البارت الرابع
نجمه هلا يمه بشري
حسنه يمه نجمه 😭ابوج بيه فايروس بالدم واملنا بالله جبير
يمه كعدتنا تطول خلي خالج يجيبج انتِ والجهال للمدينه
لان بالي يمكم وانتِ بنيه حديثه والدنيا تخوف
نجمه يمه ابوي يرجعلنا لو لا😭
حسنه ذكري الله يايمه بعد عيني مايقصر
نجمه بلغت خالي ولميت غراضنا وبدلت لخواني فرحه وحسين حيل تعبوني لان بعدهم ازغار ويردون امي
ولميت الفلوس والذهب بجنطه مال امي حسنه وخليتها بجتفي
ابو مهند خالو امشي نطلع هسه الله يسهل امج هم محتاجتنا وكعدتنا ماتفيدنا 😕
نجمه عيني مابطلت بجي لبست عباة فوك نفنوفي و
طلعنا انا وخالي واحمد والجهال
وبوجهنا صار محمد
خزر بوجهي ماافتهمت شي بس مااعرف ليش نظرات محمد توديني لغير عالم لدرجه انسه شجاي اسوي وشفكر
محمد طالعه نجمه مبينه طلعتها تطول فقدت اعصابي يعني مااشوفها كل هل الفتره
محمد السلام عليكم
ابو مهند وعليكم السلام
احمد 😏 شعجب العرب هم بيهم حلوين لا وفوكها يخليني جوى باطه😒
محمد عمي شني اخبار ابو نجمه
ابو مهند تعبان ياابني وسالفته بيد الله وكعدتنا ماالها داعي نروح يم المسكينه اختي محتاجتنه
محمد عمي امشي وياكم
ابو مهند لا ابني كافي ابوك مخجلنه بوكفته ماقصرتو والوالده ماقصرت ونردها الكم بالافراح
محمد ميخالف عمي امشي وياكم اطمئن وارجع
ابو مهند نتوكل على الله
🚖🚕🚖🚕
نجمه اول مره اركب سياره
يم السايق خالي ويمه حسين وانا ورى بحضني فرحه وبصفي محمد والجهه الثانيه احمد لا احمد يواطن محمد ولامحمد يشتهي احمد
انا الخجل ذابحني محمد بصفي استحي حتى اطلع النفس هو داير وجهه للشارع
عكس احمد يحاول يتقرب ويتشاقه
الطريق طول اربع ساعات ماعت روحي
محمد حسيت نجمه خجلانه
دنيت نفسي على الباب مااريد اضايكها
لشوي واحس نجمه تعبت
محمد هذا ماي غسلي بيه وجهج
نجمه مشكور غسلت وماحسيت الا راسي مااكدر ارفعه بدون احساس راسي تجيته على جتف محمد
