بغيت واحد صغر مني

12

لقيت راسي ساقطا بقاو دموع كاينزلولي واخا كنت عارفا راسي ماخدمتش مزيان مي كنت باغا نجح مشيت كانجري دزت من حدا ياسين وسلمى وعمر شافوني هكاك بقاو كايعيطولي مي ماديتهاش فيهوم
مشيت لدار حليت لباب دخلت لبيتي بقيت كانبكي تادخلا عندي ماما وانا نعنقها

انا:(كانبكي) ماما سمحيلي عفاك هئ هئ انا مانجحتش هئ هئ
ماما:(كاتمسحلي على راسي) صافي ابنتي نشاء الله لعام جاي وتعوضيها مي واعديني بلي اتبدلي وتديها فقرايتك
انا:كانواعدك اماما
ماما:يالاه نوضي بدلي حوايجك واجي تاكلي
انا:واخا
نضت مشيت غسلت وجهي وبدلت حوايجي وانا حاجا وحدا دايراها فعقلي هي انني انتبدل ومغانبقاش هناء لمعڭازا لي ماعندهاش مع لقرايا
هبت عند ماما تغدينا وهاونتها فجميع طبلا وطلعت لبيتي شعلت tele لقيت بزاف ديال ليزابيل من عند سلمى ولقيت ياسين كاتبلي فواتساب
ياسين:مايبقاش فيك لحال الهبيلا نشاء الله لعام جاي تنجحي غاجتاهدي
جاوبتو ودموع كاينزلولي
انا:نشاء الله شكرا
ضفيت tele وتلاحيت نعست تال لعشيا جات عندي سلمى ڭاتلي ماتقلقيش وهادي وبلي لابغيت اتبقى تجي عندي فصيف تشرحلي دروس شكرتها وڭتلها بلي عمري نسا وقفتها معايا

*صافي سالا لعام ياسين دار حفلا حيت نجح وعرض عليا مي ماقدرتش نمشي نشوف ڭاع صحابي ناجحين وانا لا صافي تفهمني وڭالي ماشي موشكيل
سلمى وعمر دارو مدراسا ديال طب وقبلهوم حيت جابو معدل طالع كان عمر ايخطبها هاد صيف من ضارها مي حيت انا مانجحتش قررو يخليوها تالصيف لاخر واخا عييت معاهوم بلا مايأجلوها مي ڭالولي ماغادوزش زوينا ونتي مافرحاناش صراحا فرحت بزااف حيت عندي صحاب بحال هادو*
*بدات لعوطلا وقررت مانبقاش عاتيها لعب ودوران ماما مسكينا عوناتني وبديت كاندير لاصال فصباح وبلعشيا كاتجي عندي سلمى تفهمني دروس ملول وبليل كانقيل نهضر مع ياسين صراحا ولفتو بزااف وزدت بغيتو كتر من لول صافي هكا دازو ليام تال واحد نهار ڭالي ياسين بلي هو وشي صحابو ايمشيو يوماين يخيمو فطنجة وتا سلمى وعمر ايمشيو فلول مابغيتش مي بقا معايا تاڭتلو صافي نشاء الله ڭلتها لماما وڭاتلي سيري بحرا تفوجي على راسك*

