နိုဝင်ဘာမှာ ရွာတဲ့မိုး

ဇာတ်သိမ်းပိုင်း

နိုဝင်ဘာမှာ ရွာတဲ့မိုး (ဇာတ်သိမ်း)
✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿ ✿


(၁၁)

စောင့်ဆိုင်းခြင်းကို မြင့်မုန်းသည် ။ မြင့်ဘ၀တွင် များစွာသော စောင့်ဆိုင်းခြင်းများကို ပြုခဲ့ဖူးသည် ။ ထိုစောင့်ဆိုင်းခြင်းများထဲတွင် ထိုည၏ စောင့်ဆိုင်းခြင်းကိုမူ မြင့် တစ်သက် ဘယ်တော့မှ မေ့လိမ့်မည် မဟုတ်ချေ ။ မြင့် ကိုကံအေးကို ထိုညက တကယ်ပင် စောင့်ခဲ့ပါသည် ။

မြင့်စကားဆုံးတော့ မျက်လုံးပြူးနေခဲ့သော ကိုကံအေးသည် မြင့်ကို အိမ်ပြန်ဖို့ အကြိမ်ကြိမ် တိုက်တွန်းခဲ့ပါသေးသည် ။ သို့သော် မြင့်မပြန်တော့ပြီ ။ ထိုညသည်ပင် မြင့်ဘ၀ကို အဆုံးအဖြတ်ပေးစေတော့ဟု မြင့် ခံယူခဲ့ပါ၏ ။ ကိုကံအေးတို့ အိမ်နားက ညောင်ပင်ကြီးအောက်တွင် မြင့် ကိုကံအေး ပြန်ထွက်လာမည်ကို စောင့်နေခဲ့လေသည် ။

မြင့်ကို လှည့်ကြည့်လှည့်ကြည့်နှင့် အိမ်ထဲဝင်သွားခဲ့သော ကိုကံအေးကို စိတ်နာရုံမှတစ်ပါး မြင့် ဘာမှ မတတ်နိုင်ခဲ့ပြီ ။ နာကျင်စွာ မျက်ရည်ကျရင်း လူလည်း ကတုန်ကရင် ဖြစ်ကျန်ခဲ့ရသည် ။ မြင့် အချစ်ကြောင့် ငိုခဲ့ရပြီ ။ မြင့်ကို ချစ်လှပါချည့်ဆိုသော ကိုကံအေးသည် သူ့အမေနှင့် ပတ်သတ်လာသောအခါတွင် မြင့်အပေါ် ပြတ်သားနိုင်ခဲ့မှုကို မြင့်ကိုယ်တိုင်လည်း အံ့သြခဲ့ရပါ၏ ။

မြင့်ကို ကိုကံအေး သိပ်ချစ်တယ် … သိလား …

နားထဲတွင် သည်စကားတွေ ကြားယောင်လာသော မိမိနားကိုပင် မိမိဖောက်ထုတ်ချင်ခဲ့ရသည် ။ ကိုကံအေးရေ … ရှင်ကတော့ ထားရက်ခဲ့နိုင်ပြီပေါ့ ။ မြင့်က ကျန်ခဲ့ရသူပါ ။ နောက်ဆုံးတော့လည်း မြင့်မှာ စိတ်ဒဏ်ရာတွေ ဗလပွနဲ့ ကျန်ခဲ့ရသူပါ ။ သည်ညမှာ ရှင်ပြန်မထွက်လာခဲ့ရင် ရှင့်ကို မြင့် တစ်ဘ၀စာ မေ့လိုက်ပြီလို့သာ မှတ်ပါတော့လေ ။

ထိုညသည် မြင့် ကိုကံအေးကို တစ်ဘ၀လုံးစာအတွက် ရွေးချယ်ရမည်လား တစ်ဘ၀လုံးစာ နာကျည်းရမည်လားကို ဝေခွဲရတော့မည့် ညဖြစ်ခဲ့သည် ။ ကိုကံအေး ထွက်မလာက ရှိစေတော့ ။ သည်နေရာမှာပင် နေရင်း မြင့် သေပစ်လိုက်တော့မည် ။ ရူးရူးမိုက်မိုက် အရွယ်သာ ရှိသေးသော မြင့်သည် အချစ်အတွက်လည်း အသက်အသေခံဖို့ အသင့်ဖြစ်နေခဲ့ပါသည် ။