالله وبهدوء تعالي ويانه..
جاوبتهم ..فدوه بس گلولي انتم منو وشرايدين
جاوب واحد منهم ..احنا المخابرات العراقيه..
ظل بالي ع عمي وين ..معقوله همين لازمينه..
رجعت حجيت وياه ممكن خويه تتطلع بره علما ابدل ملابسي.. واحد منهم جاوب لا منطلع بدلي كدامنه
فدوه بس انطيني عباتي وحجابي ..
الرجل المسلح ..رفع اسلاحه بوجهي وگلي اتحركي انتي جيبي اغراضج ويالله.. لتصيرين غبيه وتحاولين اطلعين اسلاح او اي اداه دفاع عندج
جاوبته بخوف ...شنو اني مالت اسلحه ومقاومه اني هسه من السلاح مالتك خايفه..
يالله لتكثرين بالكلام..
لفيت روحي زين بالجرجف بحيث كلشي مطالع مني ورحت فتحت الكنتور شفت حجابين وعبايه حجاب لبسته ع شعري والحجاب الثاني غطيت بيه وجهي ماريد احد يشوفني ويطمع بييه
طلعوني من الغرفه واحس اسلحتهم بظهري موجيهه
ومن وره الحجاب لمحت عمي كامل معصبين عيونه وشادين ايديه وره ظهره..
كامل عوفو بنت اخوي هي مالها علاقه ولا تعرف اي شي..
واحد بيهم ظربه بالسلاح ع جتفه ..اسكت ساقط ..كلب.. ياعميل ..
اني ظليت ابجي عموو اسكت فدوه العينك ..
اخذونه كولنا اني وعمي.. ومانعرف وين متوجهين ..
قبل مانوصل للمركز خل احجيلكم قصتي ..اني رنا عمري ١٧سنه ..بابا متوفي واني طفله اخذتني امي وربتني يم بيت خوالي ..
عائله ماما متكونه من امي وخالتي وثلاث اخوال
اثنين مستشهدين بحرب ايران وواحد طالع للخارج من السبعينات ..وحتى ماعدنه اتصال بيه ..بيبي متوفيه
ماما من الشمال وبابا من الجنوب التقو اثنينهم بالجامعه وصارت بينهم علاقه ..وتزوجت امي بالجنوب
بابا كان ملتزم ومتدين وهمين ماما نفس الشي علمها الصلاه والالتزام والديانه بذاك الوقت قليل ناس محجبه وماما كانت الحمدلله مثال للكمال فد يوم اجت اخباريه ع بابا واتهام باطل انو بحزب الدعوه ..اخذته المخابرات العراقيه وعدمته بعد زواجهم بسنتين .. ماما اخذتني البيت جدي ..جدو كان عنده فرن وماما كانت اتساعده بصنع المعجنات.. ومنها اطلع مصرفنا وبنفس الوقت عدهه مكينه خياطه وتخيط عليها بس مكانت اتخيط لاحد غريب بس اليه والخالتي ..جنت بنتها المدلله شنو اريد طلباتي مجابه ..وبنفس الوقت ربتني احسن تربيه ..كانت دايما اتعلمني هذا صح وهذا غلط وهذا عيب ..وفد مره من المرات ماما راحت للسوك اتجيب لوازم للخياطه
تنــاديني سيدي..
شهد المحمد البارت الثاني 2
كانت ماما ع الرصيف دتمشي عبرت سياره سوده ودعمتها الماما واختفت ..الناس نقلت امي للمستشفى وامي بين الحياه والموت.. وتلفظ انفاسهه الاخيره اريد بنتي اريد اشوف بنتي ..اخذوني لامي
ماما من شافتني نزلت دموعها. .وكالتلي ماما اني مسافره رايحه يم ابوج دير بالج ع نفسج
ولزمتني من ايدي رناوي هذا التيشرت اللابسته شنو لونه
جاوبته ماما لونه ابيض
رجعت جاوبتني امي ..شوفي يمه .. البنيه مثل هذا اللون الابيض اذا اتلثكت عمرهه ماتنمسح واذا انمسحت يبقى اثرهه.. تتذكره الناس..
اني جان عمري ٨سنوات ..بوقتهه حجي الماما جان جبير عليه مافهمته بسهوله بس بقى ابالي مانسيته ..
حسيت ماما راح اتموت وتعوفني ..ماما انتي اشلون اتعوفيني اني بدونج وين اروح ..
