لــَه مَنزلـّن بآلحّيْل مَرمؤوقّ ، وسّط آإلحشآإ بإقصّى آلضمْـآيآإ . .

جزء 3 و 4 و 5

  البارت الـ 3
يتبآوسون . .
عويش : شهالحلا . . شهالزييييييين
مهره تبتسم : احم احم . . عشان تعرفين اخوج محظوظ اصلا . .
عويش : ههههههههههه واي عالعيايز الي يشوفون حالهم علينا . .
مهره عاقده حياتها : عيوز تتنطحج ان شاء الله . . مش تقولين عيوز جدام سيفو بصفعج . !!!!
عويش : ليش ان شاء الله
مهره تعدل قصتها : شو ليش بعد . . عقب يتم يدقق يقول هيه والله هاي كبرت وصارت عيوز . .
عويش : وين كبرتي بعدج شباب . .
مهره تبتسم : هالشهر بدش الـ 22 . . ما يبين علي صح
عويش تبتسم : والله انج خبله . . ايلسي ايلسي . ..
مهره فاجه عينها : حق شو ايلس . . عطيني الاغراض برووؤح . .
عويش : حق شو مستعيله . . بتشربين شي . .
مهره : لا وين ابويه متوعد لي . . مافيني اطول
عويش : كوب تركش ما يضرب . . ولا ما تبين . ؟
مهره : لا دام السالفه فيها تركش اترييي بفصخ العباه . .
مهره تفصخ عباتها . . كانت لابسه برمود اسود وتيشيرت كت آبيض ساده . . وعلى طول بطلت القباضه وفلت شعرها الاسود .
سيف حزتها يدش ومتلصقه فيه حصوه ويجابل مهره : السلام " وعينه بتركيز ع مهره " عليكم ..
مهره عينها على حصوه وبصدمه : عليكم السلام
سيف قابض اعصابه : لبسي عباتج حمدان بيدخل . .
مهره لبست عباتها على طول . .
حمود : هود هود . .
عويش تي : هدا فديتك ادخل . .
حمود متفاجأ : مهووووووور . . " يسير صوبها على طول " شحالج مرت آخويه " متعمد " العزيززه . . والله لج وحششششششششه . . عاش من شافج . .
مهره تبتسم بغصه وبآلها عند حصوه الي لاصقه ف سيف : عاشت ايامك . . انت الي غااااط . . وينك ما تبين . .
حمود : والله فالدنيا . . وشحال يزوي اختج ؟ مالها حسسس
مهره بعيون ضيجه : مالها حس ؟ متأكد . .
حمود بقفطه : هههههههه هيه . . ايلسي ايلسي جي واقفه . .
مهره تيلس وييلس حمود قريب منها . . وع الغنفه الي مجابلتنها قعد سيف وحذاله بالضبط حصوه !
حصوه من بعيد : شحالج . .
مهره ترمس حمود وتتجاهل حصوه : شخبارك ؟ شوو تدرس ولا تلعب ؟
حمود تم يشوف نظرات حصوه المفتشله . . بس ما حب يعلق . . : يوم يزوي بتنجح انا بنجح
سيف : مهره . !
مهره تطالع سيف . .
سيف : سمعتيها شو قالتلج ؟
مهره : منو هي ؟
سيف عاقد حياته . .
مهره : عويش ؟ " تطالع عويش الي تعابل فالفواله " كلمتيني ؟
عويش ترمس من بعيد : لاءءءءء . .
مهره : أوكي . . " تطالع حمود " انزييين . . ع الاقل يزوي شاده حيلها تدرس . .
حمود الي بدا يخاف من الجو المتكهرب : ما صدق . . يزوي تدرس . .!!!!!!
قام سيف بعصبيه ومسك ايد مهره وسحبها لين برررا الفله . . .
مهره تخوز ايده : افف عورتني ياالدفشش . .
سيف : روحي بيتكم . .
مهره عاقده حياتها : شوووووه ؟
سيف : اطلعي من اهني وروحي بيتكم . .
مهره : طاع ويهك بس . . وخر وخر . . " وتمشي شوي بترد تدخل "
يرد يسحبها سيف بقوه . .
مهره : اففففففف شو تبا مني . !! مش مساع اشوفك ومسويلي فيها زعلان . . شو تبا الحين
سيف : احسن لج ! ردي البيت . .
