لم اتزوج حبيبي

الجزء 02

طبعا اليوم داك والليله دييييك مررررت كأنها سنه 😂😂😂😂

الصباح ظابطه المنبه 7 صباحا .. 6 و نص أنا جممممب باب الشااااارع 😂😂😂😂😂

وصليت الصبح حااااضر ...( الولد قدمو حلو علي من البدايه ...) 😍😍

يللا لما المنبه بيضرب انا كنت جااااااهزه مويه و نووور وسط دهشة الحضوووور 😂😂✋

بالجد اهلي كانوا مستغربين شدييييد لحد ما امي شفقت علي ...💔

المره دي انا الانتظرت ابوي ف العربيه جاني و مشينا و الشوق بأعيننا .😍.

ضربت لي هند قالت لي انا مستنياك ف القسم بتاع النساء فووووق ..

المهممم وصلت المستشفى و دخلت برجلي اليمين .😁😁.

لاقينا الاخصائي بتاع الوحده ..

قال واحده فيكم تشتغل من يوم الليله و التانيه تجي بكره .. قامت هند قالت لي انا الليله ما بقدر لأنو اهلي مسافرين و اخواني براهم ...

.

انا كمان صراحه ما كنت بقدر اشتغل اليوم داك !... لكن بسس قلت هنوود معذوره و ح اشتغل انا ...

بعد شويه جات داخله الطبيب العمومي بتاعت الوحده قالت لي انو ح يشتغل معاي زول من الناس القدام عشان انا جديده ..

قصدها فاطمه و زولنا دااااك 😍 (ابو ضهرر)😂😂😂

المهمممم انا سكتت سااااي .. و بيني و بين نفسي يا بنات ماااا بغشكم اتمنيت تكون معاي فاطمه ..لأنو زولنا داك لما اشوفو ح اتلبش ...و اتكنكش .. و اتبشتن و اتعكنن اتعجن و ببركن 😂

😂😂😂😂😂💔💔💔💔😂😂😂😂

طبعا يا بنااات مااا يغركم ألكبكبه و الشحتفه و خلطة امبارح و المواد التموينيه الكبيتها في وشي دي...: لو شفتوني انا طبعا ما بعرف اتصرف نهااااااااائي قدام الاولاد 💔😢 تجربتي ضعيفه 😥و بيجيني شلل فكري و كلللللمتكم قلت ليكم علاقتي معاهم متووووتره 😢 و بطااااله و ما بحاله جيده😂💔 ..

يعني الخفه دي ماااا بتحصل قدامهم .. انا قدااامهم متمااااسكه 💪🏻💪🏻💪🏻😎😎

: المههمممم ...

هنووود اتخارجت ...

و العموميه اتخارجت ..

و فطووومه اتخااارجت ...

و البلد فضت علي ..

و ف اللحظه ديييييك و بينما انا سرحاااانه و (مدنقره ) كالعأااااده 😂😂😂

جاني زولي المااااابيغباني و انا عيوني ف الارض فجأه كده اشوف ليك جزمه جاات وقفت قدامي ..و بقيت متابعاها و بينما انا هممت برفع رأسي للأعلى شيئا فشيئا و امتزجت الريحه السمحه بالجو الهادي و السكووووت 💕💓💓 و فجأه الزول ده مد لي يدو ...