جاوبتني امي ..ربي احن مني عليج وهو مراح ينساج رجعت امي وباوعت الجدي بنتي امانه عدكم ..ربوهه تربيه زينه ..ماريد الدلال اللي يخرب ولا اريد القسوه الي اتأذي اريدكم اتعاملوهه بما يرضي الله ..
جدو بعيونه الدموع ان شالله تكومين ع حيلج وانتي تربين بنتج ..
امي باوعت للسقف وادموعهه نزلت وظلت تحجي وتهذي وعبالك اتشوف اشياء احنا منشوفهه ..واتمتم بكلام ..مشتاقتلك ..فرحت بشوفتك ..واشويه اشويه اختنگت وفتحت عينها بالزايد وانتقلت الرحمة الله ..
بقى جدو حزين بعد وفاة امي ..واتوقع جدي ان حادثه وفاة ماما كانت مدبره وانو ماما ماتت مقتوله انقتلت مثلما قتلو بابا ..بس قبل منو يگدر وي الحكومه..
بقيت عند جدو وخالتي جدو كان يموت عليه ايشوف امي بعيوني يشمني شم وظل حتى يناديني باسمها وسن… اللي هو اسم ماما ..
مرت السنين واني ابيت جدي وخالتي خطيه ماتزوجت بقت علمودي… جدي اتمرض واتوفى ..وبقينا اني وخالتي ..
خاله سوسن كانت مثل امي وازيد من امي بالمحنه والعاطفه ..بس طبعا ماما كانت اجمل منها واني طلعت ع امي ..عيوني زرك وشعري اسود ناعم وبيضه بس مو هذا البياض الناصع لا بس بياضي حلو طبيعي شعري اسود ..حلگي ازغير وطويله وجسمي شاد ورشيقه ام سرمد اجوارينه اتشبهني بهوليا الممثله التركيه ..
ادگلي خاله من اشوف صوره هوليا اكول هاي الفنانه تشبه بت وسن الله يرحمهه ..
رنا/خاله وين تشبهني هاي اتخبل ..
ام سرمد وانتي يمه شنو قاصرج طول بجسم ابياض اصلن انتي احلا منها هي سمره ..
رنا هههههههه خاله خل اروح اكمل دراستي لان لو ابقى يمج انغر بروحي وابطل اقره ..
ام سرمد جانت جايه ع خالتي ..عدهه موظوع وياهه
ام سرمد اشلون صرتي هسه ..
سوسن الحمدلله نعمه
ام سرمد رنا تعرف بحالتج
سوسن لا عيني ام سرمد عدهه امتحانات هي بصف الثالث متوسط مااريدهه يتعكر مزاجهه علمودي
واريد اامن مستقبلها قبلما اموت لان تبقى وحدانيه ..
ونزلت ادموع سوسن ..منو الها حتى اخويه حسن اللي بالخارج مااعرفلها ذكر… جان دزيتهه اله ..
ام سرمد يعني اشلون اتأمنين مستقبلها..
سوسن هذا البيت جبير راح ابيع ذهبي وذهب امهاا وراح اقسمه نصين نص ااجره والايجار الها هي تستفاد منه.. والنص الثاني هي تكعد بيه بعدما اموت ..
ام سرمد ..خيه هي ماعدهه اهل ..
سوسن والله خيه اللي اعرفه عدهه عم واحد وميخلف وناويه ادزهه اله بس هذا البيت اريده ظخر الها اشو احنا ماعدنه حظ.. اخاف تاخذ انسان مو زين ويطلكها او يجوز ع حظ امها ويموت زوجهه اريد الها تچايه لميلات الزمن ..
ام سرمد زين اتسوين عيني ..وصدكي خيه سوسن والله اداريها واخليها بعيوني ..اذا تبقى وماتروح لعمهه
سوسن لا ام سرمد اهلها اولى بيهه بس اني اريدج عيني ع حلالها ..
سوسن جان عدهه سرطان بالدم بدت حالتها اتسوء ومرت سنتين ونامت بيهن سوسن بالفراش ورنا اداريها اتشيل وتحط وحتى،جانت اتلبسهه حفاظات لان مجانت تكدر تقضي حاجتهه ..
رنا خلصت الخامس اعدادي ...
خالتي دزت ناس وانطتهم عنوان عمي .وعمي فرح بنت اخوه وخطيه هو ميخلف وكال هاي اخليهه بعيوني ..واجه عمي البيتنا وشافني خطيه حاظني ويبجي ممصدك ايشوف بنت اخوه ..بعد ١٧سنه