مهره تمثل انها ترجف : واي خفت . . الصراحه قوي انت . .
سيف يرفع ايده بيصفعها كف . . لكن ع اخر لحظه نزل ايده . .
مهره بصدمه : معقوله . .
سيف يصد الصوب الثاني . .
مهره : ها كله عشان مارديت ع الخانووم . . ؟
سيف يتنهد . .
مهره تبتسم ببرود : يا حيك والله . .
سيف : خلاص اسكتي . .
مهره : ولا يهمك . . الحين بروحلها وببوس راسها وبستسمح منها . .
ردت تمشي عنه ورد يمسك اييدها . .
سيف : تعااااالي اهني . .
مهره من غير ما تطالعه : نعم . .
سيف : لا تروحين مكان . .
مهره تطالعه : ليش ؟ براضيها . . " تبتسم " ما يهون عليك تنجرح . .
سيف : اعتقد سمعتيني صح "؟ ما بتروحين مكان . . بس خلاص بلا سوالف عناد واسمعي الرمسه . .
مهره تخوز ايده : لا تلمسسسسني . .
سيف عاقد حياته : انتي على شو شايفه روحج . .
مهره : وانت على شو مكبر راسك علي . . انجلع عني يلا .
سيف يرد يمسك ايدها : شوووووووووفي . . يوم اكلمج تمي واقفه قلتلج ماحب هالحركات انا
مهره تطالعه عين بعين : وانا ألف مره قلتلك مش كلمتك الي تمشيني . .
سيف : والله . . وهذي حلفه لو تحركتي من اهني ما بيستوي خير . .
مهره : لا والله . . " تمثل انها ترجف " خوفتني اكثر . .
سيف يطالعها وهيه ترد له النظرة بقوه !
سيف : بعطيج طراق بطير راسج اهناك . .لا تطالعيني جي . .
مهره عاقده حياتها : يعني انت تطالعني جي عادي . .
سيف : انا ريال . .
مهره : لا واااااااااالللللللللللللللللللللللللللللللللللللله . .
سيف يمسك حلجها : لا تصارخين يااااااااـ عنزززززززززززززززز . .
مهره تعض ايده ويوخر ايده على طول ..
سيف : بلللللللل . . جلببببببببب مش آدمييه . .
مهره : جلب الي ياي وياك اوكي . .
تمشي عنه بدش داخل ويرد يسحب ايدها . .
مهره : افف شتبي . .
سيف : قلتلج لو دشيتي داخل ما بيستوي خيرر . .
مهره : انا ما ابا يستوي خير اصلا . . انا ها الي ابيه . . مشااااااكل . . ماتعرفني ؟ اموت ع المشاكل . .
ومشت عنه بتسير . . وهيه تمشي تحس بشي يمشي على جتفها . . .
صرصـــــــــــــــــــــور !!!!!!!!!!!!!!!!!!!!!!!!!!!!!!!!!!!!
مهره صرخت من قمه راسسسسسسسسها من الخوف وشلت نعالها وتمت تضرب جتفها بقوه وتحاول اتوخر الصرصور . . سيف تم يشوفها وناقع من الضحك ما يدري شسالفه بس يعرف ان في حشره اكيد ولا مهره ما بتشل النعال وبتضرب جتفها بعنف . .
سار صوبها عقب ما شاف انها ما وقفت صريخ . .
سيف يمسك ايدها : خلاصص . . جتفج بيطيييييييييح . .
مهره : بفصخ ثياااااااااااااااابي . . " تطالعه بصدمه " اكيد دش داخل . .
سيف فاج عينه : انتي خبله . . قسم بالله بعطيج بكس بطيرج لين البيت . . بفصخ ثيابي اونه . .
مهره تنزل دمعتها : ياحيوان اتخيل اتكون داخل ثيابي . .
سيف مبتسم وتم يشوف الارض : هكو . . طاح . . شوووفي . .
مهره نزلت راسها وشافت ان الصرصور نفسه الي طايح . .
سيف : مسكين يالس يعري . . كسرتي ريوله . .
مهره على طول حظنت سيف من الخوف وتمت تصيح شرات اليهال . .
