عائلة ابو سالم

١_اول يوم رمضان

اجه المسحر ويدق  : سحور سحوورر

ام سالم من السطح : اي اي كعدنه سطرت روسنة

المسحر : شسوي ياخالة شدراني بيج كاعدة

ام سالم : يلا الله وياك

ابو سالم : ها شلونج ام سالم

ام سالم : زينه الحمدلله غير هذا ابو عباس سطر روسنه بس يدق

سالم بنعاس : اي لعد شيسوي غير شغله

ام سالم : اسكت ابو كرش ابو سالم اتسوقنا السوق كله لان هاذا ابنك جوعي هواي

سالم : اني جوعي لعد ليش ما اتكولين على بنتج ام المسلسلات اربعة وعشرين ساعة مسلسلات وما تلحك

نور : اسكت لك ابو كرش عاد اني مضارتهم مثلك

سالم يقلد عليهة : اوي عيني دادة ختية

ام سالم : رمضان كريم

الكل  : علينا وعليج

ام سالم بغضب : اكوووول الكيلو مال موز وين

سجى : اني اعرف المجرم

ام سالم تتخصر : اي عيني منو هذا ياالمحقق كونان

سالم يخزرهة ويقول بنفسه : يالله اعرفهة هاي فتانة بس تفتن اي يااختي اكعدي

وحانت اللحظة الحاسمة

سجى : ماما هذا سالم

ام سالم تصرخ : ساااااالم

سالم : لج اليوم اموتج

وبدة سالم يركض ورة سجى

.................................اليوم الاول

سالم بتعب : اااخ يمةة بطني اريد اكل

سجى تضحك : لك اتحمل

نور بجدية : ترة احنا هم مثلك صيام كافي عيارة

سالم : بقة شكد عالفطور

سجى بخبث : سبع ساعات

سالم يصرخ : لاااااااااا ما اكدر اتحمل

سجى ونور: اسكت ولك فضحتنه جذب بقة ثلاث ساعات

سالم يتنهد : اه ارتاحيت

نور بفزع : عزززة

سالم : شكو

سجى : فزعة الحصان كبر

نور: المسلسل الجديد راح يبدي

سالم يعبس : عابت

كان اكو يم سالم ماء اخذ القنينة وشرب

سجى ونور يصرخن : لااا لك انت صايم !!!

شرك سالم بالمي

سالم : احو احو اخ كلبي يوجعني كبر جان خليتيني اشرب المي !

سجى : ههههههههههههههههه عبالك مجاعة افريقيا

بعد ثلاث ساعات

الله اكبر  الله اكبر

سالم : ايييييي وين السفرة وين السفرة انطوني دجاج هممم هممم الله مشمش ايخبل الشربت وينه

سجى : اسم الله شبيك

ام سالم : ابو سالم روح جيب دواء مال دود

الكل : ههههههههههههه

بعد ساعة من الاكل المتواصل

سالم بتخمة : اخخ يمة بطني شكد اكلت اخخحخ

نور : حللل تستاهل

سجى : اكولك انت شكد عمرك وماتتحمل

سالم بوجه بريء : اهء اههء عمري ١٦ سنه بعدني نونو

نور بفزع : لااااااااااااا

الكل : شكو

نور تدور عل ريمونت : مسلسلي الجديد لااااا

هههههههههه والله يسالم اتضحك

رمضان كريم عليكم