البارت السادس
طائفيه......
الكاتبه ازل ايلول
شافنه وهو ضل يگوم ويطيح
واحنه رحناله ركض حضنا وضلينه نبجي ....
ابو ايفااان..والله شگد دورت عليكم بس هالحقيره اخذتكم وشردت وماادري وين عبالك فص ملح وذاب دورت ضليت سنين والحد الان اني ادور وهسه يلا شفتكم شگد متغيرين كبارنين ....
اخذنه ورحنه گعدنه بالديوان ...
اجت بنيه عمرها تقريبن 15سنه نطتنه ماي ؤادت تطلع صاح سلامن ..صيحي لاخواتج خلي يجون ...
سلامن...حاظر بابا
اجو الولد والبنات واحد جبير تقريبن بگد ايفاان..
سيلام..بابا سولفنه شنو الي صار ليش ماما عافتك
ابو ايفان...شوفي بنيتي اني من زوجت امج جنت مزوج قبلهه وعندي مصطفى ومهيمن من عدهه ازوجتهه ورة سنوااات گعدت الصبح رحت للدوام رجعت لگيت ورقه مكتوبه (السلام عليكم حجي اني رايحه اني احبن قبل لاازوجك واهلي كشفوني احبه وزوجوني غصب بس حبيبي بقه يريدني وعلى تواصل ويا اني رايحتله وماخذه اطفالي وياي مع سلامه).....
هذا يلي فتهمته وره سنتين توفت زوجتي الاولى وضليت ادور عليكم وماكو
...
خلوني اعرفكم على اخوانكم واخواتكم
هذا الجبير مصطفى عمره 30سنه كام وسلم على ايفااان وحضنه وعلي هم وهذا مهيمن عمره 29سنه علينه مثل مصطفى
وهذا اكرم عمره 27سنه من اكرم اذكرت كرم واستاقيتله سلم علينه
عندي بنيه اسمهه نور ..عمره 26سنه مزوجه وعدنه بنات ثنين..
وهاي حنين عمرها 24سنه ...
وهاي ايناس..عمرها 19 سنه بگدج انتي اكبر منهه بالاشهر تقريبن 6اشهر
وهذي سلامن من اخذتكم امكم جابت زوجتي بنيه وسميتهه متقارب الاسمج لان من جنتي زغيره جنتي متعلقه بيه هواي وتريديني واني هم احبج وسميتهه من صارت ضحكت وادموعي نزلن رحت وحضنتهن واني ابجي...ايفان گاعد يم ابوي وكلساعه يحضنه ويبجي اخذني البنات وياهن للغرفه ...ضلينه نسولف ويحجن عن مكلياتهن ..... شوي وسمعنه ايفااان صاح....طلعنه نركض رحت يمه ....
يحجي بالموبايل...
ايفان
.وشلونه هسه..
........
اني مو بأربيل ببغداد حاليا
........
يلا مع السلامه طمني
سد الموبايل وذب حسره
سيلام...شنو ايفااان شصاير
باوعلي ودموع بعيونه
ايفاااان...كرم بالمستشفى
سيلام...شنووووووووو ش ش شبي
ايفان...ضال يتقيء دم وماخذينه بالمستشفى السرطان راجع من جديد...
