أرجو لكم قرائة ممتعة
رجعت للبيت مقهوره ليش هيجي يتصرف وياي شنو مسويتله مروه الي مأذيته حبها يمكن اكثر مني..
داومت ثاني يوم خلصت محاضرات وطلعت حتى مشفت احد عبريومين ع هاي الحاله..بليل اتصلت عليه منى بس مخنوكه بالكوه احجي..
منى..شونج شهوده ليش مطلعتي ويانه تتعشين
شهد..تعبانه والله😔/منى سلامتج شبيج لج/شهد.ماكو بيه شخباركم./منى تمام حبابه دكدرين تتصلين بخطيبج يسهل النه امر باجر نريد نعقد محكمه/شهد😔اووف ان شاء الله اني ادزلج رساله بيباي/شهد هو اني اعرف شي عنه حتى اتصل عليه اتصلت ع زهراء...
شهد..شونج حبيبتي/زهراء..حبابه دكدرين دكولين لعلي صديقتي باجر تريد تعقد محكمه وعدنه امتحانات خلي يسهللها امرها./زهراء..لا باجر عقدنا اني وكرار بابا ياخذني دزيلي رقمها للبنيه اني اتصل بيها/شهد.اوك دزيت رقم منى لزهراء ودزيت لمنى ورجعت نمت بس عيوني مااعرف ليش انملن دموع جنت اتمنى اروح وياهم عقد محكمه اذا ميريدني يمه ليش مخليني معلكه بس المشكله احبه اكثر من روحي
صار ثاني يوم داومت وحدي😔..
زهراء كعدت الصبح بس اريد اشوف كرار شوون صار مااعرف اخباره..طلعت اني وبابا سويت تحليل ولكينه هناك كرار بس مشفته بعدها طلعنه اني لحد هسه مشايفتها وصلت للمحكمه اتصلت ع صديقه شهد لكيتها باب القاصي منتضرين هي وخطيبها عقدوا وكملووا وشكروا منا وطلعوا بقيت كاعده منتظره كرار اريد اشوفه جنت مدنكه شفت حذاء يمي رفعت راسي لكيته فوك راسي كمت كلي صباح الخير استحيت لزم ايدي عصرهاا حيييل دخلنه للقااضي وعقدنا وكملنا بعدها راح عني اريد بس اسأله شون صار ماكو مشفته طلعنه وصلني بابا للجامعه خلصت محاضراتي ورجعت للبيت اريد اتصل استحي...عرفت من بابا الاربعاء العقد ليش هيجي ديسرعها اريد افتهم ليش ميتصل ..ضجت كوولش بقيت لليل كاعده مااتصل وعلي مختفي يجي بس بليل..
شهد..اتصلت بيه منى وزهراء مخلصين عاقدين فرحتلهم كولش بعدها عرفت زهراء عقدها الاربعااء 😌جهزت نفسي صادف ثاني يوم ثلاثااء اتصلت عليه زهراء طلعنه العصريه للمول اخذنا فسااتين ورجعت للبيت صار الاربعااء مريت ع زهراء ورحت للصالوون كصيت شعري سويته وسط وسويت تسريحه بسيط وزهراء طلعت حلووه زهراء كلتلي لازم طلعين حلووه لانو عازمين اقاربهم صار العصر وصلنه للبيت جان كوولش هوسه البنات حلوين بس اني هم حلووه ممقصره طلعت للمطبخ شفت علي دخل لابس قميص ابيض فاتح الدكم وبنطرون بيجي وحزام وحذاء جوزي😍😍 تخبلت😳شكو وهاي البنات ضجت..
علي..اتصلت عليه امي ع عصير كرار يم السيد الي يعقد رجعت للسوبررماركت اخذت اربع صناديق ورحت للبيت نزلتهم ورجعت للسياره اسد الباب خاف تنضرب
شهد ركضت اخذت الصناديق اسحل بيهم ثكال كولش موتني بس كولها ولا علي يدخل ويشوفنه البنات
علي..دخلت اريد ادخلهم لكيتهم ماكو😳وين اختفن دخلت للمطبخ لكيتهن موجودات صحت ع امي
علي...منو دخلهم اكو احد من الولد هنا
شهد..اجيت عليه كوتله اني دخلتهم😒
علي😳شون كدرتي ثكيلات عليج/باوعت شلابسه زين عدها صفات انثويه😒/شهد..لتخاف اكدر شبيه اعادل الف رجال/
علي..من هاي طايح حظي ماحس بيج مره/شهد ليش هيجي دتحجي تريد تتعارك عادي/علي لج صوتج لا اهفج بالكلاص صيري مره حالج حال الموجودين مو الج هاي السوالف😒درت وجهي وطلعت/شهد متت من الحركه من حجه هيجي طلعت ورا كوتله غصبن ماعليك مره فاهم بقى واكف بعدها دار وجهه الي
علي..لج ولي من وجهي لا ابجيج تركتها وطلعت ..وكحه
شهد..دطير اني اعلمك دخلت ضليت اركص اني وزهراء بعدها كالوا اجه الولد دخلوا عقدوا وكملووا بعدها دخل خطيب زهراء عرفته نفس الي بالمكتب..
