بنات هادي ماشي ديالي غير بغيت نتشاركها معكوم
الجزء 1
انا: عطيني فلوسي ولا مايعجبك حال هو: سدي فمك ولا نهرسو ليك اصلا لعيالات تخلقو فهاد دنيا غي باش يخدمونا انا: بصح سيادتكم وخا انا غانخدمك مزيان نزلت جبدت هروادة من لا مال وما حسيت براسي حتى خبطتو لراس حتى بانليا طاح قدامي تجمعو ناس وداوني لبوليس وصلت لسين وجيم وخسرت عليه لخلصة ديال نهار كاملو ولكن ماندمتش مستحيل نندامج مع هاد لطبقة لفقيرة وخا وليت منهم مابقيتش غانسكت تصدمتو ياك هه بنت زوينة وأنيقة وكاتسوق طاكسي عادي حيت دنيا غدارة قلبات كلشي بين ليلة ونهار انا بنت لفشوش والفيلات ووصلت لهاد لحالة لمهم نعاود ليكم شكون انا واش وصلني لهنا انا رميساء 21 سنة عيني زرقين وشعري طويل ودايرة ليه ليميش و فصالتي زوينة مكايهمنيش رأي ناس فيا مهم انا تانشوف راسي قرطاسة انا لبنت لوحيدة عند بابا عمرو ما خسر ليا خاطري هو لي رباني ملي تخلات عليا ماما ف 40 يوم كانت نصرانية وماقدراتش تكمل معاه ورجعات لبلادها وداكشي باش اضطر يكون ليا أب وام وعمرو ماتزوج عندي شخصية قوية و كلشي كايتمنى يهدر معايا ولكن انا ماعنديش مع البشر كانقرا فالجامعة وهادا العام تالت عندي يالله شديت دوك كان صيف ودوزتو من داكشي ماخليت فين مشيت وكان همي الوحيد هو اش غانلبس غدا وفين غانتقهوى و باش من طنوبيل غاندور حتى نهار لي تقلبات فيه حياتي كنت جالسة كانفطر انا وبابا كي ديما حتى صونا داك تليفون المنحوس بابا بخوف: الو مجهول :موسيو لعلالي مشينا فيها سلعة تشدات فلحدود و البنك جمد ليك كاع حسابات الشركة حتى يتحققو من مصدر الثروة ديالك
