الجزء السابع
وظليت فترة ولعدها رساله وصلتني من طارق كلي اني مرح اطلكج وهسه انتي حامل ومبقه شي اجيبين ابقي بالبيت ويوصلج مصرفج ومصرف الطفل العينتين ميدري بيه توم ولد وبنيه وميدري بعدلي شهرين اجيب اني سكتت وقبلت بلي كاله وظليت كاعدة لان فكرت انووو ابقى كاعدة بيت الي جبير ومصرف يوصلني كل شهر وعمي ويايه همين ممخليني محتاجه حاجه فكلت احسن مااطلك وعلى وجه ولادة اني وظل بحلك العالم كعدت وسكتت بس القهر ماكلني شنو ذنبي هيج اني صار بيه بس ارجع واكول الحمدلله
(قصص💖واقعيه عراقيه💖)
على كل حال
طبعا جان ابو طارق ميحجي ويا طارق صارله فترة علمودي وامه حايرة بينا و مرت الشهرين والحمدلله جبت ولد وبنيه سبحان ربي الخالقهم ولمن شفتهم حسيت احساس يخبل حسيت انو الله دزلياهم حتى يعوضوني حتى يفرح كلبي بس ظلت غصه بكلبي اشوف الي اجايات يجيبن وياهن رياجيلهن واني لا وهم حمدت الله وشكرته وطلعت من المستشفى ورحت لبيت اهلي رغم انو عمي وعمتي مقبلووو بس كتلهم جم يوم وارجع البنيه سميتها جيهان والولد سميته جنيد فدوة لكلبهم يخبلون الله يخليهم الي
يتبع ............
أنت تقرأ
#أنتي ـ صغيره ـ على ـ حبي (مـگتمـلة )
General Fictionعندما يعشق ذلك المغرور بطريقته الخاصه وعندما يجتمع الحب وطارق بيك #انتي_صغيره_على_حبي
