البارت السادس
بس ما طول انتي مصرة وحته انحل كل اشكال بيناتنه احب اوكلج
خلي حسام ابني ميعرف بشرطج هذا وخلي الشغله سريه
بيني وبينكم
واني اتعهد الكم انو الي اتريده بتكم يصير
ازهار ﻻ
ﻻ اريد ينكتب هذا الشرط بورقه الزواج بعد سنه اني بحكم
المطلقه
اتعجبوا مره اتلخ عله اصرارهة هاذي المره ما بيه مجال
ازهار اتريد تعلن برائتهة من تهمة حسام بس شلون محد يعرف
كال ابو حسام ولو انتي غلطتي بعدم تصديقي ﻻن كلمتي هي وحده وبس انطيج كلمه تعتبر ماشيه واحسن من الف ورقه
ضمان واﻻيام راح تثبتلج صدق كﻻمي
ازهار
اني اصدك بكل اللي اتكوله بس ابنك اني ما اثق بي
ابو حسام
علة العموم هذا هو يجرالج ومثل ما كلت حسام ما اريده يعرف
وبعد هاي المحادثه راحت ازهار البيتهة تتجهز اليوم عرسه
اما
حسام كله ابو عله الي صار كام وانتفض وسواهة هوسه
وحضر اوراق السفر وراد يطلع بليل ومحد يدري بس هو وحارسه اﻻمين وصديقه الوفي عروة
لكن الخادم الي يوصل كل اﻻسرار لابو حسام وصله خبر نيه
هروب حسام من البيت
وسفرة ﻻمريكا
خابر وانطه اوامره بعدم السفر
وفعﻻ لزموا لحسام وهو بلمطار ورجعوه للبيت
حسام ﻻبو
اني مو جاهل حته اتزوجني بكيفك
ﻻ انت جاهل لو مو جاهل جان اتحملت مسؤوليه المصيبة
الي دخلت ابوك بيه وهنوب اتريد تنهزم مو اني انطيت كلمه
للعالم ولتخليني اصغير ولتخلي الصحافه والجرايد تكتب علة ابوك تالي عمره
ابو حسام وهو يحجي لزم كلبه وانخربط واجوي الدكاترة
وفحصوا كالوله
ابوك تعبان كلش وكلبه ضعيف
حسام عرف ازهار كلي اللي يمر بي واتحلف اله واله يسود ليالهة وينتقم من السبب بكلي اللي سوته بي
ماكو ابنيه طبت بعينه وسوت الي سوته الا ازهار
حطمته وسوته مضحكه للباقين كل اصدقاءه عرفوا راح يتزوجه
علمو د هي كسرت خشمه والي رادته سوته وغصبا ما عليه
وعله اهله بعد ما جانت البنات تعتبر ه شاب عصره ورجل بمعنى الكلمه اصبح اضحوكه ويتهامسون بيناتهم عليه
ويكولون ضربته بلطلقه واتزوجه خاف منه والله مرة كسرت خشمه
وهو يسمع والنار تشيط بكلبه
عروه
لدير بال اتحمل ﻻجل ابوك وصحة وسمعته
حسام
احلف براس ابويه وسمعته وشرف وبروح امي اﻻ اخليه
تندم ﻻن انطخت بيه اني حسام ابن فﻻن تنزل راسي مره
ﻻ عاش وﻻ يكون
عروة
حسام اتهدة وخلي كلشي يمر حسب ما كال ابوك وراد**
حسام هو هم هيجي ليش اني اشكايل (وهو يظمرلهة بكلبه.
كل عقوبات الدنيه)
واجه يوم العرس واجه الكل واتهيئوا وحضروا اهل حسام الوﻻئم عزم ابو حسام كل معارفه هذا عرس ابنه الوحيد
ميخلي يمر بسكوت حته لو بلغصب
حسام جان يتعارك ويه ابو البدﻻت وهو يلبسه البدله يطلع
قهر كلبه بي
وعروة يهدئة
واجه المحامي وصاحوا عله ازهار وجتي وحسام ةاجه
وهو يباوع عله ازهار هي مغطيه روحه بلبركع وتباوع عليه
من طرف عينهة
وسالهم اللقاضي ترددوا بلبدايه كوه يله كالوهة نعم
ورددوا وراه
واخيرا اتنفس الكل من الطرفين صار حسام وازهار زوج
وزوجه***&&&
والكل ركص وغنه وجابوا ارقى المطربين وسووا الكيكه
اكبر طابق
والصعاديات(العاب ناريه*)جانت تترس القصر
وحسام كاعد وبصفه ازهار
حسام ﻻزهار
يعني الي رتي سويتي اني الج اله اخليه ظلمه عليج
ازهار
مردت وﻻ كلمه
حسام
عبالج تلويين ايدي ﻻ انتي متوهمه جيتي لجهنم بيدج
اﻻ اراويج جهنم حسام شلون يكون ولج ابنيه تشرط عليه
اخ وعظ ايده لو مو ابويه جان علمتج درس خليتج تعرفيين منو اني
ازهار بعدهة ساكته وهو يتحلف وينويلهة بلشر
ولما انتهت الحفله الكل ودعهم وراح كلمن البيته
جعفر مجان حاضر العرس اما اهله ﻻزهار امهة جانت الدنيه
مسايعته من الفرحه ضربت عصفورين بحجر واحد زوجت بتهة
احسن زواجه وخلصت من الهم الي نايم عله صدرهة
وباست ازهار
ماما ديري بالج عله رجلج وداري وحبي لتخصري هو بعد سندج وشرفج وكرامتج ودﻻالج
بس ازهار وين وامه وين هذا الحجي بس للسمع مو للبتقبل
وﻻ التنفيذ ودمعت عين ابوهة وكام يبجي وخله
ازهار تبجي
وحسام يباوع ويكول دموع التماسيح
ولمن راح كلمن البيته بقت ازهار ويه حسام وبعض الحدم
هيأءوا اﻻكل وطلعوا
وبقت ازهار وحده ويه زوجه حسام
لمن اجه حسام وعيونه متروسه حقد وكال خلي اراويهة منو اني واضوجه شويه واحرك كلبه
دور عليهة
ماكوا
وين اتروح والقصر جبير يمكن خافت وانهزمت بعد اللي سمعته مني
وهنا سمع صوت
راح لمصدر الصوت شاف ازهار شايله جنطته وغراضه
وهنه ثكال عليه تسحل بيهن
لغرفة لوخ غير غرفته هي وحسام
حسام وهو يضحك
يتبع ......
