.
ديمه كمت واخطي لخطوه وارجع الف خطوه رفعت عيني للمرايه هاي اني بدلت عرسي اشون قبل شهر اني بدلتي البيضه لقصيره لابسته بمهر حور وجنت اسعد مخلوقه بيه بس اليوم اني بدلتي لبيضه طويله مو ذيج لكصيره واتعس مخلوقه. حته مو مثل لبنات لا حفله مهر ولا حنه
ام صالون ::- عيني عليج بارده تخبلين حبيبه بس اسم لعريس شنو حته ارسم حرفه
ديمه
شفت ام صالون قربت عليه بدلتي كصت باربي. بدون شيال كصت قلب ع صدر وكله كرستال ومن يم لخصر. كصه سبعه يسمونه بدله باربي منفوشه حيل وبيضه بياضه صارخ صح بدلتي بيضه بس كلبي اسود اي اسود قربت ام صالون ورسمت ع صدري نبض وقلب ورجعت سئلت
ام صالون ::- عروستي ياحرف اكتب
مها اخت وليد ::- حبيبتي لعريس وليد
ديمه
لا ع بختج لا تكتبين مو هو لبكلبي لبكلبي غيره اشون ازفوني واني احب غيره اي احبه واعشقه وينه مو كلي يجي يوم واشوفج فستانج لبيض هاي اني فستاني الابيض بس مو الك لغيرك راح انزف
مها ::- هلاو وليد اي كملنه يلا تعال
ديمه
لا هله المن جاي اني مو الك ولا فرحتك حرام تشوفني اي حرام حته لو عاقد سيد ومحكمه ابقه مو الك
مها: :- ديمه يلا فضينه بس تصفنين وليد بلباب
ديمه: :- مها مو هذا اتفاقنه اتفاقنه تاخذوني من بيتنه
مها: :- ديلا من بيتهم ناخذه وليد بلباب
ديمه ::- ما اطلع وياه. اروحي انتظر اهلي
مها: :- خبصتيني ترى يا اهل ذوله دشوفي نفسج وحدج بصالون
ديمه
فتحت جنطتي وطلعت موبايلي مخليته صامت شفت كم مكالمه اتصل احمد
ديمه بخنكه ::- هلاو احمد
احمد ::- واخيرا رديتي كملتي
ديمه ::- اي كملت
احمد ::- يلا جاي
ديمه ::- وليد بلباب
احمد ::- اني جايج
ديمه ::- مها احمد جاي
مها: :- اكولج حبوبه احمد ابو احمد ام احمد ميفرق ومعليه يلا خلي نطلع
ديمه
اوووف يربي اخاف من هل مها اشون لبستني ام صالون لبركعه وغطتني زين وهيه تضحك عليه
ام صالون ::- منا زفيت ساره واليوم ازفج
ديمه ابتسمت
ديمه
صاحبه صالون عرف وكلش قديمه ومشهوره وكله عده اهلي خطوبه جعفر وعبيد وزهور مرت احمد وساره وحور واني اتصل موبايلي احمد جاوبته وكلي يلا اطلعي اشوي وانفتح لباب ودخلت زهور
