- ان تمتلك شيئا .. لايعنى هذا ، ان ما امتلكها يحبك ...💖
الامتلاك امر صعب ، لكنه سهل المنال ...🙈
عاداتنا .. تدمرنا .. احيانا و لكنها، تجعل واقعنا اجمل ف بعض الاوقات ...🌼
حدث لي مالم اتوقع حدوثه قط ، و لكنني راضية تماما عما حدث ...💔
مهما تعددت طرق القفل ، يبقى الله ، هو فقط من سيفرجها . فقط لا تيأس ...❤
قناعتي انت ، امتلكتني فأحببتك ... ✨
.
.
--------------------------------
نورا .. قفطاني بيج ف الازرق 🙈
المزينه .. باه انديرهولك ع العسلي 🙄
نورا .. منعرفش انا ادرى 🤔
المزينه .. ماهو باش يطلع ع قفطانك و القفطان ي اللي جايبينهولك 🙈
نورا .. به 😊
.
.
بعد 5ساعات 🕧
.
.
عائشة .. شنو كملتي ، يجيك خوك ؟ 🤔
نورا .. ايه ماما كملت ، قوليله يجيني ! 🙈
عائشه .. به ❤
•••••••••••••••••••••••••••••••••
وفاء ..سلم بنياتي هيا هذا كله ف شعر 😪
مريم .. حاضر ماما هي 😪
ايمان .. ماما شنو رتاج مش ماشية و الا كيف 😯
وفاء .. شكلها متبيش مبيتش نغصب عليها ، تو اديرلي مشكله قدام الناس 🙄
اكرم .. قصدك مش ماشية ، وينها هيا 😮
وفاء .. بالله عليك ي وليدي فوتها ، متعدلش عليها، ف فكنا من شرها و رأس وليدي 😓
اكرم .. عينها تمشي و غصبا عنها ، رتااااااج 😤
رتاج .. هاااه نعم خيرك ؟! 😠
اكرم .. خيرك مشفشفة هكي ، بتقابلي الناس بالمنظر هذا 😠
رتاج .. و من قالك بنمشي انا اصلا 😡
اكرم .. بيان خوك ، شن بيقولوا علينا الناس 😠
رتاج .. بيقولوا خانت العشرة اللي كانت بينها و بين صاحبتها و ماشية تخطب لخوها وحدة ثانية بكل صحت وجه 😏
اكرم .. مش غلط نتزوج مرة ثانية 😡
رتاج .. لاكن مش اهيا 😒
اكرم .. اولا اهيا عندها اسم و اسمها نورا ، اظني تعرفيه ، ترا قولي نورا نو نو نوراااا ، ثانيا خيرها نورا، ما شاء الله عليها ، خوك ذواق و يعرف يختار 😏
رتاج .. ايه لا ذواق ، لدرجة انه يختار ف ناس زباله 😒
اكرم .. احترمي نفسك راهي خطيبتي 😡
رتاج .. ترا فكني منك بنمشي نرقد 😠
اكرم .. اقسم بالله العظيم ي رتاج ، متمشيش ، الله لا اني خوك و لا نعرفك و انت مجربه 😡
رتاج .. عناد هوا !!!
اكرم .. احسبيه كيف ما تبي ، تشاوو ، و طلع 😠
وفاء .. خوك و تعرفيه كان قال كلمه يديرها ، هيا سلم بنتي استعوذي من الشيطان و بدلي ، و حرام البنت انت متعرفيهاش ، معادش تقولي عليها هكي 😪
رتاج .. الصبر منكم ، ناااااا عييييت ، فدييت 😡
و خشت دارها و قربعت الباب ✨
وفاء .. ربي يهديكم 😪
•••••••••••••••••••••••••••
نعرفكم بالشخصيات :-
- نورا .. مواليد 92 تقرا طب تخصص نساء ولادة اخر سنه ✨
- اكرم .. مواليد 87 د.اسنان كان متزوج و مرته توفت وقت الولاده ✨
رتاج .. م 84 اخت اكرم صيدلانية و كانت صاحبت مرت اكرم الاوله هلبا ✨
سحر .. م90 اخت نورا ✨
ايمان م 94 ، مريم م 92، خوات اكرم الصغار ✨
امجد .. م 85 خو اكرم الاكبر منه متزوج اروى م عن علاقة ✨
سند .. م.90خو نورا المقرب منها هلباااااااااا
احمد .. م 93 خو نورا الوسطى ، كرم .. م.9 9 خو نورا الصغير ✨
سكينه .. م. 90 خالت نورا و تسكن معاهم ف الحوش بعد ما توفوا جدها و حناها ✨
مروة .. م 92 صاحبت نورا و توأم روحها ✨
- و باقي الشخصيات نتعرفوا عليهم من خلال احداث الروايه ❤
---------------
اسراء مرت خال نورا .. ما شاء الله ، شن هالجمال 😍
