قصة ريما🌟🌟

13

الثِـالث .. عشر (13)🗣🌟

#ريـمـااا ...🎀

ريما.: مرت الاشهر وبشير معند مايقبل يطلك وكل فترة يسويلي مشكله وصكر ماسال عليه ولا اهتم ملتهي بشغلو العيد قرب وجدتي طلبت
تراضينا وية بيت عمي والله يستر من تاليها
بس هالمرة اني ماسكت ان رجعوني الة راح
ارفض لو كل الدنية تكف بعيني تحملت
جثير قهر ماكدر اتحمل بعد

قاسم.: خالتي وينه صكررر باجر عيد ولازم
نفوت الغراض بالمحل كعدي

ام صكر.: فوت يمة كعده وين يكدر احد يكعدو
من نومو غير يكلبها علينا موتدري بي..

قاسم.: اي شدعووااه سويلي طريق جاي وراج

ام صكر.: ماكو احد بالبيت فوت يمه البيت بيتك

قاسم.: فتحت الباب ودخلت الغرفة صكر.. يولو
اكعد ماكافي نوم. اكعد ورانة شغل

صكر.: فتحت عيني قاسم فوك راسي ولك شجابك من الصبح يمعود بعد وكت

قاسم .: كوم ياوكت باجر عيد ماعنده مجال
بس نوووم شيفيد النوم لو يفيد جان فاد اهل الكبور كوووم بداعة الغوالي

صكر.: بعد روحي الغوالي همه وينهم غير
لو شايفهم!!!! .صدك مشتاكلهم والله .

قاسم.: انت خشمك عالي اتنازل شويه

صكر.: لا لا مستحيل البنيه مخطوبه عيب عليه
وبعدين المفروض هي الي تتنازل لان هي الي
عافتني وراحت وافقت ماريد اجيب اسمو على الساني ااااخ

قاسم.: عجل لا اتولول يمي كوم لا ابتلي بيك
ساعة السودة من حبيت بيها انت وين ولحب وين
خبلتني بحبك

صكر.: ها انكلبت ام كلثووم انت فين والحب فين

قاسم.: ولك دكوم اتأخرنا صار يغنيلي ام كلثوم
دكوم عمي لا اسويك قصيدة الاطلال..

صكر.: هههههههه دوخر من فوكايه شلون اكوم

ام صكر.: عجل مادم كعد العريس خلي اسويلك ريوك

قاسم.: اي خالتي اريد جاي من ايدج والعريس ماندري شوكت يعرس من صدك

صكر.: هههههه عرس انت واني سهلة هسه

ريما.: كعدت من النوم جووعانه رحت للمطبخ لكيت امي عاجنة كليجة .. ودتسوي بالغدة وليلى دتنضف كعدت اتريك بالمطبخ يم امير

ام امين.: ايه ماراحت اليوم للمدرسة مو

ريما.: اي ماراحت نايمه جوه ..

ام امين .: جان كعديهاخلي تتريدك ..

ريما.: خطيه اليوم عدها عطلة خلي ترتاح تشبع نوم.. اكول يمه عوفي ايه باجر عيد. وسمعت جدتي تريد تراضي بابا وبشير. ..!!

ام امين.: اي راح يتراضون واخيرا ..

ريما.: واذا تراضو شلىون يعني خاف يريد يرجعني عليه..تره مارجع لو تذبحوني..!