Ako ay nagulat kung bakit nila ito ginawa
Isang hubad na anyo ang bumungad
Sa aking mga matang nagimbal sa takot
Dahil ang anyong iyon pala ay ako.
Bakit nila ako pinagtaksilan,
Bakit nila ako pinatay sa pagsisisi,
Akala ko sila'y kaibigang wagas
Na magpapayo sa aking, "Kaya mo yan"
Akala ko ay magiging matapang ako,
Kapag nakasama ko na sila
Silang dala dala ang mga alak
Silang mga taong walang takot kaninuman
Akala ko ay puno na ng ligaya ang buhay ko,
Wala ng takot na magbabanta
Akala ko, sakit at ungol ang siyang gagaling
sa buhay kung gumuho sa simula
Akala ko ako ay magiging ako na,
Magiging ako na kinamamanghaan
Sa bagsik ng aking tapang
Ngunit ang akala ay isa lamang akala
Ang mga akala ko ay nabura
Dahil pagsisisi lang pala ang matitira
Dahil ginawa kung alipin ang sarili ko
Dahil pinakita kung mahina ako
ang=������