حب أبدي❤

البارت الثاني❤❤

اني منيش طالبه منكم تصويت لانه هادا شي يرجعلكم كانا حبيتوها صوتوا وكانا لقيتوها متستحقش التصويت متصوتوش 🌸🌸🌸🌸🌸
اما بالنسبة للتعليقات فارجوكم علقوا اعطوني رايكم/افكاركم/انتقاداتكم......
ويلا نبدوا
_______________
عند ريم👧👧
وصلت هيا وايوب للجامعة
وقبل مايوصلوا رسمي ايوب وقف السيارة
ايوب:هيا انزلي
ريم:فكنا منها دسكة كل يوم ووصلني الداخل
ايوب:لا دسكه لا شريط انزلي
ريم:قاقاقا باااارد منبيش
ايوب:اسمعي منبيش حد يعرف ان حني خوت
ريم:وشن فاها.شن متحشم مني ولا كيف😭😂😂😂
ايوب:بلا تسهويك زايد. تعرفيني منحبش حد يقولي (هادي اختك/شوف اختك/حييي هادي اختك/تي مش هادي اخت ايوب) والجو البايخ هادا
ريم:به به وانت حكيتلي قصة حياتك آهو نازلة
ايوب:منورة...سلملي ياللي تفهم
ريم:سكفمك 😒😒
نزلت ريم وقعدت تتمشى ووين وصلت
رهف:رييييمووووو
ريم:حبي تي وين يا قلبي
رهف:آهو قاعده
_______________________
وقفه زمنيه بسيطه......
رهف انتيمت ريم تعرفت علاها في الجامعة وولت صاحبتها واختها وحبيبتها ونفسها
رهف بنوته كيوت . حربيه زي ريم بس هادي كلام بس بيضه ورقيقه بس وقت العمايل والفالطات تعجبك . قصيرونه يعمي محادية ريم في الطول
هما أصلا جيران يعني ديما مع بعض كانا مش وجها لوجه بالفون
أمها وأم ريم جارات قنينات
امها اسمها خيريه وبوها مفتاح وعندها خو واحد بس اسمه رامي مواليد ال90 جوه مليح معاها يخدم في شركه بو ريم (يعني عيلتين مترابطتين)😂😂😂😂
.
.
.
نرجعوا لاحداثنا😍😍😍
____________________
ريم:قداش مزال ع المحاضرة
رهف:نص ساعه
ناكلوا حاجه؟؟
ريم:لالالالاااا والله خلاص شبعانه😩😩😩 كييف كليت كريب من الدبشي
رهف:كرييب الدبشي😍😍 قالوا يهبل.حاق؟
ريم:تبي الحق وله......يهبلللللل
رهف:يوم تاني نمشوله.تمام؟
ريم: تمام تمام غر هيا نمشوا
رهف: باهي وانتي بكّل
وهما ماشيين يجي واحد( احم احم أستغفر الله ) يعاكس (استغفر الله)ههههههه😂😂😂😂
الشاب:بس بس غير عدلوا علينا بس
ريم:..............
رهف(بالشويه):حتى معاكساته قديمه
ريم:😂😂
الشاب:حيه عليا من اللي يضحك اني حيه
ريم تتلفت وتشبحله خلقت شبحه(ناااار🔥🔥)
الولد تخزرط😓😓 ومشي جري🏃‍♂️🏃‍♂️
رهف:ههههههههههه🤣🤣🤣😂😂😂
ريم: أصلا هما هكي ييبوا خزي
عمتنا رهف قعدت ساعه وهيا تضحك
ريم:قصدي الموضوع مش للدرجه هادي يضحك راه😒
رهف:لالا ادكرت موقف زمان هاداكا
ريم:اما هوا
رهف:وهوا ينتسى
هاداكا متاع.............
_________
فلاش باك💭💭💭💭💭
اول سنه لريم في الجامعه
وهيا خاشه .....
ريم:رورو شن الجو
رهف:بيك حلو وينك آمس معاش رديتي عليا في الماسنجر
ريم:نت الكلاب فصل
رهف:هههههه تستاهلي زيدي نزلي اغاني
ريم:هههههه😂😂😂😂
رهف:هيا هيا وقت ع المحاضرة راه
ريم:مشينا هي😊
وهما يتمشوا وقريب يجروا😂😂😂 يجي واحد دمه اعوذ بالله 😂😂😂
وهوا يعاكس يعاكس وريم شاده روحها بالسيف رهف تهدي فيها😂😂
فجأة حط يده علي كتف ريم وقاللها:تي غير خيرك استني شويه نتفاهموا.
