________________
اكرم .. نتوكل و انا متهني 😆
ايمان .. توكل و كون هاني غر جيبلي الحاجات بس معاش فيه وقت 😉
اكرم.. حااضر 😘، هي تسقد انت 😒
حسام .. هي سلام ي بنات نتلاقو😊 ..
البنات .. سلام ☺
°°°°°°°°°°°°°°°°°°°°
عاصم .. شنو نكلم حساااام ؟؟
اسامة .. ايه كلمه 😂
عاصم .. شنو ي سند ؟؟
سند .. كلمه كلمه 😁
عاصم .. اهو بنكلمه مش يجي نلقى حاجة ناقصة 😜
احمد .. و لا يهمك😋 صحابك قدها ما شاء الله
عاصم .. 😂😂
••••••••••••••••••••••••••••••••••••••••••••••••••••••••••••
ف🚘🚘
اكرم .. شد هاك موبايلك 😠
حسام .. منو 😱
اكرم .. هذا عاصم 😤
حسام .. هاه عاصم 😩
عاصم .. خيييير 😁
حسام .. لخص مش فاضي 😕
عاصم .. شن مش فاضي هي تعالو 😌
حسام .. به عندنا مشوار نص ساعة و نجوك 😁
عاصم .. باه به 😃
حسام .. هي صكر النهارات 😠
عاصم .. تي باهي😠 و صكر عليه
اكرم .. هاك شد 😡
حسام .. و اقسم بدين الله الا انت اللي بتتزوج مش انا😠 ، و انت كل شوية شد شد 😒
اكرم .. الصديق وقت الضيق 😂😂و انت عاد صاحبي وولد خالي ف تحمل 😏و اسكت
حسام .. الصبر غر شن هذا اللي حاطة😫 ، خيره اللون هكي 😠،تبي البنت تتخزرط و تهرب منك و الا شنو 😨
اكرم .. و خيره اللون بزاري 😋😍😍
حسام .. ترا احلف و قول بزاري😲 ، عارفة بزاري مش ازرق😷 ، خود احمر 🔴 حاجة باهية ،مش بزاري زي مرارتك😒😡
اكرم.. ذوقي هكي😒 و انا عجبني😍
حسام .. تعرف كان تشوفه ايمان هذا و الله تلزك من الحوش 😕😂
اكرم .. باه ي ذواق انت😒 شرف رد كل شي ف مكانه 😠 و نقي لون باهي ع قولتك 😕
حسام .. نعم نرد لا 😨ي فالح ، رد انت و انت من بكري و انت تلم و تحط ، غبت دقيقة درت العار 😠
اكرم .. نقولك راي😁 ، حط السلة اللي ف يدك ف مكانها و برا جيب وحدة تانية 😋
حسام .. مع ان اللقطة عيب 😔لاكن معنديش حل تاني ووقت باش نفرغ و نرد ، اوقف هنى متتحركش من مكانك و متشوفيش لشي و تقولي عجبني هنيني الله يهنيك 😥😖
اكرم .. تي باهي و انت فتحت موال😣 ، برا و تعالى هيا 😌
مشي حسام خدي سلة تانية و رجع لاكرم ، و لان دار نومه لونها بيج ف خداله الورد ع الاحمر و البيج و خلصوا و طلعوا رفعوا الحاجات لايمان
حسام .. تي وين ماشي تعالى 😠
اكرم .. خيرك شن ف 😳؟
حسام .. تعالى سايرني عندي مشوار 😠
اكرم .. و الله ما وقتك بكل مش فاضي بكل 😩
حسام .. علاش شن وراك 😪
اكرم .. وراي اللي وراي😠 ، انت وين ماشي 😜
حسام .. مشوار مش بعيد هيا تعالى 😜
اكرم .. كان بتعطل قولي من توا 😠، لان عندي ما نصنع 😍
حسام .. لالا مش مطول غر هيا 😌اطلع
اكرم .. هي اركب 😠
و ركبوا و انطلقوا للحوازة
اكرم .. حسااااام وين ماشي 😡
حسام .. تي بنتلاقى مع واحد ف تاجوراء 😤
اكرم .. متاكد 😠😏
حسام .. شن نكذب عليك انا 😡
اكرم .. ويييييين نندري عليييك😡 ، حسااااام😠😠
