#عيلة_عم_عفروست
مرعي.جرى ايه يا اوساذ علاء فين الايجار
علاء. ياعم مرعي انا لسه مرفود م الشغل والمدير كل عليا باقى الشهر و الواد احمد صاحبي كان سالف منى خمسين جنيه واما طالبته بيهم أنكر ..والبت بنت...قصدى اللى بحبها سابتني عشان ابوها مابيطقنيش وهيرفضني لو اتقدمت له..وهنام من غير عشا ..وانت جاى تقولى الايجار
مرعي.بص ياض انا مابكلش م الكلام ده...انا ليا عنك ست شهور ايجار ..وكل م اقولك تعمل لى حلوانة ف سلوانة وتخلع
علاء.انت مش عارف بتكلم مين يا راجل انت ...ده انا عمي ملياردير وانا وريثه الوحيد
مرعي.طاب بص يا وريث ...الايجار يكون عندى بكرة مع طلعة الشمس ..يا تكون انت والهلاهيل بتاعتك ف الشارع برضه مع طلعة الشمس ...بالاذن يا وريث
علاء. غور جتك القرف وانت شبه الفيل الحامل بكرشك ده (بصوت واطى)
_
ياسمين.وبعدين ياعلاء..هتجيب فلوس الإيجار منين
علاء.انتى هتبقى عليا انتى وابوكى😠
ياسمين.انا غلطانة انى كلمتك..كنت هساعدك
علاء.تساعديني ...مساعدة ايه اللى بتيجي منك انتى وابوكى
ياسمين.خد يا علاء ١٠٠٠ جنيه اهه..ادي لبابا فلوس الإيجار وخلى الباقي معاك لحد م تلاقى شغل
علاء.انتي اتجنيتي يابت..على اخر الزمن واحدة ست هتصرف عليا
ياسمين.هو فيه فرق بينا يا علوة 😍
علاء.علوة 😁😍
ياسمين.يا علوة يا حبيبي
علاء.حبيبي😍
ياسمين.مش انا مراتك 😊
علاء.مراتك😍مراتى😨امتى ..انتى هتتبلي عليا يا بت 😠انطقى مين اللى عمل معاكي كده
ياسمين.على اعتبار ما سيكون يا حمار
علاء.اه ...ماسيكون ..طاب ابقى فهميني قبل م تتكلمى بدل م هكسر رقبتك ف مرة من كلامك ده
ياسمين.بتغيير عليا يا علاء
علاء.لا ...بس انا علاء الدين لازم اتجوز زفت ياسمين عشان الحدوتة ...غير كده ولا كنت عبرتك ....بتسالي اسالة غبية زيك
ياسمين.طاب خد الفلوس اهه..انا هروح بقى عشان احضر العشا لبابا
علاء.ياسمين
ياسمين.نعم يا حبيبي
علاء.خفي ف الاكل اللى بتحطيه لابوكى..ده خلص على موارد المنطقة كلها
ياسمين.👊
علاء.هو الحق بيزعل 😣اه ياعيني ياما 😂
_