اوووبااااا هني ريم ولععتتت😠😠
وفجأة تحولت لجاكي شان😑😑
وتلف بسرعه وتشد يده وتلفها وادفه واطيحه لوطى وتحط رجلها علي صدره (اني خفتتت)ههههه😂
وتقوله:رد بالك سامع وله رددد باااالك مزال تفكر تعاودها جو الكلام الفاضي والتسهويك هادا كلللله مايمشيش معاي اعرف مع من تتكلم اني بنت بوها مربيها انها ماتخاف من حد ومتستناش معونه من حد وتتصرف من نفسها وجو كلام الحب والغرام والدوه الفاضيه هادي برا ديرها مع بنت فاضيه معندهاش لا خلوق للقرايه ولا احترام لبوها وخوتها .....سمعتتت وله😠😠نوض توا لم ما تبقى لك من كرامه وجري للحوش فاهم وله.
وتلفتت بتمشي وولت شبحتله وقالت : وع فكرة منخافش يعني اللي بديره ديره تمام😉😠
ومشت وخلاته طايح لوطى والجامعه كلها تشبح والناس تتكلم
مجموعه عجبهم تصرفها وفرحوا ان مزال في ناس متسكتش
ومجموعه شافوا ان تصرفها وقح وغلط
وقعد موضوع البنت ريم وموقفها مع الولد حديث الجامعه لمدة شهر ومعاه
____________
رجعنا للروايه
ريم:ااااه هاداكا باللهي ما ادكرينيش بيه
رهف:ههههههه تي باهي باهي خلي نخشوا توا
وخشوا للمحاضرة
.
.
.
______________
عند قيس
وصل للجامعه قسم الاقتصاد والقانون. ميحبش يطلع من الجيهتين هادم لان الجيهات التانيه ادكر فيه بهاديكا البنت (يعني انهم يتلاقوا في الجامعه No)😂😂😂😂
نزل وطبعا سيارته معروفه ،يعني كأنه توم كروز نزل عند البنات وبدوا يتهامسوا
ضحك بهزوى عليهم وعلي حالهم😏😏
وبدي يتمشى لين سمع صوت حد مش غريب عليه
صفاء:قيييس😍😍
تلفت قيس ولقاها انصدمممممم😲😲
قيس:تفضلي شن تبي😒
صفاء:باللهي عليك سامحني تربح،اني واللهي نحبك😭
قيس:كملتي ⌚،عندي ماندير راه......ومشي وسيبها
صفاء:😭😭😭😭😭😭😭
قيس وهوا ماشي......(فلاش باك)
💭💭💭💭💭💭💭💭💭💭💭💭
قيس بدي يتبع فيها من مكان لمكان(نحكي ع البنت اللي قيس يحبها) يخش للقهاوي اللي تحبهم
*شن دارت/شن كلت/شن لبست/ مع من تكلمت
كلللله يعرفه(هوا مكانش متعمق في حياتها لدرجة انه يعرف تفاصيل حياتها الشخصيه قصدي العيله)
اصلا مكانش هامه شي غيرها هيا هوا اصلا حتى لقبها ميعرفاشي ههههههههه
المهم عنده انه يقدر يشوفها كل يوم.......
وفي يوم كان يتكلم هوا وصاحبه مؤيد
مؤيد:خلاص مقرر
قيس:ايه خلاص تم منبيهاش اضيع من ايدي
مؤيد:يا قيس راك قاعد تقرى وهيا اولى راه
قيس:ولو ولو اني نبااااهاااااا
مؤيد:ههههه تي باهي باهي وهيا ليك🤣🤣🤣
قيس:انشاء الله😍😍
وفي هادا الوقت كان في حد يسمع فيهم(ايوااااا هي هي نفسها)صفاء😈
صفاء:اني اللي نبيه ونحلم بيه هكي نسمعه يقول نبي بنت تانيه تي يحلم هادا انه يفكر في غيري اصلا
.
.