حسام .. شن قصدك بيها انت نكذب عليك انا ، ف واحد بنسلمه حاجة متفقين عليها و قالي جيبهالي ف تاجوراء نتلاقو
اكرم .. ان شااااااء الله يطلع كلامك حق ي حسام
حسام .. انت متتحشمش من بكري و انت تكذب فيا
اكرم.. و هذا اللي بتتلاقى معاه قالك نتلاقو ف تاجوراء و الا انت اللي اقترحت عليه
حسام .. هوا اللي قالي ، اكرم معاش تكذبني ، صدقني مرة وحدة ي اخي 😂
و خشوا لزنقة استراحة محمد
اكرم .. باااااه 😡و هذااا صاااااحبك😡 يسكن جنب استراحة محمد و الا شنو 😤
حسام .. ايه ايه مش بعيد عليها😓 الاستراحة اللي جنبها 😌
اكرم .. و الله😏😠
حسام .. لا اله الا الله و شد تلفونه دار رنه لعاصم متع احنى وصلنا
عاصم .. اهو وصلوا رآه 😂
مجدي .. كل واحد مكانو يلا ي ولاد 😁
عاصم .. انتشروا هيا 😂
الولاد .. هيا هي 😂😂، و ناض كل واحد ف مكان
اكرم .. تي وين نازل هذي استراحة محمد ي دماغ اللحم
حسام .. عارف عارف 😐حاط فيها الورق بناخده
اكرم .. اني قلبي مش مطمن ابدا للموضوع 😠
حسام .. الصبر ي ربي😷
😫 و فتح باب الاستراحة و خش اشر و طلع ركب السيارة
اكرم .. وين الورق😠 ، حسام ي كذاب شن مداير ي قرد 😡
حسام .. مباش يرد عليه و شاد ضحكته😂 بالسيف
اكرم .. هي انزل جيب الورق باش تعطيه لصاحبك 😡
حسام .. اهو نازل حتى انا 😒
اكرم .. استغفر الله العظيم و اتوب اليه 😤
و سمع حاجة طاحت ي ناري يحسابه حسام طاح و صارتله حاجة
اكرم نزل .. حساام حسام 😷😨
و لا حياة لمن ينادي
اكرم .. حسام ي قرد 😡ي حيوان 😡اطلع توا عارفك تتسهوك ي حماااااااااااااار 😡😡اطلع
حسام يدير ف الجو .. تعالي ي اكرم طاحت عليا😂 المكتبة متع التلفزيون (طبعا مغير صوته ع اساس فعلا طاحت)
اكرم خش راعش .. حساااام 😫تي خير بلاك ي فرخ و يجي ع وجهه
و يبدا الفيلم طبعا الكاميرات تصور ف كللللل شيييي و الولاد بدوا فيه
اول حاجة شدوه مرجوه طريحة و هوا يتحلف و يعاود
و بعدين نوضوه و رفعووه للحوض ع اساس خلاص خدوا منه تلفونه والمفاتيح
عاصم .. الله الحوض معبي جو غطسة ي ولاد 😂
اكرم .. اغطس انت😒
و تجيه دفه ف الحوض
اكرم ناض يعيط
اكرم .. من هذا الكلب اللي دف😡 ، نهاركم احرف و الله الا ما نردهولكم ي بهايم😡 انت و اياه😡 ، الميه مثلجة ي حمار ، غر نطلع ب😡س ، اقسم بالله الا ما نعجنك😡 ي فرخ حسام
و طبعا هما برا ميتين عليه ضحك
عاصم .. برا ي محمد هات سطل الكناسة 😂"حشاكم"
محمد .. هيا هي😂 و مشي جري جابه و جي
عاصم .. حد يتبرع يعاونه يطلع 😂
كرم .. و خشله انت 😒
و يدفه عاصم ف الحوض
كرم..ي حيوان ي قرد و الله ماتتحشم ي تافهه😡
الولاد .. ههههههههه 😂
سند .. هذا هوا اللي طابخهوله 😂
عاصم .. لامزال 😂
اكرم .. فرخ كرم تعال جاي 😒😡
كرم .. هاه شن تبي😠
اكرم .. تي تعالى😂 نتعاونوا باش نطلعوا 😡