كرار..دخلت شفت حبيبتي فدوه لله طالعه شحلاتهاا اخذت علبه الذهب لبستها وكملت وكوتلها تركونا وحدنا بقيت كااعده يمي خجلانه فدووه لله..
زهراء دخل كرار بس استحيت ارفع راسي بعدها كللهم طلعوا
كرار..طلعوا باوعت عليها كوتلها رفعي راسج رفعت راسها ممصدك بوستها بهدوء كولش اخااف عليها اخاف ااذيها كوتلها لتخافين حبيبتي انتي هسه صرتي رويحتي
زهراء..شوون صارت ايدك/كرار..زينه بعدج خايفه/زهراء لا نسيت/كرار..بعد ماكو خوف انوب تنامين وتكعدين ويايه..تعالي من فدوه اروح لهااي النزاكه.
شهد..بعدها خلص العقد كملنه فرحت زهراء كولش واني فرحت لفرحتهاا كولش غيرت ملابسي وبقينا للعشه عدهم صعدنه لغرفه زهراء..
علي فرحت لزهوره كولش امنت احسن من كرار مااحصل باركت لكرار وطلعت اخذت هديه ورجعت للبيت صعدت الها دكيت الباب ودخلت
شهد..دخل علي كمت اني كوتلها يله اترخص كلتلي زهراء ابقي باوعلي صفح وراح عليها باسها وكللها حبيبتي مبروك يارب اشوفج عروسه ولبسها كلاده وطلع انقهرت كوولش اول مره اسمعه يكول حبيبتي لعد ليش يكرهني هيجي ردت ابجي مبينت بعدها طلعت من الغرفه رجعت للبيت بس مخنوكه مذبوحه ..منمت من البجي بجيت بحركه صدوك اتمنيت اموت يارب اريد ارتاح ليش ميحبني شنو الخلل الي بيه..طلع الفجر اني منايمه داومت صوتي مبحوح من البجي كاعده بالنادي مدخلت محاضرات..اجتي عليه منى باركتلها هي وامير. امير..شبيج صوتج متغير/شهد..ماكو شي/امير.اكيد../شهد ي كام راد يطلع لزمت ايده كوتله ابقى اريدك وبجيت.
امير..شفت شهد مالها خلك حاولت وياها ماكو كمت اريد اجيب عصير لزمت ايدي وبجت اول مره سويها ضليت مصدوم شبيها شصاير وياها
امير..شبيج/منى..لج شصاير احجي..امير اخذتها للحديقه كعدنه بعيد عن الطلاب وكوتلها احجي شفتها انهارت..
شهد..طلعت الي بكلبي كوله اريد امووت احبه صدوك كلبي ديأذيني يريده بس هو ميريدني يمه ميحبني ابد متصل عليه ولا يباوعلي المشكله احبه اكثر من روحي تعلقت بي فراكه ديأذيني تعبت تعبت شنو البيه راح اموت من القهر يجاهلني كأنو ممجوده تعبت تعبت تعبت فقدت ضليت ابجي بدون وعي انهاريت اجتي عليه منى حظنتني...
امير..اول مره بحياتي اشوف شهد بهاي الحاله متت عليها قررت اروح احجي ويا كافي مصخها لازم يعرف انو عدها ضهر..كوتله لتبجين حبيبتي اني اخوج هنا لتخافين اني احلها الج وطلعت بوجهي اله حتى مااندل وين طلعت بدون وعي اتصلت ع منى انطتني عنوان المركز..ورحت عليه..
علي..ابويه اتفق ويايه الزواج بعد شهر واني ممجهز نفسي دايخ اجه عليه كرار..
