أثيير حيدات يدو وهو فسح لها طريق متبعها بعينيه كيف غادية هي غير اعطاتو بالضهر... وهما يبدااو دموعهاا كيهبطو محبساتهممش طلقات ليهم العنان... كرامتهاا وكبريااءها غطااو... على حبهاا وعشقها ليه... بقات غادية كتبين راسها بلي ممسوقاش... وهي واكلاها فقلبها غير دارت مع دوورة و هو مبقاش بانت ليه وهي تسند على الحيد و هبطات للارض تفرشات فيها كتبكي بجهدهاا... كتبكي وتشهق... وتضرب فالصااكك... أثيير:(مغطية وجهها وبات تترعد بالفقصة والاعصااب... )علاش... هئ يااربي... يااربي هئ هئ تاا من الشخص لي بغيتو من قلبيي ومشيت معاه بنيتيي... بعد عليااا... هئ... هئ هئ اش هاد الزهر؟؟ واش هاد الدنيا هئ... علاش تا كنقول تعودت على حياتي بلا بيه وكيبان قدامي هئ... ناضت كتسوس فحوايجها ومسحات وجهها قادات شعرها وبقات غادية بشوية وبين عينيهاا صورة وفوذنها صوت واحد... صوتو وصوورتوو جااسمم... كتفكر فكل لحظة كل لحظة زوينة دوزوها بزوج مع بعضياتهم... وكل خرجة دارت يدها على قلبها تا قلبها كان كينبض باسموو... جاااسمن جااسمم... دارت يدها على عنقها كانت فيه سنسلة فيها حرف " J " حرف اسمموو... كان هو لي اهداها ليها كانت كتخبعها تحت الحوايج... و تحطها فالسووتيانات باش متشوفها خالتها وبنتها... دارت يدها وجراتها بجهد تا جرحاات عنقها... وقطعات سنسلة و لاحتها فالارض... وكتمشي خطوة و ترجع زوج لوور... تا وصلات للدار محطططممة... و مدقدقة حلات الباب على الدخلة لقاات خالتها... واقفة كتسناها... بدرية:لا ابنتي كون غير زدتي شوية فيين هاد التعطيييلة هاا؟؟ أثيير:(بارهااق)سلام اخالتي بدرية... بدرية:(شداتها من شعرها)سلااممم خليها لمك حاالك ماابقاا عاجبني... وليتي تعطلي؟؟ تجينييي تا يقولها لك رااسككك هاا مبقيتي كتحطي يدك فالمااء خليتي شغل كلو على افنان... أثيير:ايي... خالتي راه عاد خرجت جيت... و النوبة راه حنا دايريينها نوبتها كانت البارح واليوم... اش غندير ليها انا... أفنان:(عاقدة راسها زعما دارها داك تبوحيط... )ايي... امي عييت عييت من الصباح وانا نحك فالركاانيي... بدرية:الله على حبيبتي الله... (دفعات اثير)سيرييي سيرييي قضي ليك شغاالات... قابلي معاك ديك مقلة الحوت... وجففي انا غنمشي نجيب ليها المخينزة تهبط ليها السخانة... أثير:و... ولكن ا انا أفنان:(كتوجع بلعاني)ايي... الدوخة الدووخة الدووخة اميي... بدرية:(عااوناتها)صافي ابنتي اجي تنعسيي... (خرجات عينيها فاثير)نجي نلقاا الدار كتشعل و لا بغات شي حاجة قربيهاليها... اثير دخلات للكوزينة من باب الدار مسكينة صباطها مسلتاتوش حيدات قاميجة وبقات بالدوني كتشقا وتمسح فعرووقااتها... و شعرها معذبهاا... تا حيدات يدها من العجينة و جمعاتو ورجعات تكمممل شغالاتها لاتجي خالتها وتصووب ليها عظييماااتها... صح ميتمممكن...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