سيف : هههههههههههههه . . بس حبيبي بس . . هههههههههههههههههههه
مهره وهيه حاظنته تقرص ظهره : يا النذل لا تضحك . .
سيف : هههههههههههههههههه كل هالخقققققه . . وكل هالعناد والراس اليابس . . وتصيحين ع صرصور . . ههههههههههههههههههههههههه
مهره تخوز عنه : خايسسسسسسس قوم عني . .
سيف : قايم عنج اانا . .انتي الي حاظنتني . .
مهره تمسح دموعها . .
سيف يأشر ع جتفها : صرصووووووووووور . .
مهره تصارخ : ويييييييييييييييين . . وتضرب جتفها بأييدها . .
سيف : هههههههههههههههههههههه اقص عليج . .
مهره تشل نعالها وتضربه ع جتفه : يااااااالنعال يالننننننذل . .
سيف تعور صدق : آآآآىىي . . بس خلاص خلاصصصصصصصص . .
مهره تمت تضربه تضربه وتضربه . .اولا من القفطه لانه شافها وهيه تضرب عمرها . . وثانيا لانها صاحت جدامه عشان الصرصور . . وثالثا عشان خافت توا . .
حصوه تي : سيف شوه فيك تصارخ . .
مهره وقفت وتمت تطالع حصوه . .
سيف ماسك جتفه ويطالع مهره : تبين تنضربين صح . .
مهره عاقده حياتها : انت اصلا كل شي تروم تسويه الي انك تضربني . .
سيف يعض ع شفايفه وهيه تطالعه وتبتسم . .
سيف : لا تكونين واثقه جي لاني جد بصفعج . .
مهره : والله ماترؤؤؤؤؤؤؤؤؤوم . .
سيف : يوزي عني ولاجد بتتضربين . .
حصوه انقهرت لان سيف تجاهلها بالمرررره . . وتمت واقفه بحرقه . .
مهره صدت شافت حصوه بعدها واقفه . .
مهره تبتسم : ابا اخذ راحتي ويا ريلي . . ممكنن ؟
حصوه تبلع ريجها وتطالع سيف : اروح ؟
سيف : هيه روحي شوي وبني احنا . .
انقهرت حصوه وراحت على طول داخل وسكرت الباب بالقو . .
سيف يطالع مهره : شتبينها حاطه راسج براسها . .
مهره عاقده حياتها : ما تشوفها لاصقه فيك يعني . .
سيف : وانتي شو ما تبين حد يلصق فيني . .
مهره :لا والله . . حق شو ريلي عيل . . خذها ع راسي اذا جي . .
سيف مبتسم : ياويلي على الي يغارون . .
مهره تطالعه وعاقده حياتها : لا تغتر بنفسك وايد . .انا ما اغار . .بس انت حقي انا وبس . . محد يشاركني فيك . .
سيف يعدل قصتها الي نازله ع ويهها : انا لج انتي وبس . . ومحد بيشاركج فيني . .
مهره تبتسم بحيا . .
سيف : هيه خلج جي . . مش ماده بوز قبل شوي . .
مهره : انت اصطلب عقب بصطلب انا . .
سيف يقرص خدها : عيااااااره . .
مهره : طالعه عليك . .
سيف يمسك ايدها وهيه توخر ايده ..
سيف فاج عينه : شفيج . .
مهره بحيا بس تحاول ما تبين : ماشي لا تمسكني لين ما نعرس . .
سيف : هاتي ايدج ولا بصمج بكس . .
مهره : انت شو ترمس واحد من الشباب ؟ بصمج بكس . . بعطيج طراق . .
سيف يبتسم : من حبي لج كله ابا اضربج شسوي . .
مهره : ماتروم اصلا ..
سيف : ليش وايد واثقه ..
مهره : لاني اعرفك لو شوووو ماصار ما تمد ايدك علي . .
سيف : لا تستغلين هالنقطه سمعتي . .
مهره تبتسم :سمعت . .
سيف : يالله هاتي ايدج . .
مهره : مابا قلتلك . .
سيف يبتسم : هاتي خلصيني . .
مهره : ماااااااااباا .. " تمشي عنه شوي "
سيف يمسك ايدها : بتنضربين . . تمي اهني لا تتحركين . .
جابلها ولصقها فاليدار . . تم يطالعها بنظرات خبث . .
