عادات وتقاليد

2

بعد 7 سنوات
صار عمر فرح 16 سنه
معاملة دعاء الي تمثل دور الام زادت سو وكامت شغله خدامه بالبيت التمثل  دور اخته الجبيره  بسمه تحبه وتعلقت بيه عكس سلوى تغار منه ومحبته من اول يوم اجت  بي البيتهم تطلع من البيت اكثر شي بالشهر مره جاسم يجي بين فتره وفتره بحجت اختي وهو يجي الغير غايه صار عمره 23 تخاف فرح منه كلش لين اخر فتره كام يتماده وهيه بدت تفهم وتستوعب الحياة
دعاء:-طارق نسيت اكلك فرح بلغت
طارق ببتسامه:-يوم الاشوفه  عروسه
دعاء بستهزاء:-ههاي اشوفك متاثر
طارق:-مهم يكون تبقه بنت اخوي واني عمه اني احبه مثل بناتي
دعاء :-واضح تحبه لين راح يزيد راتبه
طارق:-الزمي السانج
ثاني يوم ساعه 9:00 ص
كعدت فرح بلشت بتنضيف البيت من مسح طبخ وهيه عمره 16 سنه كملت ساعه 10:50
كعدت دعاء
دعاء:-فرح
فرح:-ها ماما احضرج  الريوك
دعاء:- لا اليوم يجي على غده  جاسم وحسين(اخوها الثاني) احسبي حسابهم
تعكر مزاج فرح من صبح
نتبهت  عليه دعاء:-شبيج نكلب وجهج لازم ماعاجبج
فرح :- لا ماما بالعكس
صار وقت الغده واجه جاسم وحسين
طول وقت الغده جاسم ما شايل نضره  عن فرح رتبكت فرح وخافت  وجه  ميبشر بالخير
جان  ناقصهم شخص سلوى بالمدرسة خلصو غده شالت  فرح المواعين نقلتهن للمطبخ وهيه تحول المواعين للسنك حست بنفس جوه اذاناته احتلت القشعريرة جسمه ندارت بسرعه وشافت وجه  البومه جاسم
دفعته فرح:-خالو ليش سوي وياي هيج اني بعد مو طفله صرت جبيره واعرف كلشي واعرف غايتك اذا بعد تتقربلي اكل الماما
جاسم بشغف:- احب جسمج
فرح بجي:-حرام عليك شلون تحب بت اختك حرام انت خالي ما يجوز
جاسم يتقرب اله:- لا يجوز اني خالج ويجوز ازوجج
دعاء:-فرح وينج
لكته فرح فرصه حت تخلص من البومه
فرح:-بالمطبخ ماما
طلعت فرح من المطبخ رادت تكل الامه عن جاسم بس دخلت سلوى وغيرت اجوا البيت
سلوى بفرح :-ماما بابا نجحت نجحت
دعاء حضنت :-الف مبروك يوم الاشوفج محاميه
طارق:-مبروك بابا
باركولها الكل من عده فرح
فرح تباوع الابوها وامه الممثلين بحزن:-بابا ماما لعد ليش اني مسمحولي ادرس
طارق بعصبيه :-يوميه نفس الجدال كتلج عاداتنا وتقاليدنا متسمح البنيه البكدج تطلع من البيت بكثره
جاسم:-احنه. راح روح مع سلامه طلعو وطلعت وراهم دعاء
فرح بحزن:-شنو اليفرق بين عمر وعمر سلوى غير سنه وحده هيه أكبر من بسنه
طارق بعصبيه:-فرح لا جادليني ترا اطلع من طوري
طلع طارق من البيت وهو معصب
سلوى:- هي انتي لا تخلين راسج براسي ترا شوفين شي ميعجبج
فرح :-شنو سوين اريد اشوف
سلوى بعصبيه:-انتفج تنتيف اذا تحجين بعد كلمه زايده
فرح ببنسامه خبيثه:-من غيرتج حقج
دارت فرح ضهره
سلوى نفذ صبره اجت الفرح وتكامشن من شعر اجت نسمه تفاككهن بس ماكو فايده اجت دعاء وشافت وحده تملخ بالثاني وتحاول نسمه تفاككهن بس متكدر
دعاء بصياح:-هي كافي
عافت وحده شعر الثاني  فرح تباوع على كاع وخايفه من ردة فعل دعاء وسلوى تبتسم بخبث تعرف شنو عقابه
تقدمت دعاء الفرح ولزمته من شعره:-هي انتي شنو انتي حت تلزمين شعر بنتي ها تعالي وياي
جرته من شعره فرح تبجي بعياط تحاول تفلت منه بس متكدر دخلته للغرفه طلعت احزام وضرب بيه على جسمه
دعاء:- هاذا الطبوع سويته حت كل مارتي سوين شي غلط تذكرينهن  وتوبين
