** عادل **
كنت في العربية انا وعمر سوا ، كان ساند راسه على الشباك وسرحان ، قررت افرفشه كدة شوية ؛ ركنت وقومت مطلع الموبايل بتاعي ، فتحت اليوتيوب وكتبت اسم عمر في السرش ، وشغلت فيديو ليه وفرجته عليه ..
- والكورة مع خطاب ، يا ولا !! حطها حلوة ل مروان محسن ، وجول جول جول !!
سمع الصوت واتفرج معايا بإبتسامة على وشه ..
عمر "ياريت ما حصل اللي حصل ، انا الغلطان كنت سايق بسرعة !! مستحيل ارجع .."
"دة قدر ومكتوب ، ومفيش حاجة مستحيلة يا عمر ، انت تقدر ترجع احسن من كدة كمان ، وانا هساعدك"
ابتسم وبعدين لقيته بيبصلي ..
عمر "هو احنا هنروح نجيب مين تاني ؟!"
رديت عليه بضحكة ..
"مش شغلك ، بس هقولك هنجيب مين دلوقتي"
فضل مستني مني رد وانا وقفت قدام جراج ..
"هندخل نجيب المعجزة .."
____________________
** نورا **
"أبعد رجلك دي عني !!"
يوسف "هو انا جيت جمبك ؟!"
"انت السبب !! قولتلك نقف نفول العربية مسمعتش كلامي !! وادي اخرتها !!"
- مااااااء
ايوة الصوت اللي سمعتوه صح ، عشان عربيتي عطلت ، ملقناش غير العربية دي نركب فيها ، انا هموت بجد !!
يوسف "معلش والله مش انا اللي قعدت تستهلك في البنزين على الفاضي !!"
"اخرس بقى !!"
صرخت وبعدين لقيت خروف بيشم شعره ؛ قعدت اضحك وبعدها صرخت لما حسيت بحاجة بتمسك في شعري انا ..
_______________________
** عمر **
دخلنا الجراج وبعدها لقيت ولد من سني كدة بيشتغل على عربية ، لو قعدت اوصف فيها من هنا لبكرة مش هعرف !!
عادل "للدرجادي مش عايز تشوفني ؟!"
معجزة دة لف بسرعة وبعدين بصلنا وبرق جامد ، بس مسح ايده في هدومه وسلم على عادل باشا ..
معجزة "عادل باشا !! منور الدنيا كلها والله !! اتفضل اتفضل !!"
قعدنا وهو جاب كرسي لنفسه وبعدها جاب لكل واحد فينا مج نسكافيه ..
عادل "اخبارك ايه يا خالد !؟ مبروك على مشروع التخرج بتاعك ، انا قريت عنه وخليني اقولك اني فخور بيك جدا"
خالد "انا مبسوط بكلام حضرتك دة ، انا بس شاطر في الحاجة اللي بحبها مش اكتر .."
عادل "سمعت انك كسرت مكتب مديرك .."