نورا .. تتسوكي انت قصدك توا ، ي معفنه 😅
اسراء .. انا معفنه ، تونقول لمروان (خالها) 😂
نورا .. و قوليله شن بيديرلي يعني 😂
اسراء .. به ي نورا و الله لما نقوله امالا 😂
نورا .. و قوليله من شادك 😂
سحر .. تحشمي راهي مرت خالك 😁
نورا .. عادي عادي ، ميجيش بيناتنا 😂
اسراء .. ههههههههه ، لاكن و الله لما انقوله 😂
نورا.. ي ودي قولي و ريحيني 😂
••••••••••••••••••••••••••••••••••••••
عاصم (صديق اكرم ).. مشيت مشيت ووليت و خطبت ^^
حسام (صديق اكرم وولد عمه)..لا و شوف منو ؟ 😂
مجدي(صديق اكرم،مصري،).. مين ؟؟؟😂
حسام .. تتفكروا فيها البنت متع الإمتياز الي ف قسم نساء ولادة 😂
مجدي .. اه فكرها ، متقولش هيا، لآء 😂
حسام .. هيا 😂
اكرم .. هيا انت وياه بلا جو ، عندي خدمة ، ترا حول انت و اياه من قدامي 😒
عاصم .. ع اساس تحشم هوا توا 😂
اكرم .. تي برا انت و ياه لخدمتكم شن هذا ، عندي مرا توا بتنقخهم 😒
حسام .. مرات نقول لنورا !
اكرم شد البيرو و حذفه عليه .. برا اقلب وجهك و تحشم !!
حسام .. عادي عادي !
مجدي .. اعو زي ما بتقولو ، الباهي عند السنفاز !
عاصم .. شنو ي مجدي وليت تدوي خير منا !
مجدي .. امال ايه ، يلا انا ماشي ورايا شغل !
اكرم .. اهي الناس اللي تفهم !
مجدي .. يلا سلامو عليكو ، ربنا معاك ، ولا يهمك حدعيليك من قلبي !
•••••••••••••••••••••••••
وفاء .. كيف حالك ، ان شاء الله بخير !
سكينه.. هيا ي فالحة عويلة العريس وصلوا !
نورا .. مصارليش ! 😓
سكينه .. شن مصارليش هذي توا هيا 😨
عايشة .. هيا نورا واتية 🙃
نورا .. ايه ، انزيد شويه و ننزل !
سكينه .. السلام عليكم ، كيف حالك وفاء شن اخبارك !
وفاء .. الحمد لله كيف حالك انت و شن اخبارك ز
سكينه.. الحمد لله بخير ❤
و سلموا و قعمزوا ✨
.
بعد 25دقيقة 🕟
.
عايشة .. روروروروروروروروري 👏
وفاء وقفت .. ماشاء الله ، اهلين كيف حالك ؟ 😍
نورا .. الحمد لله كيف حالك انت خويلة 😅
وفاء .. الحمد لله ، هذي اروى سلفتك ❤
اروى .. كيف حالك؟❤
اروى .. الحمد لله كيف حالك انت ؟❤
وفاء .. و هذي بنتي ايمان الصغيرة 😍
ايمان .. اهلين كيف حالك ؟❤
نورا.. الحمد لله ❤
وفاء .. و هذي بنتي الوسطية مريم ❤
مريم .. كيف حالك ؟ ❤
نورا .. تمام الحمد لله 😅
وفاء .. و هذي بنتي الكبيرة رتاج 😅
رتاج مدت يدها بس .. اهلا 😒
نورا حزت ف نفسها اللقطة بس كملت عادي .. اهلين 😓
وفاء .. احم ، و هذي مرت خوي زينب ❤
زينب .. اهلا كيف حالك☺ ؟
نورا بصوت مبحوح .. الحمد لله 🙂 ؟
وفاء .. و هذي فاطمة اختي !
نورا .. اهلين كيف حالك
فاطمة .. تمام الحمد لله كيف حالك انت ؟
نورا .. الحمد لله 🙈
وفاء .. و هذي مرام اخت ياسمين الله يرحمها 🙀
نورا .. الله يرحمها ، اهلين كيف حالك؟
مرام .. تماام الحمد لله كيف حالك انتِ 😍
نورا .. الحمد لله ❤
مرام .. و هذا عمر ، اكيد تعرفيه ❤
نورا .. ههههه اكيد ،عمر عمُّورة تعالى هي و خداته منها و قعمزت ❤
سكينه .. مرتاحة ف التقعميزة ❤
نورا .. اها تمام ❤
وفاء .. ماشاء الله تبارك الرحمن 😍
مرام .. ايه ، اية من الجمال
شوية و فرقوا عليهم عصير فرش فراوله و ماكرون بالفراولة و الشكلاطة البيضاء ، و بعدها نسكافية و كيكة اوريو ، و عمر بدي يعيط ✨
نورا .. شكله استبرن مني !