صفاء:عفوا يا شاب
قيس:تفضلي اختي
صفاء:باللهي عليك تسامحني اني سمعتك لما كنت تتكلم مع صاحبك وقلت انك تبي بنت و و و
قيس:هههه لالا عادي مافيها شي
صفاء:واللهي شن بنقولك البنت راهي مش كويسه وغر هكي قدامنا بس اني نعرفها وهي بنت كدا وخوها كدا و و و (طبعا دارتله فيلم هندي وتبوا الحق هيا ممثلة واو يعني تتصدق عادي)واني قتلك بس وشوف رايك😈
قيس:شكرا اختي بارك الله فيك💔💔
وحس بنخصه في قلبه واحلامه كلها ادمرت
قعد فترة حاس بالذنب
وبعد شهور جاه مؤيد
مؤيد:قيييس يا قيس😃😃😃
قيس:خيرك فرحان هلبا انت😔😔
مؤيد:كدببب تي راااهووو كدب
قيس:ادوي بالشويه بلا عياط شن فيه
مؤيد:سألت علاها البنت وطلع كله كدب اقسسسملك بالله
قيس:😲😲😲😲😲 مؤيد واللهي ماناقصني اني راه احلف باللهي عليك😢
مؤيد:ورحححححمة بوووووي(بو مؤيد متوفي)
قيس ناض يجري
مؤيد يضحك:تي مش هكي غر استنى ههههه
قيس:لالا اصلا اني ماصدقت بنمشي نكلمها خلاص
مؤيد:برا برا ربي معاك هههههه واللهي الا بتهبل انت
قيس يجريييييي🏃‍♂️🏃‍♂️🏃‍♂️🏃‍♂️
دور دور علاها وملقاهاش فجأة لقي صاحبتها
مشالها يجري
قيس دهشان:اللللسسسلاااام عليييكم اختتتي😥😥😥😥
البنت:هههههه وعليكم السلام غر بالشويه خود نفس ههههههه
قيس:لالا تمام
اني جايك من الاخير عاجبتني صاحبتك ونبيها والشهور اللي فاتوا كلها واني نتبع فيها يعني من حين كنتوا سنه اولى والله عاجبتني ونبيها
البنت:💔💔💔💔💔💔😭😭😭
قيس:خيرك😕😕
البنت:سافرت الاسبوع اللي فات
قيس:😲😲😲😲😲😲 تقووول من صب عليه ميه سخونه
قيس:كيف هكي وعلاش سافرت
البنت:بوها عنده خدمه وبتعيش برا
قيس:💔💔💔 باهي شكرا اختي
البنت:ولو وربي يعوضك
قيس:💔💔💔
رجع قيس (يجر اذيال الخيبة وراه)
مؤيد:ها بشر
قيس يضحك :سافرت
وبعدين بدي يبكي:سااافرت
مؤيد:لا حول الله معقوله الله غالب الله غالب
قيس:😭😭😭
مؤيد:اني نعرف عيلتهم برا كلمهم
قيس:لا منبيش اني اصلا نستاهل سمعت كلام المنافقين والحسودين وموثقتش فيها
مؤيد:تتكلم وكانها تعرف انك تبيها .وكانكم في علاقه
قيس:ولو مفروض اللي يحب يوثق في اللي يحبه ..وباللهي عليك متقوليش ولا معلومه عليها خلاص
مؤيد:اااخ ربي يهديك وخلاص
طبعا مشي قيس وتعارك هوا وصفاء وهيا قتله انها تحبه وهوا رفضها ومن هاداكا اليوم وهوا متاع بنات ويلعب بيهم
___________
عودة للروايه
قيس فاق علي روحه وضحك ضحكه هزوى عليها ومشي😎😎😎😎
_______________
عند سارة في مدرستها
المديرة :شني؟ لقيتوا؟
ابله:ايه خلاص بالاجماع هيا
المديرة:مني؟
ابله:سارة محمد ال.........
المديرة:حييي سرو واللهي تستاهل بنيتي هادي قداش ما نحبها....امالا خلاص هيا واليوم في طابور الصباح.
سارة خشت المدرسه ولقت افنان
افنان هادي صاحبت سارة لكن دورها مش زي دور رهف فلهذا مش حنتكلموا علاها بالتفاصيل
سارة:خير
افنان:خيرات
سارة:شن الجو
افنان:عال العال
سارة:قريتي تطبيق الاحياء؟
افنان:قريت يا سوسه قريت😂😂
سارة:😂😂😂😂😂 خزي عليك
افنان:وعليك هيا هيا نمشوا الطابور بدي
👭👭👭👭
وهما في الطابور
المديرة:صباح الخير طلبه طبعا زي كل عام لازم شهر 3 نطلعوا الطالب المثالي ع مستوى المدرسه فخدينا تصويت الابلات والاساتذة وكانت النتيجه او الفوز من نصيب....................
افنان:اكيده انتي يا سوسه😒😂😂😂
سارة:انيييي!!!!ومثاااللييي!!!! لا هادي لا
المديرة: ساااارة محمددددد ال........
الطلبه:👏👏👏👏👏👏
افنان:زي ما اني قلت😎😎😎😎
سارة:😲😲😲😲😲😲
المديرة:تعالي استلمي شهادتك
توجهت سارة للمنصه وسلمت ع المديرة
سارة:شكرا يا ابله ع الشهادة
المديرة:عفوا بنيتي انتي طالبه تستاهل
سارة:😳😳😳😳
كملت سارة روتينها هيا وريم ورهف وايوب وقيس عادي جدا
____________
روحوا ريم وايوب للحوش
أيوب خش رقد😂😂😂😂😂
وريم نفس الشي😪😪🤣🤣🤣
سارة ادور وتوري في شهادتها وبوها وامهما فرحانين بيطيروا
وباالنسبه لأحمد الساعه 12في اللي روح وكااان تعبان من الخدمه(طبعا مش حنركز عليه هلبا الفترة هادي)لقاهم راقدين حتى هوا رقد

وهادا مان البارت التاني إنشاء الله عجبكم😍😍