سيف : محلوه . .
مهره تضرب جتفه : انا الي بصصفعك الحين والله . .
سيف: ههههه تسوينها . . يوم ضربتي ريلج بنعال بعد شباقي . .
مهره : محد قالك تطنز علي . .
سكت سيف وتم يطالع ملامحها وهو مبتسم .. من كثر ما هي مستحيه منزله راسها ما تقدر ترفعه . .
تقرب منها وايد . . بأس يبهتها بحنان وطول فالبوسه . .
سيف بحنان : يالله اتخرجي من الجامعه خلصينا نبا نتزوج . .
مهره تبتسم بحيا . .: ان شاء الله . .
سيف : واي واي ع الي يستحون . . ايييه لا تستحين جدامي اتخبل . .
مهره تضرب جتفه : وخرر وخر . .
سيف : وين وين . .
مهره : بس لاه . . بندش داخل . .
سيف بصوت واطي : مليتي مني . .
مهره تطالع عيونه : انته شعندك اليوم ؟
سيف مبتسم : مشتاقلج بس . .
مهره تطالعه وتبتسم : فديتك انا . .
سيف يحط ايده ع قلبه : ابوووووووووي انا . . اموت ؟ اموت ؟
مهره : بسم الله عليك " تبتسم " حمار لا تقول جي . .
سيف يبوس راسها : احبج . .
مهره تتـــقرب منه وتبوس خشمه : وانا احبك . .
سيف تم مغمض عينه مافتحها . . .
عقب ثواني بسيطه . . مسكت ايده . .
سيف فج عينه . .
مهره بنبره هاديه : ترى وايد يضايقني وجودك معاها . . احنا بنات ونعرف بعض . . وانا اشوف نيتها شينه والله . .
سيف : ماعليج منها شتبين فيها. . كبري عقلج حبيبي هاي الا ياهل . .
مهره : حبيبي لا اتم تقول لي ياهل ما ياهل . . انت اتشوفها ياهل بس هيه بنت فاهمه وعاقله الحين . .
سيف : انتي وحمدان متفقين ع الرمسه ؟
مهره : ليش ؟
سيف : ييقولي نفس الكلام . .
مهره : شفت . .الكل ملاحظ . . انت ليش مش قادر تلاحظ . .
سيف : لاني اشوفها تتصرف بعفويه حياتي . . لا تكبرين المسأله . . قلتلج خالتي محد وماعندها حد ومعتمده علي . . يعني حرام . . حسي فيها . . لا ام حواليها ولا شي . .
مهره تطالعه : انا من انولدت ما عندي ام . . لكنك ما قلت هالكلام . .
سيف سكت . .
مهره تصد الصوب الثاني . .
سيف يرد ويهها ويخليها تطالعه : انا امج . . وانا ابوج . . وانا كل اهلج . .
مهره : لا تقول لي ان امها محد وتكسر الخاطر . . ع الاقل امها عايشه وبتردلها . .لكن خل قلبك عند الي جد ما عندهم ام فالدنيا . . " تبتسم وفيها غصه " قوم سيف خلني بدش داخل باخذ الاغراض وبروح . . الوقت بدا يمشي . .
سيف يمسك ايدها : والله ماتروحين مكان . . يالله عاد حبيبي . .
مهره : مافيني شي . .
سيف يحط ايده الهنتين ع ويهها : بردانه ؟
مهره : موت . .
سيف : وليش ما تقولين من الصبح . .
مهره ماردت . .
سيف تم يحرك ايده ع ويهها عسب تدفى . .
مهره : خلاص بس . .
سيف يبوس ايدها : انا اسف . . حقج علي . .
مهره تطالعه . .
سيف : والله يرحم امج ويغفرلها يارب . . هاي حكمت ربج . .
مهره تبتسم . .
سيف : لاتزعلين حياتي . .
مهره : ان شاء الله . .
سيف : شرايج اعزمج ع تركش . .
مهره تبتسم : تغريني يعني . .توها اختك تغريني داخل . . والحين انته !
سيف : اوه عاد تقارنين تركش عواش ف التركش الي بعزمج عليه . .
مهره تبتسم . .
سيف : هاه شرايج . .
مهره : انزين . .
سيف يمسك ايدها : يالله نعطيهم خبر . .
