تم العرس و اتحركو محمد و يارا علي بورتسودان لانه يارا كانت عاوزه تمشيها و قضو فيها احلى اوقاتم 😍❤ اما مازن كان كل يوم بثبت لي نور انه هو فعلا نعم الاختيار و نعم الحبيب والاخ و الصديق ❤ كان كل م تزهج او يحس بيها زهجانه يطلعها ❤ويوم رجعو محمد و يارا كانو عاملين ليهم لمه وكل الاهل و الاصحاب جوهم تاني ❤ واثناء م قاعدين يتونسو مازن قال ليهم : ي جماعه انا خلاص بعدا عاوز اتم العرس ❤
عم محمد : الله يتم ليكم علي خير ي ولدي انت بس حدد وطوالي م عندك مشكله
مازن : ي عمي اصلا خطوبه و مخطوبين لو بتوافق بعد اسبوع من اسي بجيب قولة الخير و كل الحاجات البتنعمل و بعد شهرين العرس ❤
عم محمد : الله يقدم الفيهو الخير خلاص ي عثمان يلا نمشي على النساوين ديل نكلمم و نشوف رئيم
مشو عم محمد و عم عثمان و قعدو مع حاجه فتحيه و و حاجه وداد و كلمهم و فكو الزغاريت 😍😍❤
نور : ههههههههه يارا لسه الناس ديل بزغرتو ليك 😂❤
يارا : 😂🙈😂🙈 م اظن لي ي بت
حاجه فتحيه : 😍 ايوووووي يوووووي مبروك ي بتي ربنا يتم ليك علي خير 😍
نور : 😳😳😳😂😂😂امي بتقول في شنو
يارا : 😉 قلت ليك م انا ي نور
نور : 😳😳😳
حاجه وداد جات باستها في راسها : ربنا يتم ليكم علي خير ي مرت ولدي 😘
نور : 😳😳😳!!!
حاجه فتحيه : 😂😂 الاسبوع الجاي ي نور جايبين قولة الخير و الشيله بعدها بي اسبوع و بعدها تبدي تجهزي للعرس 😍❤
نور : 😳😳😳😳🏃🏻♀🏃🏻♀🏃🏻♀🏃🏻♀
الجميع : 😂😂 ربنا يتم علي خير
نور دخلت الغرفه و قفلت عليها الباب و بقت م فاهمه حاجه مازن اتصل عليها بس هي م ردت 😰 كان جواها خوف من انه كل شي ماشي بي سرعه جات دقت ليها الباب يارا و دخلت لقتها متوتره
يارا : 😂😂😂 مالك ي بت
نور : انا انا خايفه كل شي قاعد بحصل بي سرعه 😰
يارا : 😂😂😂 اهدي ي بت و يعني شنو اذا كل شي بحصل بي سرعه مازن معاك ❤
مازن بتصل و نور م دايره ترد يارا طلعت و كلمت مازن انه نور اتوترت و كده و طلب منها تطلعها ليهو و فعلا يارا طلعتها و مازن ركبها في العربيه و ساقها و مشي بيها شارع النيل ❤
مازن : حبيبي مالك
نور : كل شي ح يتم بي سرعه
مازن : 😂 حبيبي انا كل شي عادي و توترك ده عادي و م تخافي
نور : 😊 يمكن بس لانه اتفاجأت
مازن : م مبسوطه ؟
نور : لاا .. لاا اكيد مبسوطه القصه انه الحصل لي و كده انه
مازن : هشششش خلاص ممكن نوقف لمن تكوني جاهزه ❤
نور : لا لا انت براك قلتها توتر طبيعي انا كويسه و نحنا ح نتزوج 😍😍
مازن : 😂😂😂 مجنونه يلا طيب
بعد كذا يوم من الكلام ده جو اهل مازن و جابو كل الحاجات نور بي قدر م كانت متوتره كانت مبسوطه ❤ و بعدها نور قعدوها في البيت و بدو يجهزو فيها و كانت في الشهر الاول القبل العرس كله بتمشي السوق تكمل حاجاتها ❤ و مشي الوقت و نور حابسنها وخلاص كان فاصل اسبوعين على العرس و يوم حنه مازن قالت الا تمشي 😂❤ لبست عبايه و غطت وشها و طلعت مشت بس مازن شافها و ضحك و غمز ليها و هي جرت طلعت 😂😂😂 وبليل مازن اتصل عليها
مازن : نورتي الحفله 😂
نور : 🙊🙈🙈 اصلا ح انورها قلت م صح اخليها مضلمه 🙈
مازن : قه قه قه في زول قال ليك انك ظريف 😒
نور : اي انت 😝
مازن : 😂😂 مجنونه دي ده شنو الوقعني فيك ده
نور : نصيبك 😂😂
مازن : 😂😂😂
و مشت الايام و جاء يوم العرس و نور كانت في الكوفير اتصل عليها مازن و بارك ليها ❤ جاء وقت الحفله نور لبست زفاف اسلامي و طلبت م يختو ليها مكياج كتير ف طلعت جميله ❤ جاء مازن و طلعوها جاء عليها : ماشاء الله تبارك الله القمر ده حقي انا
نور : 🙈🙈
مازن : ربنا يحفظك
مشو و دخلو الصاله و رقصو على اغنيه بدر البدور 😍❤ و انتهت الحفله و الجرتق و كانت طيارتم الساعه 1 مشو الاردن 😍 و بعد سنه جابو توأم بنات سموهم امنيه ولارين 😍❤ كانت حياتم حلوه وكانو في يوم مازن ماسك امنيه ولارين عليهو نور كانت بتبتسم 😊 عرفت انه هو الزول الصح و م غلطت في حبها ليهو و انه حب محسن كان السبب عشان ربنا يلمهم ابتسمت و قالت ليهو : مازن انت حلمي الذي تحقق 😍❤
النهايه ❤
