الحب شيء والزواج شيء اخر

بارت 36-37-38 نهاية

الحب شي!! والزواج شي اخر*

36
🌸🌸🌸
تمدده على الفراش بتعب :قدنا مرهقه ومو قادره اكل شي كل شي نفسي تطلع منه وهو بيعاتبني ومش فاهم شي مدري الغلطان هو والا انا اللي خبيت عليه
وهي تكلم نفسها فتح الباب ودخل بيشوف لها واعصابه هدات شوي: جوليا
جلس جنبها ع الطرف السرير : انتي ليش تفعلي كذا ليش تخليني اعصب منك وتجرحيني ب الكلام
شافته له بدون كلام
عبد الملك : انا ما اريد ازعلك ولا اضايقك بس انتي تستفزيني
مد يده ع خدها: يالله خلاص ننسى اللي صار
ابتسمت ومسكت يده ونزلها الى فوق بطنها: قد كلمته قلت له ابوك بيجي يراضيني
عبد الملك ارخي حواجبه: ايش
جوليا: كلمت ابنك قلت له انك ما بتتركني انام وانا زعلانه
ضحك بتعجب: ههههه جوليا ايش يعني ؟
جوليا :شكل ذاك اليوم كانت ليله القدر والله حقق امنيتك
وقف وهو يشوف لها : من صدق
شوفي لا تضحكي علي
جاوبي انتي حامل او لا
جوليا ارتفعت شوي: انا مو قصدي انرفزك بس مو طايقه اكل شي
وفي تعب وارهاق وانفعل من اتفهه شي
اعذرني بس ذي الفتره
رفع حواجبه وهو مبتسم ومتفجاء: كيف عرفتي ؟ وكم لك حامل ؟
جوليا: فعلت فحص قبل اربعه ايام وعرفت
صار لي شهر ونص
غمض عيونه: قبل اربعه ايام وما كلمتيني ؟؟ مش انا مصدق انا بطير من الفرح
اشتي اصيح واكلم الكل
انا بصير اب
جوليا : ياليت تصيح من صدق وتفكني من هذا الهم ؟
يعني انت فرحان بدل ما تشوف لنا حل
عبد الملك جلس جنبها: ذا اجمل خبر سمعته بحياتي ما تقدري تتصوري شعوري ي جوليا
جوليا: وكيف ؟ كيف بنكلمهم ؟
عبد الملك: لا تفعلي شي كل شي بينصلح
جوليا: وكيف ؟ لما تكبر بطني ؟ ايش بقول لهم
عبد الملك: لسى امامك شهر ونص ويمكن اكثر لما يبدا يبين وقتها انا بصلح كل شي
جوليا: عبد الملك انت عارف ايش بتقول ؟
كيف بتكلم اسيل ؟
ابوك ؟؟
كيف بتفعل !!! ليش مافكرت بها من قبل الامور بتتعقد اكثر
ابتسم لها: ولا تتعقد ولاشي بفكر بمائه حل لوقتها
الان خليني افرح
مد يده ومسك ب المكان اللي يتخيل ان ابنه فيه وانه قريب منه : شعور حلو ي جوليا
مش انا مصدق والله فجاتيني ماجاء في بالي هذا الشي
مدري انا متوتر ما اعرف اصيغ الامور
شاف لبطنها:
بس انا انتظرتك كثير ي بابا بس تجي على الدنيا  واضمك بين يدي بتعرف كيف شعوري
جوليا تشوف له بس وهي حاسه بفرحه وكم كان منتظر هذه اللحظه
بس هي مو مثله هي بتهم مو عارفه ايش بيصير بعدين :..

شاف لها : اشتي انام هنا
جوليا بعده يده من بطنها: خلاص روح نام ماينفع تنام هنا اسيل بتصحى ولاحد يعرف
عبد الملك : طيب طيب شوف امك كيف بتطردني
كان يحاول يضحكها
ابتسمت له: وانا كمان بنام اعصابي فلتت
وقف وقبلها على جبينها: تصبحي ع خير
واسفه لو جرحتك اليوم بكلامي
مسكت خده: ما تجرحني ي قلبي انت تطيب جروحي ما تجرحني
وقف ودفيها وشاف لها وخرج وهو مبتسم غلق الباب والدنيا مو متسعته
دخل غرفته وغلق وهو يفكر : باقي ٤ اشهر ونعرف نوعه اذا كان ولد والا بنت
وباقي ٧ اشهر ونص ويجي
يعني متى وقت الاختبارات ؟
بس كثير ٧ اشهر والله ؟
مو مهم المهم يجي بخير معافى بنت او ولد وامه بخير الباقي مو مهم سهل بصبر يعني اللي صبر الكثير ما يصبر القليل
انا متحمس وكانه ملكت كل شي ب الدنيا هذا
كان باقي هذا الشي في نفسي وتحقق
وهو يكلم نفسه
اسيل صحيت بفزع مثل كل مره
كان واقف ورجع جلس جنبها : اسيل اسيل
وهي تصبح: لا لا
ورجعت شافت له وهو جنبه وضمته: عبد الملك
ابتسم: مجرد حلم انتي عندي اهدئي
شدهه ضمتها: لا تتركني
رجعها ع الفراش: ما بتركك لا تقلقي نامي
انا جنبك
غمضت عيونها وهو يشوف لها: مدري ليش احس بتانيب الضمير احسن ان انا حرمت اسيل من ذي الفرحه ؟ بس غصب عني انا احب جوليا
ما اقدر اتحمل تبتعد عني ما اقدر اتخيلها لغيري اريد ادبسها بي و ما اقدر اتخيل يكون عندي طفل من غيرها
احسها هي نصفي الثاني
ما اريد اظلم اسيل معي والله لكن اسيل مريضه نفسيا
دئما كوابيس واحلام تجيها
اخاف تجيب لي ولد يطلع معقد ؟
يا الله
رفع عيونه لفوق: قلبي تحت سطيرتك وقلبي لجوليا يارب مالي سلطه ولا قوه عليه ،،،
........
الساعه 7:30 صباحا