كرار..علي شبيك اشو صافن/علي..دايخ شوكت تزوج/كرار والله يمكن بعد الامتحانات وانته/ علي.يمكن وياك/كرار.ي خلي وياي ع واهس/علي..هو هم هيجي شكد بعد للامتحانات/كرار..شهرين...علي..الله كريم واكف اباوع للشارع وسمعت الباب مال المكتب اندكت منتبهت ورثت جكاره فاتح الشباب ادخن..
امير..دخلت لكيته واكف وصاحبه كاعد سلمت عليهم ودخلت شكد مغرور لخاطر ربك
درت وجهي شفته هذا الولد الي وي شهد بالجامعه
علي..خير/امير..اريد احجي وياك ع انفراد/كرار..اترخص اني
علي..اكعد كرار احجي شتريد من الاخير
امير..اوك..بخصوص شهد اجيتك/علي..كمل شكو
امير..اني شهد اخت الي ثقيت مثقيت يمك بقت بس ثق باالله وداعت عافيتي ماعندي اي مصلحه وياها اخاف عليها كانما اختي اكثر ومن عرفت انخطبت فرحتلها بس دااشوفها تذبل كدامي ومااقبل اسكت
كرار..شكو شصاير علي متحجي/علي..خلصني شتريد
امير..ديربالك عليها هسه انهارت كدامنا والله خفت عليها انته موزين وياها لابعد حد ميصير تعاملها هيجي اني احجي وياك اعتبرني اخوها وجاي اريد حل لاختي..
علي...خلصت؟ امير.ي/علي..هذا الموجود عندي وهذا اني مجابر احد يبقى وياي وحياتي الشخصيه متدخل بيها اخوها ابوها ماتهمني علاقه الي تجمعكم ابتعد عني احسن الك والها..
امير..ع راحتك بس ديربالك تخسرها تركته وطلعت
كرار..دخت من سمعت هيجي حجه باوعت ع علي؟صدوك الي سمعته؟علي..اسكت كرار رحمه لمحمد/كرار..طلكها افضلك والله خطيه تظلمها وياك/علي..تعبان كرار لتحجي كافي
كرار..راح اكول شغله واطلع الي متراضا اسوي وي زهراء لسووي انته وي خطيبتك لك خطيه ارحمها للبنيه
علي..لك كافي انسى راح اطلع اني ابقى انته..♥ اخذت غراضي وطلعت بس متخبل
شهد .رجعت للبيت تعبانه نمت كولش بقيت نايمه كعدت بليل اكلت ورجعت نمت ثاني يوم كعدت ع وقت نظفت البيت كوله..كعد بابا راح للشغل وراها رجع متخبل..وعصبي
شهد..شونك باباتي/الاب..تمام/الام..شونك شبيك ليش هيج منخطف لونك/الاب..هذا شريكي الولد المحل انهب وقررنه نتقاسم الخساره اليوم اجه يكول الخساره تتحملها بس انته ويريد مني20 مليون/الام عزه لعد انتم مو متفقين واكو مكاتبه/الاب المكاتبه بااسمي بس سويتها ع مود اسحب السلفه وهو هيجي يكدر يضيعني من الصبح/شهد تخبلت اني من سمعته هيجي حجه بابا شنو هذا مو بكيفه غصبن عليه يتحمل الخساره متت من الحركه تغده بابا رحت اخذت العنوان مال بيت شريكه منه وبعدها قررت العصر اروح اني ضايجه من سالفه علي خلي اطلع قهر كلبي كووله بهذا المطي😠
للعصر كعدت كولت لامي اني رايحه لصديقتي ادرس لبست ملابسي وطلعت بس اني مااعرف شريك ابويه ناجح يصير ابن عمته علي مااعرف صله القاربه بينهم♥♥
بهاي الاثناء ابويه واكع متخربط وامي ماخذته للمستشفى هي وعمي وابو محمد جاي وراهم مفتهم الموضوع.♥
محمد ..مريت ع علي للمكتب اريده يسوويلي باج عدم تعرض سيارتي بدون ارقام وميخلوني اطلع بيها..