طلعت دعاء من الغرفه وتركت فرح تتاوه بسبب الالم نشفن دموعه بقت بالكاع متكدر تحرك جسمه شوي ونامت
دخلت نسمه للغرفه وشافت فرح نايمه على كاع قربت يمهه
خلت ايده على كتفه :-فرح اكعد نامي على جربايه ليش هنا نايمه مكسره فرح
فرح بتعب:- اه
بسمه بقلق:-شبيج
أشرت فرح على ضهره
نزعت بسمه تشيرت فرح وشافت جسمه مليان طبوع زرك
بسمه بقلق:-عزه معقوله ماما سوت بيج هيج تعالي خلي اساعدج
لبسته التشيرت وشالته خلته على جربايه
بسمه:-من يجي بابا اني اكله ليش ماما سوي بيج هيج
فرح بتعب :- لا بسمه خاف صير بينهم مشاكل
بسمه:'-نامي ارتاحي
بعد سنتين
صار عمر فرح 18 بلغت سن الرشد وصارت تفهم اكثر حاولت ويه امه وابوه الجذبين بان يدخلوه مدرسه بس ما قبلو بسبب هيه بنيه وعاداتهم وتقاليدهم ميسمحون البنيه تكمل فكر راح يضحكون على فرح سألتهم اكثر من مره ليش اني دائما محكوم عليه بالعادات والتقاليد واخواتي لا معقوله اني مو بتكم ويحاولون يغيرون الموضوع زاد الضغوطات على فرح وزاد خبث دعاء وكل ماسوت شي بسيط غلط ومرات بدون سبب تكتله بحيث تعود جسمه على كدمات كامت من. تضربه ما تحس بالألم تعودت عليه
احد الايام اجت اخت دعاء أكبر منه عزمت دعاء وعائلته على عرس ابنه
دعاء موجه كلامه البسمه وسلوى:-جهزن نفسجن بعد يومين العرس
فرح:-ماما اني هم اريد اروح
دعاء:-اكل الابوج اذا وافق ترحين
فرح بفرح:-صدك يعني انتي موافقه ياي واخيرا راح اطلع من السجن
دعاء:- لا تفرحين خلي يوافق ابوج اول
طيرت الفرحه من عيونه
كالت دعاء الطارق وافق بس بشروط متختلط ويه الناس تلبس عريض متخلي مكياج ورجلج على رجله
خبرت دعاء فرح وافقت فورا بس تريد تطلع من السجن لو حت ربع يوم دخلت للغرفه التشاركه ويه بسمه وسلوى شافت يحضرن ويقررن شنو يلبسن تباوع على ملابسه القديمه والاغلبه تعبانه وعلى ملابس سلوى وبسمه من نوع الزين وماركات
وتنقهر متدري هاذا الخير العايشين بي همه تاسس من راتبيه الفلوس والذهب والملابس اليشتروها البناتهم من عده فرح كله من راتبه اول راتب ثاني راتب ستثمر بيهن ونجح وحصل فوكاهن وكام زيد فلوسه وكله بفضل راتب فرح
بسمه نتبهت الفرح:-تعالي فرح اختاري ملابس من عدنه
سلوى:-مستحيل اذا جيس ملابسي احركهن
بسمه:-اذا قربت يم ملابسج اني احركهن عل راسج تعالي فرح جربي ملابس مني تقريبا اني وياج نتلابس
ملامح فرح
قصيره جسمه رشيق وجه مدبدب عيونهه كحيله لون عيونه اخضر مايل للنيلي خشمه ناعم وقصير شفايفه ممتلئة بيضه وخدوده ورديه شعره قصير
فرح بنكسار:- لا بسمه عادي ميحتاج البس من ملابسي
بسمه:-فرح مااحب الرسميات اذا ماتجين وتختارين ازعل عليج
تقدمت فرح يم بسمه وصارت قريبه من سلوى ضاجت سلوى وطلعت من الغرفه
بسمه:- لا تهتمين متخلفه عقلين
فرح:-يا ولج لا سمعج
بسمه:-واذا سمعت وجه التيس
فرح :-هههههه لقب مناسب
دخلت سلوى شايطه للغرفه :-بسمه احترمي نفسج وانتي اذا تحجين حجي زايد اجعصج
بسمه:-سلوى اطلعي بره احسن ما اسحلج هنا
سلوى :- بسمه كافي لواكه تتلوكين إله شنو اليعجبج بيه حت تحبه
بسمه :- اول شي هيه اختي وثاني شي كَلبه طيب وتستاهل المحبه مو مثلج حياتج عباره عن كره
طلعت سلوى من الغرفه وهيه معصبه اذا تجادل ويه بسمه راح تكتله فستسلمت
..........................................

               #حبايب_ذوقايه
#ذوقايه