اه رجعت لتانى ليا بس مش زي امارحت
قلبى اصبح باب مكسر
ببكى اكتر
بهدى جايز
روحى واقفه بالحواجز
عينى تايهه
مش بتقفل ثانيتين
رفضه مفعول المهدئ
خارجه منه
ضهرى مفتوح ضرفتين
والضلوع متلخبطه
قلبى برا وجسمي جوا
ومستحيل اجزم بأن دى انا
لبسه تل شكله مش لايق لموتي
لبسه طرحه مطرزه بدموع كتير
شاده حلمي بالغطا خوف لايرحل فى الهوى
كتفي مال
والجدار الي ساند كتفى اجوف
كان بودى افوق وانشف
بس تكوينى اتملا بنزيف يخوف
بعدى واسأل في التراب
هل فيه مكان ياخد حطامى
اصل خايفه انتحر والارض ترفضني بعظامى
