في شقتنا ، قاعدين نحن الأربع وَيَا بعض، ومرة وحده عبود نقز ع جوجو وتم يضربها مال مصخره و يلعوزها، وجوجو تمت تصيح، وانا وشيوم ابد م نحب صوت صياح جوجو، جوجو مسحت دموعها و راحت عند عبود و تمت تضربه بكوس، و عبود يضحك عليها لانه م يتعور و م يحس بأنها قاعدة تسوي له مساج، ف بعدين
شيوم قالت : عبود لا تستهبل اعتذر لها و فكنا عاد
عبود يرد عليها وهو شايف عمره: طععع منو يرمس وحدة مينونه ترمسس
شيوم و هي ترفع حايبها: اذا انا مينونه عيل انتههه شو؟!
وانا ياية اهدي الوضع عبود اخوي قال: وشرفت الفيلة، حياج حياج ش تبين بعد؟
انا تضايقت من كلامه واايد فقلت له: من زينك عاااد
جان يقول لي انا وشيوم: سيروا لاه ميانين
شيوم ردت عليه : لو فيك خير تعال العب معاي ف النادي
عبود وهو يمشي لف عليها وضحك ضحكه سخيفه وقال : تمام ف النادي اليوم اترياج
وعل العصر من بعد م صلينا ، تجهزنا عسب نروح النادي، من ركبنا السيارة وعبود يحط ع شيوم حط و قاعد يلعوزها و شيوم ماسكة عمرها عسب اتطلع اللي فيها ف النادي لما بتعلب معاه،من وصلنا النادي قعدنا نتريا المدربين اييون عسب نسير نبدل الشيل( الشيلة) ، تمينا نرمس مع بعض و قاموا اللاعبين اييون ، ف امي قالت لنا ان نروح نتجهز، رحنا بدلنا و تجهزنا و بعدين طلعنا برع نتريا كوتش( المدرب) هيوغو، لان كوتش هيوغو هو المدرب الأساسي لنا، وكالعادة ع الساعه 4:55 كوتش هيوغو وصل ، ومن يشوفنا يقول بصوت عالي : السلام عليكممم،
ونحن تعودنا من يسلم علينا انروح له ونسلم ايد بايد و نحضنه، ادري بتقولون كيف نسلم و نحضن ريال م نعرفه و لا يقرب لنا، ولكن هالكوتش انا اعتبره عمي و هو يعتربني بنته، المهم خ نرد ع الموضوع، من دخلنا اتريينا كابتن ابراهيم ايي لان وجوده مهم لنا ، من وصل سلمنا ع بعض و بدينا تدريبات، ومن اول التدريبات اللي نسويها هي الإحماء ، انا وشيوم دوووم ننخش ورا العمود عسب محد يقدر يشوفنا، ولكن كوتش فيليب دوووم ينشبني وينشب شيوم، ف من نشوفه نتدرب عدل ، واخس شي عندي في الدنيا هو تمارين الضغط، انا ابد م اعرف اسويه، ف تعودت احطي ركبي ع الارض واسوي ولكن مع وجود كوتش فيليب مستحيل اقدر اسويه وانا حاطه ركبي ع الارض، من بعد م خلصنا تمارين الإحماء شي تمارين ثانية خاصة بالجوجيتسو، من بعد م سوينا التمارين الخاصة بالجوجيتسو، يا وقت الفايتات، شيوم اختي لعبت مع كوتش هيوغو و من بعد م خلصت راحت تلعب مع كابتن ابراهيم، وبعدين راحت تلعب مع عبود اخوي ، ف البدايه عبود اخوي كان متحكم فيها بعدين شيوم جلبت عليه، المهم م رمست عن جوجو و هي ش تسوي ف النادي، جوجو هي الحبوبه ف النادي و الكل يقول بأنها الماسة النادي ، وجوجو اختي هي اول طفلة تفوز بالمركز الاول في اول بطولة لها، حيث ان جواهر تحب ان تكون الاولى ف كل شي ، و شيوم اختي بعد نفس الشي بس تحب أتكون ف المركز الاول دايما، بس انا وحليلي من أول بطولة لي وانا كنت اخسر، بس عادي اتعلَّم من الفشل و اتعلَّم من أخطائي.
و ع المغرب من ردينا البيت ، شيوم قالت بأنها تبا تحطي شوية ميكب ، ف بعدين انا قلت لأختي شيوم تحطي لي ميكب خفيف
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شيوم حطت لها ميكب خفيف نفس الصوره بالضبط👆🏼ء
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وشيوم سوت لي ميكب برونزي يناسب ويهي👆🏼ء
وبعدين خالي احمد ع الساعه 12 الليل اتصل فينا ، شو يبا خالي احمد منا؟؟
