Mata ko'y pilit na ipinipikit
Isip ko'y pilit na itinutuwid
Puso ko'y patuloy na naninikip
Damdamin ko'y punong puno ng hinagpis
Sa paglipas ng mga araw
Wari'y nagbabago ang nakilala kong Ikaw
Mata mo'y punong-puno ng kalungkutan
Sigla mo ay unting-unting nabawasan
Tila ba'y hindi na ako ang nagpapasaya
Na dati'y kaaliwan mo ay aking nakikita
Hanggang panaginip na lang ba ang ating alaala?
Na ngayon ay umaasa na maibabalik pa
Humihiling ang puso ko sa huling pagkakataon
Maalaala mo ang pinagsamahan natin ng matagal na taon
Nauunawaan ko na hindi na ako
Kaya salamat pa rin mahal ko,
Sa alaala na magiging panaginip na lang sa habang panahon.
- IAmMysteriousWoman
