مقابل كل مكالمة باخد قروش ي اما هلا بتديني كرت 🐸😌الموهم عدا اليوم عادي بكرتو مشيت الجامعة وامل كالعادة هي وريم كلو واحد شايلة تلفونها وحاضناهو التقول حاضنين ليهم بيض 😂😂اما انا وايلاف علي ربنا بس 😂نتونس كدا قالت لي في عرسي ح ادخل بي غنية م مصدق اني قدام حبيبي 💗😍قلت ليها ان شاء الله ادخل بي غنية عدس الوابل بس فلان كدي اليجي 😂😂الاتنين م مننا رجااء 🐸الضهر اذن قلت ليها ارح نصلي لينا صلاة تنفعنا ❤ونحنا ماشين الاستراحة طبعا لازم نقشا الكولر لقينا فلان بتاع امبارح زاتو 😳بقي يعاين لينا 😍احييي انا والله قلبي عايز يطلع من مكانو 😍😍الولد كلمة نضيف قليلة عليهو انا ركزت فيهو شديد 😂طوالي جررري الاستراحة قلت لي ايلاف وواي انا 😍قالت لي ااي مبالغة الولد انضف من سمعتنا 🐸✋🏻صلينا ونحنا راجعين شفتو قاعد ليهو مع بت مبااالغة مززة😢💔وكمان مبتسم االلهم صبرنا بس✋🏻وبعدو ونحنا راجعين قلت لي ايلاف شوفي امل وريم طبيعي خالطين انا وانتي متين ي ربي 😢قالت لي والله ي همو انا عندي قناعة انو السناقل نهايتهم نضيييفة 😌✌طبعا ريم و ايلاف مواصلتهم واحدة وانا وامل مع بعض ركبنا ورجعت البيت انجدعت نمت 💗امي صحتني قالت لي نحنا ماشين حنة ناس اهلنا قلت ليها م مشا انا 😴قالت لي والله ولا ع كيفك تمشي 😡قلت ليها يمة حبوبة براها يااخ عايزة اقعد معاها وبعدين انا فترانة يااخ 😴😴خلاص بعد بكرة تمشي معانا العقد 😒االله يحينا 😴ورجعت نمت بليل صحيت شربنا الجبنة انا وحبوبة🐸 ابوي كان ماشي يجيب امي وهلا من الحفلة❤من جو داخليني يسواا كدي 👋🏻👋🏻انا لمن اتخلعت😳 عاد ببدعن بدع 😒اهاا الصباح اصبح نضفت البيت كان اليوم جمعة 💓استحميت امي قالت لي نسوان الجبنة جوك 😂طبعا عندنا غرفة كدا كل يوم جمعة الجبنة ع زول انا وامل وصحبتنا اسمها رزاز معانا في الحلة 😂😂نعمل الجبنة ونفتح المسجل بي اعلي صوت ونطلق البخور 😂😂ونرقص ونهيص ونحتووو🐸😂💔هلا حاولت تفتح الباب قلت ليها عايزة شنو 😒قالت لي عايزة اقعد معاكن قلت ليها بلاااش شفع امشي شوفي قرايتك 😒😒👊طبعا هي رداحة مبالغة 😂قالت لي شافعة منو انا انا ي بايركس 😏تسوا الجبنة اشان تنسو بورتكم ي كرور وبقت تضحك 😏😂😝👋🏻والعجب في الناس الاخواتهم اصغر منهم مخطوبين وهم لسة يشحدو الله 😂😂امل قالت لي والله اختك دي قليلة ادب 🐸انا طوالي صرخت 😭ي اوووومي 😭تعالي شوفي بتك مكرفست المشاعر دي 😭😭امي شاكلتها المغفنة بعد دا كلو تطلع لسانة😝 وشغالة لي بوصة البايرة 😒😢رزاز كلمة م قالتها البت جاتها نفسياات 😂😂قالت لي من اجي بيتكم واشوف هلا بعرف انو م في امل مننا 😂😂💔 الموهم اليوم عدا وتاني بليل في حنة بس ابوي حما امي وهلا يمشو 😌السبت الصبااح قمتا الروتين اليومي نضفت واستحميت فطرنا بدري اشان نحصل العقد 💗لبست هاي وست اسود وقميص بصلي وطرحة مطقم بي الون كتيرة من ضمنها بصلي 😍❤ وهلا لبست بنطلون 😒الموهم البيت كلو قشر وطلعنا طبعا انا م بعرف اهلنا كتير وم بحب المناسبات والجوطة 💔قاعدة جمب امي وحبوبة لمن قعدو وهلا دي ماشاء االله تعرف الناس دي كلها 😴💔 في مرة كدا جات داخلة سمحححة ونضيفة😍 زي م بقولو قيافة وفايتة الناس مسافة 😍✋🏻سلمت ع امي وحبوبة وانا امي قالت ليها دي بتي همس 😊 قالت لي امي دي المخطوبة مش 😳 امي قالت لا لا دي الكبيرة💔 والله جبهتي بقت مافي نهاية 🐸💔تاني سلمت علي وبقت تتونس معاي مرة طيبة وظريفة شديد😍😍 حضرنا العقد ووزعنا معاهم انا وهلا حلاوت العقد وكدا ❤ونحنا ماشين البيت المرة قالت لي بعدين بتجي الحفلة 💗قلت ليها احتمال ☺قالت لي تعالي فرقي ي بتي قلت ليها سمح 😊