شهد...طلعت لبيت شريكه وصلت دكيت الباب سألت عنه كوتلهم اريد ناجح...دخلوني للبيت دخلت للاستقبال كعدت وره شويه دخل♥
ناجح..تفضلي/شهد😠اني بنت صالح شريكك/ناجح..حلوو دز بنته الي يريد يغريني مثلا واجه عليه راد يلزم ايدي دفعت ايده لك احترم نفسك اكسرها اذا انمدت ايدك هااي فاهم لشوفني بنيه وربك اسحلك سحل المكاتبه تنسااها وتترك ابويه وجهك فكر من اجيت علينه اجتي المشاكل😠
ناجح..اوافق بشرط واحد/شهد😒احجي لدوخني شنو/ ناجح دنكت ع اذنها وهمست تباتين ويايه ليله وبعدها انطيج المكاتبه/شهد من كلي هيجي تخبلت ضربته راشدي لك حقير انته متستحي زباله تفو عليك راح اشتكي عليك/ناجح تخبلت من ضربتني رادت تطلع لزمت ايدها وجريتها حيل هسه اعلمج لج ضربيني اذا مااكسرج واسوي فضيحتكم ع كل السان /
شهد خفت كولش حاولت ابعد ايده ماكدرت ضليت ادفع بي وكعت بالكاع اجه عليه ضربته برجلي ورجعت ليوره واكعه بالكاع واجه ابويه بالي اذا صار عليه شي يموت دخيلك يارب ضربته وكمت ركضت للباب اريد انهزم اول موصلت جرني من شعري اذاني كولش.
ناجح تعالي للغرفه حقيره هسه اربيج عدل اني
شهد واكفه وشعري مشدود باايده جانت ع طبله يمي تحفيه شلتها وضربته بيها حيل وكعنه اثنينه بالكاع راد يجي مره ثانيه الي ضربته بكعب الحذاء بعينه بقيت ازحف ليوره سحبت جنطتي بعدها طلع راد يروح يغسل طلعت اول مطلعت لزمني
لزمني ضربته بالجنطه بس هو ميشوف لانو الدم نزل ع وجهه جر جنطتي وذبها بالكاع دفعته ورجعت للاستقبال باب جان ثكيل كوولش شفته كام يريد يجيني صحت ياعلي وسديت الباب بالكووه انكطع النفس مالتي قفلتها وقفلت الباب الثانيه وكعدت بالكاع ابجي دخيلك يارب راح ابقى محبوسه هنا حتى جنطتي بقت بره
ناجح اني اعلمج لج اني الي راح اروح اشتكي عليج واله اخذج غصب واكسرج...طلعت رحت لعلي ابن خالي
محمد..كاعد يم علي اتصل عليه ابويه وكلي اروح لناجح اخذ المكاتبه سديت الجهاز سالني علي♥
محمد..ابووغاده بالمستشفى ناجح مهدده بالمكاتبه وميقبل يتحمل الخساره
علي..شغلكم كوله ممقتنع بيه اني هسه شنو الحل
محمد..اروح لناجح واخذ المكاتبه/علي تعال اوصلك اني دااحجي ويانه دخل علينه ناجح
محمد😳لك شبيك منو ضاربك
علي😕شكو وجهك صاير خريطه
ناجح هذا شريكي هيجي سوه/محمد..لك ليش الكذب شريكك بالمستشفى سويت برجال متخاف من الله انته كافي طمع
علي..لك منو ضاربك/ناجح اريد اقدم بلاغ ع بنيه/علي بنيه ضاربتك!؟/ناجح..ي/علي..لك زلمه نعال روح البس شيله واكعد يم امك/ناجح😠احترم نفسك علاوي/علي..اطلع بره لا اكملها عليك هسه/محمد..لك منو ضاربتك/ناجح بنت هذا السكط شريكي/ محمد شنو😳شهد باوعت لعلي علي باوعلي
علي..من سمعت محمد كال شهد تخبلت شهد شنو موضوعها بعدها اذكرت ابوها شريك ناجح كمت لناجح لزمني محمد احجي وين بنته/ ناجح لك شبيك تسأل شكو/علي لك احجي وين صحت بصوت عالي/ ناجح بقت بالاستقبال قافله عليها الباب/محمد وين بيتكم/ناجح ي/علي تخبلت طلعت وطلع ورايه محمد صعدنا بالسياره بس متخبل شنو من بنيه هااي وصلت لبيت عمتي دفرت الباب ودخلت شفت جنطتها بالكاع شلتها دكيت الباب اجت عليه
شهد..ماافتح الباب اني اعلمك حقير روح
علي..لج فتحي الباب علي اني
شهد.😱عزه العزاني حاولت افتح الباب المفتاح مااكدر اديره قوي كولش كوتله مااكدر ثكيل .