كرم .. تي باهي اهو جيتك 😠
و تعاونوا طلع اكرم ، و كرم مد يده دفه اكرم ف الحوض مرة تانية لين نزل تحت المية و طلع
كرم .. ي تافهه😡 حتى انت معاهم فيه
محمد شد سطل الكناسة "حشاكم"و فرغه فوق راس اكرم
اكرم.. من هذا الواطئ الحقيييير و الله ما تتحشم ي محمد حاشا اسمك الطاهر
عاصم .. ازرقله ي سند بالبخاخات😂
سند .. حميدا هاك😂 و حذف بخاخات لمحمد. و احمد
طبعا اكرم معرفش محمد و الا احمد لما قال حميدا مسكين ميعرفش انها هجمة مرتدة ههههه
و بدوا فيه بخان و طيحوه و ردموه قريب دفنوه ف الاستراحة
عاصم .. هي خلاص برا للحمام دوش و اطلع هدرز علينا 😂
اكرم .. ان شاء الله غر كملت بس😒😡
عاصم .. لا خلاص هذا هوا 😂
اكرم .. باه الحمد لله و مشي للحمام حالته ما يعلم بيها كان ربي و يجي طايح ع ظهره زلق مدايريلنه كمين قدام الحمام
اكرم .. عاااااااااااااااااصم😡ي حيوااااان 😡😡...
الولاد .. هههههههههههههههههههههههههههههه
عاصم .. و الله الا اخر حاجة خلاص 😂
اكرم طلعله .. ي حقير ي تاعب ي مرييييض و كان انكسر ظهري توا ااااه كيييف ي .حمار . 😡
عاصم .. لا ماشاء الله عليك تبارك الرحمن ثور و قدها
اكرم .. غر نغسل بس اقسم بالله ما حسابك معاي الا عسير 😡 و خش
اسامة .. هذا مزاااااال 😂ميعرفش بالكاميرا
عاصم .. محدش يفتح فمه لين نشوفهم انا الفيدوات فاهمين 😒😂
كرم .. و الله الا ما نردهولك ي عاصم 😡
عاصم .. تو نشوفوا و اعلى ما ف خيلك اركبه هوني
كرم .. بااه ي.....استغفر الله و اتوب اليه 😤
سند .. تحشم ع وجهك اكبر منك الولد 😂
كرم.. هوا خلي فيها حشم مقصرش 😒ما شاء الله 😠
عاصم .. تي خليه ي راجل والع هوا توا 😂
حسام .. زي صاحبنا داخل يدوش و يهدرز للجنون
عاصم .. خليه ع الاقل يهدى شوية 😂
مجدي .. هداوة ايه دي اللي حيهداها ، دا احنى مسبناش فيه حاجة الراجل مسكين و الله ، حرام علينا 😂
حسام .. انت ياله ي مجدي خلينا صوحاب ماشي و الا نعمل فيك زي ما عملنا فيه
مجدي .. ااا عيب عليك ي حسام انا راجل كبير و عيان عندي سكر 😂و عندي عيال😂 و شايب😂 و شوي و حخرف هاه ، اهدا انت بس ي عمي 😂
اسامة .. العين الحمرا 😪
مجدي .. اصل عارفو ...... يعملها
°°°°°°°°°°°°°°°°°°°°°°°°°°°°°°°°°°°
نورا .. اااه و اخيرا نحيتها ووووه افي صنتها ..
مروة .. غدوة حبيب القلب يفرح بيها
نورا .. لا حبيب قلب لا حبيب مصاريني ترا حولي مش ناقصاتك
اسراء .. افي ريحتها باش عجنوها هذي
مرت عمهم .. بالفكس و الليم و و الشاهي المربرب و زيت النعناع
نورا .. ووووووه صنتها ووه
سحر.. تي خيرك توهوهي
نورا .. هاك شمي و مدتلها يديها
سحر .. اللله مفحااااها ريحتها
اسراء .. حولي من قدامي لنضربك ي سحر هذي صنتها حلوة هذي
سحر .. انتو متعرفوش تشموا
