#تمردي ام عنادك
الجزءالاول
ل وردالعامري
الحب كلمه ذات احرف لكن هيه تحمل مشاعر ذات معاني كثيره كيف اذا كان الحب عشقا ولكن كيف هوه الحب ومتى سيأتي وهل باامكاننا اختيار من نحب
اسئله كثيره اجابتها هي لكل شي موعد الى لدقات القلب وفتح ابوابه لااستقباله الحب بلاموعد
قصه اليوم وصلتني ع الخاص الاسماء
حقيقيه لاتغير في شئ اتمنه تعجبكم وردالعامري😍😍
السلام عليكم اني شبل حامد الدليمي م80من احدى قرى الانبار قريتنه تمتاز بنضام عشائري بحت قانونه عشائرنا من ذاك الزمن جان القانون اليمشي قانون العشاير قانون الدوله مايمشي عدنه انا ابن الشيخ حامد وابنه الكبير عندي من الاخوه 4ومن الخوات2ابوي استلم المشيخه من ابوه جدي ضاري الله يرحمه عنده ولدثنين ابوي الجبير وبعدعمي و٥بنات جدتي جابتله ابوي وعمي ومرته الثانيه جدتي عزيزه هيه الاوله جابتله ٥ بنات وكالوا خلفتهه بنات لازم تتزوج غيرها فخذ جدتي حسنه وجابت له حامد الي هوه ابوي ومحمد عمي ابوي ماله واهس بدراسه بس حبه للديوان والارض عكس عمي الي كان القلم بيده عشق والفاس بيده تنفر جدي يحب ولده خصوصا ان هوه شيخ وبس بنات جانت خلفته فدلل ابوي وعمي وتركهم عله هواهم ابوي حبه للديوان وعمي للدراسه عمي محمد درس ووصل وسافر يجيب الشهاده من رجع جان عمري8سنين استقبلوه اهلنه وذبحنه ذبايح بشهاده عمي الي جان دكتور اطفال ضل عمي كم يوم وصارت هوسه بينه وبين جدي الي جان يصارخ لاانت ابني ولااعرفك اذا مانتهي هل سالفه وتجيب البزر هينه وجدتي الي تصرخ يولو تالي عمري بت ابني انكليزيه طلع عمي وراه ابوي وجدي يصارخ فاتت سنه ورد جه عمي وحب راس جدي وكاله انتهه كل شي بس البنت ماكدر اجيبها لان اتجنست وهي بحضانه امها بذاك الزمن كنت صبي ابن9/8سنين ماافهم الي اسمعه بس بعدها فهمت ان عمي حاب وحيده انكليزيه يكولون انها من روسيا 🇷🇺 جدتي تصيح انكليزيه مومن ثوبنه الوادم تاكل وجوهنه هيه دارسه وياه بنفس الجامعه وحابها وحابته مزوجها هناك وجايبه بنت مسميهه ذهب ومن تخرج جه حتى يفاتح جدي بهل موضوع وجدي موراضي مرت عمي من غيرديانه يكول انها مسيحيه وجدي جان يكول كافره ومايصير يتزوج وحيده كافره
عمي ماكدر ايجيب البنت لان. امها حاضنه الها عمرها جان البت سنه وجدي كاله اتبره منك اذا ماطلكت مرتك وجيب بزرك يتربه ويانه عمي طلك زوجته بس بنته ماكدر ايجيبها ورجع هينه جنب اهلهه وبعدين فتح عياده ببغداد وصار يمرنه كل حين وحين
عمي صديق النه كلنه مسالم ويحب يضحك ويتقشمر بس ماتزوج بعد للحين صار عمري13سنه وهوه مامتزوج رغم جدي وجدتي شكثر حجو ورادو وياه بس بلافايده جدي مات وانه ابن ال13وصار لازم يكون واحد من ولده شيخ والوادم كلها تعرف ان ابوي من بعد جدي
#تمردي ام عنادك
الجزءالثاني
ل وردالعامري
بس ابوي دز عله عمي لان هوه ماعنده غير هل اخ ومايريديتكدر خاطره لكن عمي كان رده اني لاالي بالديوان ولابالارض انت جبيرنه وانت شيخنه صارابوي الشيخ والحمدلله سمعته طيبه بين الوادم وديوانه دوم مفتوح
عدت ايامنه بسرعه ورحنه لبغداد انه واخوي ظاري ندرس انه اختاريت كليه زراعه واخوي حب الهندسه تخرجت ورجعت واخوي حب جوبغداد وباقيله3سنين ويتخرج كل الي نعرفه عن بنت عمنه ان عمي يسافر بين حين وحين يشوفها ويرد جدتي تكوله شفت بت الانكريزيه (الانكليزيه) هوه جان يضحك جدتي ادقق كانت دايما وياه عله دين البت وعرفنه انها تعرف انهه مسلمه
الجده: اي يحميد اخاف عبالك ضاري مات وترجع للانكريزيه ولي نطق الجنين ابطن امه لااجيبن البرنو واحط جيله براسك
العم: هههههههههه يمه عوفيني بحالي المره تزوجت
الجده: خايب من كون صخونه تزوجت وانت كاعدلي هينه مثل الارمله
شبل: جده شبلاج ويه عمي
الجده: اخ يابعد عيون جدتك بويه هذي الانكريزيه ساحره لعمك من ذاك الزمن انه اعرف رحت ل ام مزاحم بذاك الصوت وكالت عاكدته وعليه عمل قوي
العم محمد: ههههههههههههه وليش مفكته يمه
الجده: يضحك الفطيري خايب ماكدرت تكول لسحر بجن انكريزي ماتعرف لغته ماتعرف تحجي وياه
شبل: هههههههههههههه جده جان كالتله كم كم
الجده :وشنهي هذي الكم يبعدبيتي
العم محمد: يمه يعني حدري هينه بجاري
شبل: ههههههههههههههههههههههههههههههه
جده: ها تتمهزلون علي كومو غاد عني كومو
شبل :ملتهي بين الارض الي الحمدلله بساتينه كامت تطرح خير من الله ودراستي فادتني اكثر
الكه روحي ويه الخيل حب جدي الله يرحمه الخيل هوه لعلمني عليه اساعد ابوي بهل اكدر عليه بديوان اخوتي ضاري استقر ببغدادواخوي والباقين يمي رادو الزواج من عمر صغير بس انا وضاري بقينه جدتي تصيحلنه العوانس ههههههه وخواتي هم مشن مابقت غير لصغيره سميه عدت احداث العراق وعمي سافر ورد