علي...رجعي ليوره اني راح افتحها طلعت سلاحي وضربت القفل طلقتين ودفرت الباب ودخلت
شهد..من سمعت صوت طلق خفت دكعدت بالزاويه وخليت راسي بين رجليه بعدها دخل علي بس متخبل كومي لج كومي صاح بصوت عالي اجه محمد لزمه كله روح حل سالفه المكاتبه وي ناجح واني اخذها للبيت شهد اخاف اباوع بعيون علي يريد يااكلني خوفني كوولش
علي...ذبيت السويج ع محمد وكوتله وصلها لبيتنه محد عدهم بالبيت وطلعت جبت ناجح اخذت المكاتبه وطلعت ع المستشفى
شهد وصلني محمد لبيت اهله بس مكلي ابوج بالمستشفى وصلت دخلت للاستقبال كعدت خايفه من علي
علي..وصلت للمستشفى انطيت المكاتبه لابويه ورجعت للبيت اريد اشوف هاي شوكت تعقل
شهد..كاعده شفت محمد طلع اجتي عليه خالتي سالتني عن ابويه بعدها عرفت ابويه بالمستشفى ضليت اعيط اريد اروح لابويه شفت علي دخل خنست..علي دخلت رحت عليها كوتلها طلع ماكو بعد اكسر رجلج اذا طلعتي..كعدت بالمطبخ محتار شنو من بنيه هاي سمعتها تحجي وي امي
شهد اريد اروح لبابا/ام محمد..حبيبتي صار زين لطلعين سوين مشاكل مسمعتي علاوي شكال/شهد مالي علاقه بااحد اريد اطلع
علي..تخبلت رحت عليها لج شنو انتي ماكو رجال بعينج لزمتها من شعرها
شهد..ي ماكو ابتعد عني اريد اروح لبابا
علي اتخبلت ضربتها راشدي وكعت بالكاع نزلت عليها لج ادمرج اتركي هاي السوالف موالج وربج اذبحج اذا صرفتي هيجي انتي بنيه مو ولد بعد طلعه ماكو فاهمه ضربتها وجريتها من شعرها سحبتها للغرفه ذبيتها وقفلت الباب وطلعت خبلتني هاي البنيه شنو من بشر..
شهد..متت من ضربني اول مره واحد يضربني مااريده اله افسخ خطوبتي بعد مااريده من بدايتها هيجي اجتي امه فتحت الباب حضنتها وصليت ابجي لحد متعبت كولش صار الليل اني كاعده ابجي اجه محمد..دخل عليه شنو شكو شصاير.اول مشفته بجيت /محمد..خرب يومك علي مالج علاقه بيه ابوج زين بس لازم يرتاح وباجر يطلع كومي غسلي وجهج واني اخذج اله كمت غسلت وجهي وعدلت ملابسي بس مخنوكه من ضربت علي الي..دخلت للمستشفى شفته من بعيد واكف صرت وره محمد خفت منه وصلنه دار وجهه بس مباوعلي
علي..هاك مفاتيحك سيارتك بالكراج مال النستشفى وهذ الباج انطيني سويجي خزرني بطرف عينه وطلع باوعت اله بعيون كولها دموع رحت ع بابا شفته نايم اجه عليه عمو ابو محمد كلي انحلت وابوج لازم يرتاح لتخافين عليه..
بعدها رجعت للبيت سالتني امي كوتلها جنت عند بيت ابو محمد صعدت ابجي بقيت بحركه ع وضعنا شون اكول لبابا اريد افسخ خطوبتي من علي واهله مغركينا بجميلهم😔بجيت ع حظي اخذت اجازه 3 تيام ثاني يوم اجوي منى وامير للمستشفى وكل يوم اروح للمستشفى بقيت ع هاي الحاله سبوع بليل بجي وبالنهار كاعده لا اكل ولا نوم تغيرت كولش كولش.صار سبوع طلع ابويه واجوي ناس والحمد لله زين بس اني موزينه تعبت لا اكل ولانوم العصريه اتصلت ع منى اروح للنادي صار الليل حسيت عندي دوخه شربت عصير ليمون وطلعت رحت للنادي تعبانه بالكوه اوكف صعدت ع جهاز الجري خليت ع قوه متوسط وداالعب بعدها دخت ردت اوكت مااعرف شون ضغطت ع اعلى سرعه مسيطر الدوخه سطرتني وكعت ع جهاز انضرب حاجبي وراسي بقوه وكعت انزف بعد مااعرف شصار
يتبع ......
شكرا لأنتظاركم
تفاعلو للبارت التالي
ارجو المتابعة والتصويت
أنت تقرأ
زواج مصلحة?
General Fictionقصة تتحدث عن فتاه اجبرتها الضروف من الزواج شخص لا تعرفة بسبب والدها
