حبيبي حشداوي

البارت3

رجعنه وياكم يله نبدي
ليان /من خذوني من اهلي واني بس ابجي ما اعرف شنو راح يصير بيه لو شنو راح يسوون بيه مااعرف وأنه عايشه بخوف ما اعرف شنو صار ويه اهلي ويه محمد ما اعرف من خذوني طبعا مو وحدي ويايه كومة بنات خطيه ما خذيهم حتة الي عمره 10 سنوات و9 سنوات ما اخذيهم شنو من ناس هذول حيوانات ما اعرف همج حتة جاي يسوون هيج المهم حطونه بسيارات كبار ودونه لمكان ما نعرف وين بس على ما اعتقد يمكن المركز الرئيسي مالتهم الي كاعد بيه هذا الي يسمونه المولى جابونه بيه وحطونه بغرفة كلش جبيره لأن احنه كلش هواي وقفلوا الباب وما نشوف أحد إله من يجيبونه الاكل ويوميه بليل يجون ياخذون وحده من البنات الموجوده ويرحون بعد ما نشوفهم لا همه ولا البنيه الي اخذوه تقريبا بقينه بهاي الغرفه اسبوع وبهذا الأسبوع أنه كلش تعبت وضعفت لأن ما أكل يجيبون الاكل وياخذونه مثل ما هوه لأن حيل مشتاقه لأهلي وما اعرف شنو صار بيهم والاسبوع صار شهر لحد ما مر على وجودي بهاي الغرفه 2 شهر واحنه على نفس الحالة يجيبون الأكل ويجون بليل يأخذون بنية من عدنه لأحد ما حتة اعدادنه كامت تقل وما بقه بالغرفة تقريبا بس عشر بنات هيج ينعدن على الأصابع ويوم من الأيام اجو بليل رادوا ياخذوني بس شافوني ضعيفه وجهي ذبلان حيل يعني مو مثل حلوة وصاكه طبعا وره التعب الي شفته شيبقه بيه وره هاي الحادثه تقريبا 2 يوم سمعنه صوت قصف علينه وطلقات واسمع الي بره يحجون ويكولون الحشد هجم علينه وكله تشرد واحنه باقين بالغرفة المقفوله لحد ما كدرنه انو نكسر الباب لأن جان بالغرفه اخشاب وغراض فاحنه 10 بنات جبنه خشبة جبيره وكسرنه الباب من كسرناه البنات كل وحدة تركض بصفحةتريد تشرد وأنه اركض وما اعرف وين رايحه بس اركض بصعوبه ما اكدر تعبانه بسبب قلة الأكل والتفكير أنه اركض بس أحس اكو غشاوه على عيوني ما اشوف شي لحد ما لمحت باب الخروج لأن جاي منه ضوه وجان انطلع منه وانصدم من المنضر الي شفته
شنو تتوقعون المنظر الي شافته ليان ؟
وراح تكدر تطلع من هذا المكان الي هيه بي لو لا؟
وهسه يله جاو نزلتلكم بارتين اليوم أريد تعليقات علمود اكمل القصه