*نهار ديال رحلة*
فقت مع 6 لبست كيطما وخرجت كانجري حيت فهاد صيف ولفت نخرج نجري رجعت لدار دوشت ولبست سروال كحل مع تريكو خفيفا فلبيض وصندالا فلبيض زوينا جمعت شعري شفنجا وهبت نفطر تاجات عندي سلمى
سلمى:صباح لخير زين
انا:صباحو
سلمت على ماما وخرجت انا وسلمى باش نمشيو حدا ليسي حيت تما انركبو فطروسبور باش نمشيو
انا:اجي بعدا القردا كيفاش خلاك باك تمشي هههه
سلمى:عجبو لحال حيت نجحت وقبلوني فكلية طب ولا ليڭلتهالو كايبغي ههه
انا:ايوا سعداتك الالا
بقينا غاديين وكانتعاودو تاوصلنا حدا ليسي لقينا كولشي كايتسنانا كانو شي جوج دراري وعاد ياسين وعمر وبنت
ياسين:علا سلاما كون غازتو تعطلتو
انا:هههه كانعتتدرو
عمر:يالاه ركبو
ركبنا انا ڭلست حدا ياسين وسلمى حدا عمر يالاه جا طرونسبور يزيد وحنا نسمعو صوت ديال شي بنت كاتعيت درت لقيتها ديك لخريا ديال هدى جايا كاتجري طلعات معانا ومشات عند ياسين
هدى:(كاتعوج)ياك كنتو اتمشي وتخليوني
ياسين:نتي ليڭلتي ماكايعجبكش تخيمي
هدى:(شافت فيا) نتي نوضيلي من بلاصتي
انا:(بديت كانقلب فلكرسي) سمحيلي احبيبا مي مابانتليش سميتك فيها
بدا كولشي كايضحك وهي ماعجبهاش لحال رجعات لور ڭلسات بوحدها
بقينا غاديين تاوصلنا لواحد لغابا حداها لبحر زوينا بزاف هبطنا وصايبنا لخيام ملي سالينا درنا دائرة باش كول واحد يعرف براسو بدات ديك لبنت
لبنت:انا سميتي هاجر فعمري 17 لعام لعام جاي عندي لباك (هي بنت زوينا كادير درا وعينيها عسليين ولاطاي ديالها واعرا)
دري1:انا سفيان فعمري 19 لعام كانقرى فكلية لحقوق وانا وهاجر مخطوبين
(شانڭولكوم واحد تيتيز تشوفوه تبقاو حالين فمكوم ههه طويل وعندو لعضلات وعينيه كوحل احح انا دبت فيه)
دري2:انا عصام عندي 19 لعام كانقرى فلباك انا الاخ ديال هاد السيد(كايشير لسوفيان) هههه
(تاهو تيتيز كايشبه لخوه غا هدا عينيه خوضر ومطراسي لحيا)

جات نوبتي انا وسلمى عرفنا براصنا وبقينا كانتعاودو صراحا ضريفين بزاف شويا عصاف جبد لڭيطار ديالو وبقا كايغنيلنا صراحا صوتو واعر دوزنا ديك ليلا حمقا وعاجبنا لحال من غير ديك هدى ليكول ساعا تشكا من ناموس هههه صافي جانا نعاس مشينا انا وسلمى وهاجر لخيما ودراري لخيما حيت كبار يقدرو ينعسو فيهوم 4 دناس اما ديك هدى ڭاتلك ماتنعسش معانا فنفس لبلاصا ومشات صايبات خيمتها بوحدها ونعسات اما انا ولبنات بقينا كانتعاودو هاجر كاتعاودلنا على سفيان وكيفاش تعارفو وتا انا ڭتلها بلي كانبغي ياسين فلول ڭاتلي كيفاش كاتبغي واحد صغر منك مي من بعد تفهمات وڭاتلي نشاء الله يكون ديالك بقينا هكاك تادانا نعاس

*اصبحنا واصبح الملك لله*
فقنا بكري انا ولبنات بكري وجدنا شي كرواصا وعاصير وشي تخربيق باش نفطرو بيه ومشات سلمى وهاجر عند دراري خواو عليهوم لما باش يفيقو وانا كان بالي واحد لفكرون كايضور تما مشيت هزيتو وحطيتو فلخيما دهدى وخرجت لقيت دراري كايجريو على سلمى وهاجر حيت خواو عليهوم لما بقيت كانضحك عليهوم وڭلسنا نفطرو تاسمعنا صوت دهدى كاتغوت مشا كولشي كايجري عندها وانا كانضحك
هدى:(بلغوات) واعتقوني هئ هئ
عمر:مالكي اش طرا
هدى:فف.... ك.. رون
ياسين:واصافي على فكرون دايرا هاد لحالا هههه
بقا كولشي كايضحك عليها وعصام هز لفكرون من لخيما وخرجو وانا كانموت بضحك
هاجر:ماعرفت كيدار لفكرون دخل عندها ولخيما مسدودا
سلمى:(كاتشوف فيا) على ماعرفتيش فعايل من هادو
انا:(كانضحك) ايوا لهلا يطيح علينا شي باطل هههه

#يتبع

كانتمى تكون لقصة عجباتكوم❤😘

وتفاعالو😊