خطوات نحو الجحيم

البارت الاول والثاني والثالث

#خطوات_نحو_الجحيم

////بقلم الكاتبه زينب ماجد////
الناشر سيد حيدر الرسام

الحلقه_1

ذكريات لا نريد من الدنيا غير نسيانها🔇.. تدق بالرأس ك الناقور .. رغم موتها الا انها .. لا تزال تنبض في القلب الماً

قالو ان الحب فاصل بين العقل والقلب.. ف في الحب.. يتوقف العقل عن التفكير.. ويكون القرار قرار القلب..

ومن مات عقله.. مات قراره.. ف القلب خُلق لينبض بالحياة لا ليفكر ويقرر..❌

لكن لو قرر القلب عن العقل.. هنا ستكون خطواتكَ نحو الجحيم.. 👎🔥

☆☆☆خطوات نحو الجحيم☆☆☆

بغداد_ الأعظميه_ الساعه الحادية عشر ضهراً

....نزل الضهر وحسيت الشمس صارت قويه.. اخذت جهاز التحكم وعليت المكيف.. انفتحت باب الصيدليه..

باوعت .. رجال بالثلاثينيات.. دخل.. بلا زحمه بس شوفيلي هذا العلاج.. وحط الراجيته كبالي..

اخذت الراچيته.. باوعتها.. ورحت اجمعله الدواء المكتوب.. جريت كيس الخاص بالصيدليه خليت بيه كل الدوه..

وحطيته كدامه..

-شكد السعر.. ؟

-23 الف..

-شدعوه يمعوده.. منا منا

-والله هو هذا سعرهم.. طلعت الدوه وعديتله اسعارهم.. مابيها اعذرني والله..

-ماشي..

-طلع المبلغ انطانيالي.. وطلع.. شمرته بالدرج.. وكعدت.. الدنيا حيل حاره.. باوعت التلفزيون جانت طالعه اغاني .. بس ناصي.

سمعت الجامع يمجد.. درت من الاغاني خليت قران.. دك موبايلي.. باوعت الاسم ورديت..

-الووو هلا مؤيد..

-هلا لجين..

-هلا عيوني

-تسلملي عيونج.. شلخبار..

-والله ماكو.. كاعده بالصيدليه.. وقرب الاذان يأذن.. والدنيا تكتل حر برغم التبريد اللي بالصيدليه..

-بعد الاذان تخف الناس محد يجي.. قفلي الصيدليه وطلعي..

-هو هم هيج.. انته عود استلمها من الساعه 5 فتح واكعد..

-ان شاءالله..

-يلاا مع السلامه.. خلصت منه.. دخلت بنيه..

- هلا خيه..

-هلا خيتي

-اكلج خيه.. جهاز مال حمل عدج

-جهاز كشف الحمل اي نعم عندي.. بس اي واحد منه تردين..

-ياهو الاحسن..

-اكو سعره 5 الاف واكو سعره 8 واكو 12 الف.. منو منهم تردي؟