ساعة واحدة
#بدايه_خاطئه#.تكملة الخامس والسادس
غدير ..وسام .. التفاعل معاجبني اذا مو ٥٠٠ تعليق مااكمل
بابا ..مو كل الشباب مثل اخلاق سجاد .والولد عاشرنا وعرفنا مجان يرضه على صديقه .وتركه لان اذاج واذانه
تالين ..بابا ..ماكدر .فدوة لاتضغط عليه مثل سجاد.
بابا ..براحتج خلص مثل متحبين
فرات ..اتصل ابو تالين
تجيني للبيت بابا
فرات ..صار عمي .ربع ساعه واني يمك
رحتله رحب بيه وكعدنا
ابو تالين ...فرات انته والنعم منك واني احبك مثل ابني وتمنيتك تكون قريب ولو مطالب وحدة من البنات اني انطيك بس تالين رافضه واني .ماريد اخسرك .بقت ساجدين ... وكبع واخذ
فرات ..والنعم منك عمي ماقصرت بس اني رايد تالين لان شفت اخلاقها . وعجبتني .
ابو تالين ..بعدها مصودمه من زواجها الاول ومااكدر اضغط عليها .غدير وسام
فرات..لا ماريد تضغط عليها ..بس من رخصتك .احجي وياها . واذا رفضتني بعد قسمتي مو يمها
ابو تالين ..واني عندي ثقه بيك .اصيحها واحجو براحتكم
شويه وجتي من فدوة لهذا الطول غزال . مدنكه وخجلانه .
تالين .مساء ..الخير
فرات ..مساء النور .. شلونج تالين
تالين ..الحمد لله
فرات ...اسمعج ..ليش رافضه بس لان محابه تخوضين تجربه الزواج مرة ثانيه او اكو غير سبب
تالين ..لا بس هيج
فرات ..شنو الي مخوفج مني ومن الزواج .اوعدج الي مريتي بي مينعاد صح اني وسجاد اصدقاء طفوله بس اخلاقنا تختلف وميولنا هو مشى بطريق اعوج وحاولت ابعده لخاطر الخوة مابتعد تركته .ومجنت اقبل بتصرفاته وياج
تالين ..اعرف جنت اسمع عمه تمدح بيك ومن يصير شي او تحتاج شي تستنجد بيك .بس اني ماكدر هسا اتزوج مو رافضتك انت شخصيا لا فكرة الزواج كلها شلتها من بالي .
فرات ....انطيني فرصه اثبتلج الزواج مو مثل الي عشتي قبل .وافقي خطوبه فترة نتعرف على بعض واذا شفتي نفسج متكدرين نفسخ .
تالين ..اعتذر ..ماكدر .
فرات ..لاتجاوبين هسا ..فكري اسبوع وبلغيني قرارج وشما يكون احترمه
تالين ...ان شاء الله
ترخصت وطلعت .والايام تمشي بطئ والتفكير دمرني .
تالين ...فكرت .صعبه اكرر التجربه واني كرهت حتى سيرة الزواج . لان كلشي بيها جان مقزز من حيث العلاقه .او التصرفات .
