علاء.اهلا يا عم مرعي
مرعي.اهلا يا سي زفت
علاء.مين ده
مرعي.ده الساكن الجديد اللى هيسكن مكانك...جاى يشوف الشقة عشان لما تغور النهاردة
علاء.ومين قالك انى هغور..فلوسك هتاخدها ع الجزمة
مرعي.امتى؟...ف الجنة😏
علاء.ابقى قابلني لو شميت ريحتها...هدخل اجيبلك الفلوس من جوه
مرعى.اما نشوف
علاء.خد ال٧٠٠ جنيه اهه وايجار الشهر الجاى كمان..يلا سكتك خضرا
مرعي.جبتهم منين
علاء.هو اكل وبحلقة..مش خدت فلوسك اتكل على الله(قفل الباب ف وشه)
_
سندباد.يابني ماتروح لعمك الغني ده ميل عليه يمكن يشوفلك شغلانة
علاء.انت مخك ف انه فردة جزمة عشان انضفهولك..الراجل لا أعرفه ولا يعرفني..ابويا كان بيقول لى عمك غني بس وربي م اعرف غير اسمه(نور الدين مصباح)
سندباد.عيلتكوا اسمائها غريبة اوى..علاء الدين و مصباح
علاء.اسم الله على اسمك يا زفت
سندباد.على رايك..سندباد البحر مرساة⚓
_
ياسمين.واد يا علاء
علاء.ياسمين😮يخربيتك ..انتى اتجننتي عايزة ابوكى يشوفنا
ياسمين.الحقنى يا علاء انا ف مصيبة
علاء.ماهو ده اللى باخده منك..مصيبة ايه
ياسمين.جايلي عريس وابويا موافق عليه
علاء.ابوكى موافق عليه يبقى اكيد معلم زيه
ياسمين.لا يا خويا..ده مهندس معمارى وبيشتغل ف السعودية
علاء.بجد😄اسافر معاكوا وحياة ابوكى😇
ياسمين.علاء😠
علاء.ا..اه 😓المفروض ازعل
ياسمين.المفروض😒
علاء.طاب هتعملى ايه
ياسمين.ما تيجي تكلم بابا يا علاء😇
علاء.مين😓انا😮اكلم ابوكى انتى😮ده ابوكى بيكرهني اكتر م بيكره مأمور الضرايب..ده ممكن يرميكي ف البحر ولا أنه يوافق يجوزنا
ياسمين.يبقى خلاص يا علاء..هتجوز مهند
علاء.مهند😓
ياسمين.اه..مهند..بص صورته(مهند التركى يا ولاد😍)
علاء.ده العريس😄شعره حلو
ياسمين.علاء😠انا غلطانة انى بتكلم معاك اصلا..انا هتجوزه بس ابقى جهز طقم حلو بقى عشان تلبسه ف فرحي
علاء.ده لو ابوكي عزمنى😏
ياسمين.بارد😠
علاء.ماحدش بياخد غير نصيبه يا ياسمين..بس ورحمة اللى خلفونى ماحد هيتجوزك غيري..حتى لو وصلت انى اخدك ونهرب
ياسمين.علوة😍
_
نايم علاء ف سرير متهالك وبيفتح عينه وكان نايم على جوابات كتير
علاء.ايه ده😓
بيفتح علاء الجواب وكان مكتوب
بسم الله الرحمن الرحيم
بسم الأمة العربية
الجمهورية العربية المتحدة(اسم مصر ايام جمال عبد الناصر)
نحيطكم علما أنه تم دعوتك لمكتب المحامى الاستاذ فتح الباب مسمار وذلك في تمام الساعة الثانية وثلث النهاردة
الله
الوطن
الحرية
علاء.ايه ده😂ده مين متخلف عمل الحركة دى..مفيش غيره سندباد هو الوحيد اللى معاه مفتاح الشقة (مش هخسر حاجة لما اروح المكان ده..اهو يمكن يطلع مقلب ويكون عازمنى ع الاكل 😍)