ايمان .. تو يتعود عليك ، قاعد اول مرة !
نورا .. ايه ، و اصلا شكله حتى جعان 😅
مرام .. لالا عطيته شيشة ف الطريق و احنى جايين !
نورا .. قداش ليه !
اروى .. جو ساعة ساعة و نص !
نورا .. هداكا هوا ، لازم ما بيجوع توا 🙂
مريم .. ماشاء الله ، شكلك واخدة عليهم الصغار !
سحر .. تشد ف صغار خالي ، بالها واااااسع !
اروى .. ايه ديما لما نسإل اسراء وين الصغار تقولي عند نورا !
مرام .. اعطيهولي اكيد تعبك !
نورا .. لالا عادي ، غر ديريله شيشة حرام جيعان ، شوفي كيف يحط ف صبعه !
مرام .. ههههه باه !
.
مريم .. ايه ، طالعة حلوة تهبل ❤
اكرم .. باه امتى انجي
مريم .. منعرفش ، اسال امي ، ماما اكرم يبيك
نورا تلخبطت حست قلبها صارله حاجة و حست باحساس غريب
وفاء .. ايوا اكرم نعم ، ايه شوية تانية ، باه، تمام ، باه حاضر ، ان شاء الله ، هي سلام
ايمان .. خدي التقرير !
وفاء .. ايه
مريم .. طبعا اكرم عصبي وواعر شوية، و كل شي جدول عنده
رتاج .. لا واعر لا شئ ، غر ف ناس هكي تبي العين الحمرا ؛
وفاء بصوت واطئ .. قولي لحماتك تصكر فمها !
اروى .. حاضر ❤
.
بعد 10 د 🕟
.
اكرم .. انا قدام الحوش !
وفاء .. به اصبر شوية !
عائشة .. خيركم مزال بكري معقوله بتروحوا !
وفاء .. لا مش بنروحوا غر دقيقة بس شوية نبيك !
عايشة .. تفضلي و طلعوا من الدار !
ايمان نخصت مريم .. شكله بيخش !
مريم .. ايه شكله !
ايمان .. و علاش مقالش !
مريم .. وين نندري عليه انا !
ايمان .. اهووو جيييي ي للاه حبي الغالي و اللي نحبه ✨
مريم .. ههههه تحشمي 😂
مرام .. هوا هويدي لاكن كان ناشبتيه سلامتك ✨
نورا .. ههههه، زي ميرو !
اسراء ..امير هويدي:؟!
اروى .. مع احترامي لصاخبتي ، بس امير ولدك شيطان !
اسراء .. شكرا مسحتي بكرامتي الارض ! 😂
الكل .. هههههههه 😂
عائشة .. هي نورا نوضي
نورا .. حاضر
سحر .. غر لا ترا نشوفك
سكينه .. متبدليش
نورا .. و علاش
سحر .. اكرم ف المربوعة واسي روحك و اطلعيله
نورا.. لالا مش هكي متفقين احنى انا قلتلكم مش رح نطلع علاش هكي به
عايشة .. نلعبوا احنى و الا كيف و بعدين الراجل ف المربوعة و يراجي فيك عيب متطلعيش
اسراء .. شهيق زفير يلا
نورا .. حولي من قدامي اسو مش وقت شماتك توا
اسراء .. اسفة عارفاته مش وقت بصارة ، لاكن متخشيش ع الراحل هكي و اسمعي نقولك
نورا .. نعم
اسراء .. اللحظات هذي الراجل مينساهاش بكل ف ردي بالك من كل تصرفاتك و حركاتك و خليك اعصابك مرخية شوي متشديهاش
نورا .. به حاضر
اسراء .. ترا طاقم سنونك الجديد
نورا .. اها😁
اسراء. . ايوا هكي تمام
طق طق .. طق طق
نورا .. احم السلام عليكم
اكرم .. و عليكم السلام و قام راسه ...
قعد يشوفلها و هيا تشوفله و اطبس للأرض و سرح فيها
موااااااصفاااااات نورا .. بيضة نفسها ع الرقيق ع الاسود عيونها كبار داكنات خشمها واقف ، كانت جميلة بكل معنى الكلمه ، طولعا متوسط و شعرها طويل 😍😍
موااااااصفاااااات اكرم ..