مهره : اوكي . .
سيف : ولا اقولج " يطلع من جيبه السويج " انتي سبقيني ركبي السياره لين اردلج . .
مهره عاقده حياتها : بروح معاك . . " ترص ع ايده " وايدي فأيدك بعد ..
سيف : ااااخ منكم يالحريم . . يالله امششي مش لازم نعطيهم خبر . .
مهره تطالعه وتمد له سويجه : روح بسيارتك وبروح بسيارتي . . بلحقك انا . .
سيف عاقد حياته : عفوووووووووووووا ؟
مهره : شفيك عشان ما اطول وارد البيت على طول . .
سيف : انتي جي جي بتردين فديتج ! نسيتي عويش تبغي تعطيج اغراض . .
مهره : احين بشل الاغراض
سيف : كل هذا عشان ماتبين تركبين وياي . ." يتنهد بضيج " يالله اوكي . .
مهره : يالله عااااااااااد
سيف يطالعها : شفيج حبيبي عادي . . يالله روحي شلي الاغراض عشان ما نبطي . . عطيني السويج . .
سارت مهره داخل وطنشته ما عطته السويج . .
عويش : انتو ويييييييييين هالكثر . . ؟؟؟ّ!
مهره تبتسم وعينها ف عين حصوه : بطلع ويا ريلي . . " تطالع عويش " اليوم متراضين تعرفين عاد لازم يراضيني ويعزمني ع مكان حلوو . .
عويش : وانا حق منو مسويه هالاكل . . وهالقهوه
مهره : عووووويش انتي ما تدرين انا من متى زعلانه ويا اخوج عشان ناسسس !! ف الله يخليج طوفيها لي الييوم . .
حمود : وانا كيف برد يعني . .
مهره : تصدق نسسيناكم ههههههههههههه . . " تقصد حصوه "
عويش : بروح بييب لج الاغراض وبرد . .
مهره : اووكي . . " ترمس حمود " اندوك . . ها سويجه . . ردو فيه وانا برده البيت . .
حمود مبتسم : انتي تعجبيني
مهره تبتسم وتي عويش وتعطيها الاغراض . .
مهره : عاااد اسمحيلي . . لان المندوب يضيع ما يقدر يوصله بيتنا وبيتج الوحيد ما يضيييييع ويدله بسرعه . . متعبتنج ادري . .
عويش : بعد حرمت اخويه بستحملج . .
مهره : لا والله . . خلي عنج والله انج تحبيني . .
عويش : هههههههههههه روحي روحي فكيني . .
مهره : فديتج انا . . " تطالع حمود " تششاو . .
حمود يسويلها بآي . : الله وياج . .
اما حصوه كانت اتابع الموقف بقهر . . اول ما راحت مهره جان تقول لحمود . .
حصوه تقوم :انا بسير وياهم بخليهم يوصلوني البيت
حمود مستغرب : اانا بوصلج ..
حصوه تطالعه : مااااااابغي . .
وتقوم تطلع بسرعه . .
>
<
مهره : هههههههههه انزين ليش يعني . . تشك فـ سواقتي ؟
سيف : عن الاستهبال . .
مهره : انزين شووووووووووو فيها . .
سيف : ما احب . . يا انا اسوق يا ما بركب السياره
مهره : افا . . يعني ما تبغي تشوف سواقتي كيف . .
سيف عاقد حياته : اللهم طولج يا روح . . وبعدين معاااااااااج
مهره : هههههههههههههههههههههههههه . " تعطيه سويجها " ها يالله سووق . . حشا . .
ركب سيف وركبت مهره حذاله . . شوي ويت حصوه وهيه تركض . .
سيف نزل الجامه ع طول : شفييج
حصوه : سيف عادي تردني البيت
سيف : ليش ماتردين وياحمدان ؟
حصوه : حمود قال لي انه بيطول وانا ابغي ارد الحين الحيييييين . .
سيف : يالله اركبي . .
حصوه : اوكي . . " تبتسم "
وركبت السياره . .
مهره انقهرت وارتفع ضغطها مليووووووووووون . . تمت طول الدرب صاده عنه بعيد . . وهو كل شوي يمسك ايدها وهيه تخوز ايدها . . كل شوي يهمس لها وهيه مطنششششه . .
.
.