العنيف

(قصه غريبه من نوعها وجريئه)

بارت اول،، قراءه ممتعه للجميع

الحب مرض يشتهيه السليم ..
اني ماجد مهندس معماري ..عمري ٣٥ سنه اشتغل بشركه ..وي صديق الي اتعرفت عليه بالجامعه لا مو صديق هو اكثر من صديق هو اخ بالنسبه الي .. بعدين احجيلكم عنه.. مواصفاتي طويل طولي ١٧٩ شعري اسود وعيوني سود حنطاوي صاحب شارب ولحيه عندي كم شيبه بشعري دائما اصبغهه امارس التمارين الرياضيه والعب اثقال.. لهذا اني املك عضلات بارزه
البس داﮰما ربطة عنق وبدلات رسميه ..
اجت عليه سياره الشركه ..طلعت من البيت شايل بيدي جنطتي الدبلوماسيه فتح السايق الباب
السايق صباح الخير استاذ ماجد
ماجد يسعد صباحك ابو انور
صعدت بالسياره كلعاده اخذت موبايلي اقلب بصفحات الفيس ..
السايق ..استاذ اليوم راح نتأخر بالطريق
ماجد ليش ابو انور
السايق بسبب المطر استاذ نص الشوارع انغلقت
ماجد شوفلنه طريق مختصر غير اتجاه طريقنا ابو انور ترى ماكو وقت..
السايق ان شالله استاذ
طلبت منه يغير الطريق وماكنت اعرف تغيير الطريق راح يغير حياتي… راح يمزق قَلبـ♡ــيے ..
الشوارع كانت كلها ماء اجت السياره تمشي سريع فجأه ابو انور وكف
ماجد شبيك ابو انور ..
ابو انور اكو حفره بالشارع طمس التاير
ابو انور يحاول يحرك السياره واتحركت السياره وحركتهه سريعه شمرت ماء المطر اللي بالشارع كوله ع الرصيف ..وعالرصيف كان في بنات واقفات ديعبرن للمدرسه وانتلفت ملابس وحده من البنات طين وماي لا الطين صعد ع وجهه وشعرهه.. طبعاالبنت اللي وياها صرخت ..شنو انت اعمى ماتشوف اشسويت بصديقتي ..
نزلت من السياره
ماجد اني اسف بنات اعتذر عن السايق مالتي
البنت هاي وين انصرفهه.. عدنه امتحان اليوم وانت راح اتعطلنا
ردت اسمع صوت البنت الثانيه كانت ساكته تحاول تمسح وجهه
اتقربت منهه وكررت اسفي جاوبتني بهدوء ..
ماكو. ..داعي للاسف مصار شي عمو.. رجاء لتكبرين الموضوع.. اني راجعه للبيت ..وانتي كملي طريقج..
بيني وبين نفسي ..اشو هاي ادكلي عموو كسرت واهسي بس لا شافت شيبه بشعري..
رجاء والامتحان عيني اشلون
البنت ان شالله احاول اجي بسرعه
صحت ع ابو انور يطلع بطل ماي صحه وانطيته الها حتى تغسل وجهه ..
البنت غسلت وجهه وياريت ماغسلته لان انصدمت بجمالها وبرائتها وهدوئها ..طويله طولها ايخبل شعرهه طويل اسود ليل مسويته كصيبه بيضه وجهه دائري حواجبها سود عيونها اكبار سود رمش كثيف وطويل من ترمش تاخذ الروح.. خشم يخبل والحلگ اويلي ينكرط كرط ..ابتسمت وكالت ..شكرا عمو ورجعت بطل المي بيدي ظليت صافن ع الابتسامه غير عدهه غمازات ايخبلن وشامه فوك الشفايف جانبيه.
ابو انور يالله استاذ انت مستعجل
ماجد ممكن اوصلج للبيت حتى اتلحكين ع الامتحان
البنت لا شكرا عموو البيت قريب. ..مع السلامه
ماجد ..مع السلامه..
همين كالت عموو
صعدت بالسياره الطريق كله افكر بيهه دخلت كلبي بسرعه.. تعجبني البنت الهادئه ..وهاي البنت هادئه وبيهه كل المواصفات مبينه مؤدبه مو مثل صديقتهه ام اللسان ..صديقتهه اسمهه رجاء بس هي شنو اسمهه ياترى..
بالجانب الثاني… البنت راح تحجي عن نفسهه
اني اسمي ريماس عمري ١٦سنه طولي ١٦٩طالبه بصف الرابع ادبي.. عندي اخت وحده بصف الخامس ابتدائي
ماما ماصار عدهه بس احنا البنات الاثنين.. وبين وحده ووحده مسافه كم سنه بابا يشتغل عامل بشركه اسمه احسان ويصيحوله ابو ريم الناس تصتصعب اسم ريماس حالتنا فقيره بيتنا ايجار بس مرتاحين والحمدلله
رجعت للبيت شافتني ماما
الام ها شو رجعتي
ريماس وكعت بالطين وانتلفن ملابسي
الام اي غير تنتبهين
البنت وين انتبه ماما… الشوارع كولها طيان
ام ريم وهسه اشراح اتسوين
ريماس راح اغسل الملابس وانشفهن واداوم ع باجر ليش هو اني عندي غير تبديله هي هاي التنوره لازكه بيهه سنه كامله
اي شنسوي ياماما ابوج ماجاي يلحك.. يادوب ايجار البيت والمسواك… يمه ريماس وامتحانج. ..
ريماس احجي وي مدرستي اتأجله
ماجد وصل للشركه.. دخل للاداره طبعا المدير صديقه وميانه وياه ..صباح الخير رفعت
رفعت صباح النور اشو اتأخرت
ماجد اي طكتني مفخخه بالطريق
رفعت لا تحجيهه ياستار صدك لو تتشاقه
ماجد الشمس نزلت للارض وتمشي… لا القمر طلع بالنهار
رفعت اشبيك تحجي بالالغاز شكو ..
ماجد شفتهه وياريت ماشفتهه
رفعت منو
ماجد مااعرف
رفعت شنو
ماجد مادري وصافن وفاتح حلكه
رفعت شمر عليه مي فز من صفنته… يالله انطيني اوراق المناقصه وعوف الشمس والقمر هسه