قلبي بين يديك
ألبارت الثالث عشر
بقلم غدير وسام
الناشر بارق العراقي طلبت منه مهله افكر ومن كعدت ويا نفسي
قررت انطي يوسف فرصه ثانيه مو بس اله لنفسي ايضا لان من كعدت وفكرت شفت نفسي محتاجه اعيد ترتيب حياتي و مثل ماهو غلط اني غلطت يمكن لو كنت مصارحته من البدايه مكان وصلنا لهنا يمكن يزعل فترة وبعدين يسامحني او يمكن جنا انفصلنا بهدؤ بدل الكلام الجارح والتصرفات الغريبه علينا اثنينا احنا مو هيج لايوسف قاسي ولااني ماحبه وكافي لهفته عليه وجيته لبيت اهلي يرجعني اول موصل خلص حبيبي ارجعه الي وكافي ثاني يوم من رجعتنا رحنا للدكتور الي حجز عندة يوسف ومكال شي جديد بلعكس كال مؤشرات الحيات عندة ضعيفه وفاته راحه اله اني وماما هذا الخبر دمرنا(غدير وسام ) جان اخر امل النا شفت يوسف حاضن ماما ويهداء بيها وبعدين التفتلي وحضني اخذنا وعشانا برة وكان يتعامل ويا امين بلطف ومتعجب بي رغم تعب امين كان يضحك
يوسف.. اكلج هذا فقير لعد شلون امي كالت هجم عليه بيوم الي شافته
حنين..لا راد يسلم عليها بس هي خافت هو ميأذي وصلنا ماما ورجعنا للبيت قررت ابين ليوسف رغبتي بدايه صفحة جديدة
حنين... اليوم وين تنام .التفت فرحان ومتامل
يوسف .. كيفج حتى لو بلشارع اقبل انتي ومروتج .. هههه حنين..لا تعال نام بغرفتك عندك اثنين نسوان وتنام بلشارع . يوسف... ياغرفه منهم
حنين.. كيفك .. وصعدت رتبت غرفتي وشموع ولبست قميص ابيض جنت محضرته ليوم زواجي اجه يوسف يضحك.
يوسف اجواء وكذا قزومتي رضيتي عليه ..
حنين انت شتشوف
يوسف..اني ماشوف غيرج ولا راح اشوف لزم وجي وباسني
يوسف.. بقت شغلة ضهري ورا ماابوسج لازم اخلي مرهم . حنين. اني احلها صعدت للسرير وكفت صرت اطول منه ها شنو رائيك
يوسف.. الله عليج بس صرتي اطول مني شالني هسا صرتي بمستوايه لفيت ايدي على ركبته وبسته من خدة يوسف... صدكيني احتقرت نفسي بعد الي صار وتمنيت ميت ولاغاصبج بس يمكن ردت احافض عليج باي طريقه حنين .واني كذبت عليك مجان اكو احد متقدملي بس حبيت انتقم من سمعت بيك خاطب وماهامك شي
يوسف.. يعني غرتي .حنين متت لو يمي احركك انت مالتي اتقرب مني ولااول مره نتقرب من بعض لهلدرجه بحب 😍😍 نمت ليلتها بحضنه وحسيت بامان
يوسف..تعالي نامي عندي كعدت لكيته هو مقرفص نفسه وحاشر نفسه بحضني متت ضحك هو ضخم واني ناعمه مسيطرت على نفسي فز على ضحكتي كال شبيج تخبلتي بعدين تحولت ضحكتي لبجي(غدير وسام ) كال مفتهمت تضحكين تبجين اضحكي حبي مشتاق لضحكتج اني ذبيت نفسي بصدرة وشميت ركبته ريحته وعطرة اوكسجيني الي ماعيش بدونه وبسته من ركبته وضحكنا اني ويا ونزلنا ثاني يوم و عيون خالتي ونور عليه جان واضح تصالحنا وهو كدامهم ميخجل اجه باسني من خدي وكلما افوت من يمه يغمزلي عيشني احلى ايام وبعد ايام نايمين واتصلت ماما واني خفت مجاوبتها اخذة يوسف وجاوبها وافتهمت انو امين بلمستشفى واخذني وبقينا ايام ويا طبعا بابا ويوسف يباتون يمه ولعد ايام صار الي توقعنا مات امين وبهذا اليوم اني فعلا خفت لااخلف مو لان اخاف اجيب معاق لاخفت اعيش احساسها وانكسر كسرتها شفت بابا كبر سنين بلحضه حضنته وبجينا اني ويا كال راحو اخوانج بابا اني من خوفي علي كتله ارتاحو فكر بي اني منو الي غيرك انت وماما يوسف متركنا وتمم امور الدفن والعزا وبقيت ايام يم اهلي ويوسف ويايه متركني واهلي طلبو نرجع لبيتنا وفعلا رجعنا وأول مدخلت نور كالت البقيه بحياتج وخاله كلتلها عليمن هو مخبل اصلا االحمد لله من مات وخلصهم اني مجاوبتها بس بقت دموعي تجري ويوسف كلها شنو هذاالكلام انتي متفكرين الكلمه الي تكوليها تجرح المقابيلج الي يتعرض لحنين بكلمه او يغثها ميلوم اله نفسه(غدير وسام ) رحت لغرفتي لحكني كال لاتزعلين كتله واذا مجنون مو بشر ماعندة اهل تحزن علي ليش ارتاحينا محد شال حمله ويانا حتى يحس الي عشنا خلي يتعبونا العمر كله بس يرجعون 😢😢😢 كافي حبي اعتذر مشت ايامي بلبيت عادي بس حسيت الشهريه متأخرة وطلبت من يوسف ياخذني للدكتورة وفعلا طلع شكي بمحله وحجيت للدكتورة عن وضعي كالت مو شرط الوراثه اهلج لان اقرباء واولاد عم بس لازم مراجعه شهريه طلعت نفسيتي تعبانه وشايله هم الدنيا .يوسف حبي مبروك كولي يالله ليش متكابه كتله والله اخاف حاول يغيرلي جو ويضحكني رجعنا للبيت وبلغهم خالتي انزعجت وكامت تصيح بس عمو مسمحلها تحجي واول مرة يجاوز عليها كدامنا كلها كافي موضوع مينفتح وشبجي من ربج حلو ونعمه المهم سلامتها بعدها يوسف كان مداريني ومن يطلع ابقى لوحدي وبيوم اجتي نور دخلت لغرفتي
نور ...ممكن احجي وياج اي شي جيبلجيا خاله او اني كدامها اجيبه لاتاكلي ولاتشربي اني استغربت .
حنين ليش
نور خاله تريد تسقط الطفل
أنت تقرأ
قلبي بين يديك ل غدير وسام
ChickLitحين نخفي حقيقتنا احيان نكون مضطرين ليس لااعتراضنا نحن عليها بل لعدم تقبل الاخرين لها
