حبيبي حشداوي

تعريف الشخصيات

هلو اني ليان عمري 18 سنة اني صف سادس علمي وطبعا كلش شاطرة حلمي اطلع صيدلة لأن أريد بابه يفتخر بيه باعتبار هوه ما مكمل دراسة ويريد الشي الي ما حققه هوه تحققه اني مواصفاتي بيضة لا طويلة كلش ولا قصيرة كلش يعني طولي زين جسمي رشيق عيوني خضر خشمي زغير حلكي زغير وشفايفي مليانه شعري طويل وسرح واشكر يعني بين قوسين صاكه

بابا اسمه علي عمره 45 يشتغل مقاول
ماما اسمه عبير عمره 39 تشتغل معلمة بالروضه
اخوي محمد عمره 20 يدرس كلية هندسه مرحلة ثانية

طبعا عائلتي صغيرة مو كلش كبيرة المتكونة من بابا وماما الي هي اصلا مرة أبوي لأن اني أمي ميته أول ما ولدتني طبعا خلي أبدي من البداية ابوي مزوج من ثنين نسوان مرة أبوي عبير هيه الأولي ومامه سماء هيه الثانيه طبعا أول ما حبلت بيه كله الدكتور بأن هيه جسمه ضعيف ما يتحمل الحمل ومو زين عليه بس هيه ما كلت لبابه بهذا الشي فأ من ولدتني ماتت أول ما ولدت بس ماما عبير ما حسستني بفراكه هيه الي ربتني ودائما زينة وياي لأن هيه ما عدة بنات عدة بس محمد الي هوه اخوي من ابوي ايصير أكبر مني ب2 سنة طبعا اني مثل الأصدقاء واكثر أسراره عندي واسراري عنده هسة أخلي اخوي وعزيزي محمد يعرفكم عن نفسه
محمد /هلو اني محمد اصير أخو الخبله ليان عمري 20 سنة مرحلة ثانية هندسه طبعا اني كلش صاك والبنات ميتات عليه بس أنه من النوع ال ثكيل وما أحب هاي السوالف ابد ما حب اضحك على البنيه لأن أحس حوبته تطلع بيه او باختي بعدين مواصفاتي طويل جسمي معضل ما العب حديد بس هوه جسمي هيج عيوني رصاصي وشعري بيه شكار يعني مثل الجوزي صاير

وهسة راح انطي القلم لصدقتي خلي تعرفكم عن نفسه
سارة/هلو اني سارة صديقة ليان المقربة طبعا احنه أكثر من صديقات وخوات لأن اني وياه صديقات من جنة صغار يعني(من نعومه أظافرنا) اني بكد ليان عمري 18 سنه وسادس علمي اني وليان بنفس الصف وبنفس الرحله همين يعني وين ما تروح لاحكته فدوه لصديقتي الاحبة😘😘هاي الج ليان
ليان/شكرا حبيبتي فديتج 😘
وهسه خلص تعريف عن الشخصيات انشالله الشخصيات الجايه تعرفوه ويه القصه بالبارتات الجايه
ها نسيت طبعا مواصفات سارة جسمه رشيق طويلة عيونه عسلي شعره اسود بسواد اليل وسرح كلش

ها اكلكم شغله اخوي محمد يحب صديقتي سارة من جنة صغار ويموت عليه لهذا ما يباوع لغيره ابد وصلا هوه ثكيل وشخصيه مو مال سوالف جهال

وهسة بأي يا احله متابعين فديتكم فدي من البجامه للبدي😘😘
بااااااي👋👋