طويل و جو عضلات خفيفة ابيض بس من الشمس متاتر ، عيونه خضر صغيرات شوية نقشه ع العسلي ، مربوع قد و عنده لحيه خفيفة 😍😍
اكرم .. احم .. كيف حالك
نورا .. تمام الحمد لله ، كيف حالك انت
اكرم .. الحمد لله
نورا .. تفضل ارتاح
اكرم .. تمام و قعمزوا
نورا .. ماشاء الله عليه عمر يشبهلك
اكرم .. جابوه
نورا .. ايه الباب يطقطق
نورا .. لحظة
نورا .. نعم .
اسراء.. شدي و انشطي شوية
نورا .. شن هذي
اسراء .. شن تشوفي فيها قهوة
ايمان .. خليها ذايبة شكلها
اسراء .. ههههه يمكن
نورا .. امونه نطلب منك طلب
ايمان .. شنو
نورا .. جيبيلي عمر
ايمان .. به شوية بس
و خشت نورا .. تفضل
اكرم .. شكرا
الباب يطقطق
اكرم .. اياه
نورا .. ههههه
ايمان .. شدي اهوا
نورا.. يسلموا
ايمان .. و لا يهمك انا برسم الخدمة ديما
نورا .. سلمها
و خشت
سحر .. شنو قنين
اسراء .. و انا وين نعرف
سحر .. مش عطيتيها القهوة
اسراء .. مديتهالها من قدام الباب سن بنخش عليهم ف الدار
سحر .. كاني منك ره خشيت
اسراء .. لاحول و لا قوة الا بالله
اكرم .. اووووو عمر حبيب بابا
عمر يناغيله و فرحان
نورا .. ربي يحفظه و يحف...
اكرم .. كمليها
نورا .. 😳
اكرم .. احم ، نورا نبي نحكي معاك بخصوص عمر
نورا .. عارفة ، عمر ولدي من اليوم ، و أن شاء الله نكون قد الثقة الي تبي تحطها فيا
اكرم .. يعني عادي عمر يعيش معانا
نورا .. امالا وين بيعيش 😊
اكرم .. .......
وفاء طقتقت و خشت
وفاء .. ي رب نشوفكم ف حوشكم مع بعض هكي ف تقعميزة حلوة
اكرم .. احم ووقف
و جابوا الدبل و لبسهالها و طلع ع طول
بعد ما طلع اكرم ، سلمت نورا ع وفاء و باست ع راسها و سلموا عليها الموجودات كلهم ماعدا رتاج اكتفت فقط بالمشاهدة .
اروى .. ي مبروك عليا السلف ان شاء الله الخير معاها يلفى
اسراء زغرطت .. ربي يعقد عسلكم
اروى .. عسلنا و عسلكم 😉
فرقوا العشي خلي نحكي عليه شوية .. داروا مكرونة شعيرية باللوز ، سلاطةمشوية و سلاكة بابا غنوج و سيزر سلط ، و سيخ لحم ، بوريك جبدة باللحم ، وطاجين يوناني ، و سلة بالدجاج ومبطن دجاج ، و قدموا معاه مشروب
زينب .. ماشاء الله عليها الحق
مريم .. ايه عجبتني هلبا ، و حتي اسلوبها حلو و هااادية
ايمان .. حسيتها طيوبة
مريم .. ايه
اروى .. طبعها شكله عكس طبع ياسمين
مريم .. حسيت حتى أنا
رتاج .. ياسمين احلى و ارقى و انزك ، انا نشوف فيها زباااالة
مريم .. رتاج صكري فمك او قولي كلمه باهية
رتاج .. نقول ف الحق
زينب .. به خلاص رتاج اسكتي
مرام .. رتاج خلاص معاش تقولي حتى حرف ، البنت ماشاء الله عليها ادب و اخلاق و اسلوب و جمال و حنية و طيبة ، ماشاء الله البنت كاملة و الكمال لله ، غر اختي ، اخخخخخ ربي يرحمك ي وخيتي
اسراء .. ايه شن رايكم ف بنت حماتي
اروى .. لعلمك انصدمت لما شفتك ، متوقعتكش تكون نورا بنت حماتك
مريم .. صلة قرابة
اسراء ..ايه ، غر جديات شن راييكم فيها
رتاج .. زباااالة
اسراء .. نعم
رتاج .. لحد هنى و خلاص معادش نقدر الحق ي ربي
اروى .. خلاص رتاج اسكتي
ايمان .. رتاج هني لسانك
زينب .. تحشمي شن هذا اللي تقولي فيه ، حرام عليك راهو
مرام .. رتاج صلي ع النبي ، و هني لسانك ف فمك
وفاء .. رتااااااج خلاص !
نورا ..
رتاج ...... #يتبع ✨
_________________
زعما رتاج شن رح تقول او بالأصح شن رح ايدير ؟!
و شن موقف اكرم من الموضوع اللي صار !
و نورا رح تكمل مشوار خطوبتها و الا لا !؟
