مساء الخير وياكم الكاتبه #جيمن ب قصه جديده
من قصه #ظل_امراءه_جزء٢
حلقه٦
لقاء/ضليت طول الليل ابجي واختنك واشهك بالليل ليش هيج صار لان ماعندي سند ماعندي اهل ماعندي عزوه ليش
البقاء للااقوى ولازم اعرف الديصير قررت وارجع زوجي وجنت اتمنى ما احصل على خيبه تهددني منه وصليت ادعي واحاول اقوي كلبي انطيته مجال اسبوع كلت بلكي ضايج
يوم ويومين ويستعدل بس غلط مازن جان كل يوم يتماده ويتجاهلني
يوم من الايام قررت اطلع اليوم اريد اشتري ملابس وكت الظهر واوديله غده بطريقي،،؟اني هم لبست صوفي وبدلت ملابسي وطلعت قريب ما اوصل لمحل مازن لمحت مازن ديغلق المحل استغربت ،،صحته من بعيد ماسمعني ،،،وصلت لمحله بس التفتت لكيت صاحبه اني عرفته من شكله إجه بعرسنا ف خليت صوفي والاكل يمه ورحت ركض وره مازن
وركبت تكسي وراه رغم بحياتي مطالعه وحدي ومن وصلنا وكفت التكسي بعيد عن البيت ولاحظت مازن نزل ودك الباب
فتحت له بنيه ملامحها ملحكت اشوفها وحضنها ودخل للبيت اني هنا من الصدمه ايدي صارت متحملني اتكئت على السياره وبعدها تقدمت خطوتين ردت ادخل للبيت واكشفهم بس كلت مازن ابد موحقاني يروح يلزمني يكطعني كتل اني كل الاريده اعرف هاي منووو وشتريد من زوجي بس مردت تستغلني كل الفكرته المهم اندليت البيت ،رجعت ركبت بالسياره وكاله السابق يوجعني لنفس المكان الي أخذني منه ووصلني ،،،رحت أخذت صوفي
محمد:ام مصطفى بشري لكيته ل مازن
لقاء:ملحكت عليه،،،،،رحم الله والديك على وكفتك وياي اليوم
محمد:لاخيتي واجبي
لقاء/بعدها أخذت مصطفى ورجعت للبيت ورجعت الاكل ،،،ضليت بس ابجي واحضن بمصطفى
واكول:اه لو عندي اهل لو عندي ام جان ماانذل هيج ذله ،،،،،،،محتاجه اهل لوعندي جان رحت يمهم وشتكيت وين اروح حتى ام مازن ماتت اويلي عليج خاله ،،،جان بالنسبه الي كلشيء مبهم مؤلم من صار وقت الليل وصوفي نايم وسمعت سياره مازن تطبك يم الباب كبل ركضت للغرفه وسويت روحي نايمه ،،،،،دخل مازن للغرفه شافني نايمه بدل ملابسه وذب روحه على السرير ونام ،،،،،أما اني فاانتظرت يطلع الفجر
لحظه لحظه حتى مازن يطلع بشغله لان دمرني التفكير بهذه امراءه منو وحضنها اه قلبي JAYMIN
،،،،من صار الصبح كالعاده طلع وأني هم بدلت ملابسي وجهزت صوفي وأجرت تكسي للبيت نفسه وطول الطريق افكر شنو راح اكلهم وباي طريقه ،،،،من وصلت دكيت الباب طلعت الي مره عجوز وكالت:اتفضلي بالاستقبال
JAYMIN
الحجيه:هلابنتي اتفضلي
لقاء:خاله اني اجيت وطالبه منكم بنت
الحجيه:بنت ؟؟
لقاء:رايدتها ل اخويه
الحجيه:ههههههه بنتي مزوجه هسه راح اصيحلها
نورس تعالي
JAYMIN
لقاء:من سمعتها تصيح بااسم نورس كلبي انقبض وحيل تعبت بس ردت اشوفها بشنو فضلها عني
ومن إجت ذاك اللبس والذهب وأني دايخه بحالي
الحجيه:هاي نورس هههههههه اجوج خطابه كولي لرجلج مازن حتى يفتخر بيج حلوه
نورس:ههههههه
ف بهالاثناء اندكت الباب واجه مازن من دخل للصاله جان شايل مسواك شافني ذبه بالكاع وكال:لقاء
اما اني جاوبته:طلكني
عفته وطلعت مازن حاول يلزمني بس سمعت ناس تكول :لا تروح وراها
شكله زوجي فضلها عليه حيل هالشي جرج بكلبي،،،،،صعبه صعبه فركتك غدرك خيانتك ،،،رجعت للبيت ودموع ماليه عيوني تمنيت اني بحلم وبعدين ،انتظرت مازن يجي بس ما إجه ،،،،،حضرت ملابسي بجنطه اني وصوفي
______يتبع رأيكم
عذرا لقصر البارت بسبب ضروف نلتقي باجر بجزء جديد
تحياتي الكم الكاتبه جيمن JAYMIN
