تخيلوا كده بيت مصري عادى ساعة اذان المغرب ف رمضان بس الكل ملفوف حوالين لاب توب واعصابهم على نار ....هو ده اللى بيحصل ف عيلتنا زين ويامن وريم ملفوفين حوالين سارة وهى بتدور ع النتيجة
زين.هاتي ادور انا 😡
سارة.اللاب ده بتاعي انا 😡
يامن.اي حد المهم نشوفها
وهما قاعدين ولسه الويب سايت تقيل سمعوا زغاريط م الشقة اللى فوقهم
نهال.نورا نجحت
زين.يبقى انا سقطت😱
سارة.اهو حمل ...هات رقم جلوسك بسرعة
زين.اهه...ماتقوليش 🙈شيلت كام مادة
يامن.اتاكدى كده انك كتبتي الاسم صح...مستحيل النتيجة دى
زين.هو انا سقطت خالص
سارة.يابني هو والله ..زين احمد عبد العزيز عبد الدايم الشرنوبي
نهال.ماتنطقى حرام عليكوا
سارة.جهزوا فلوسكوا عشان البالطو الابيض وأجهزة الدكتور
زين.ايه😮😮
شد اللاب من على رجل سارة وبيبص فيه وهو مبرق
زين.٩٨٪😶
نهال. لولولولولولولى لولولولولولولى لولولولولولولى
زين.خد يا بابا كده اتاكد من اسمي احسن يكون فيه تشابه
يامن.يابني النتيجة بجد😂مبروك يا دكتووور
سارة.نفطر بقى
الكل قعد حوالين الفطار ولسه بياكلوا الباب خبط وجريت ريم تفتح
نهال.مين يا ريم
ريم.دى ابلة تقى عروسة أبيه ياسر
نهال.😨قليلة الادب
جريت نهال عند الباب وبتتحايل على تقى عشان تدخل
تقى.شكرا يا طنط..انا نزلت اطمن على زين ...عمل ايه
نهال.الحمد لله يابنتي...٩٨٪
تقى.الف مبروك يا طنط..مبروك يا زين
زين.الله يبارك فيكي...هى نورا عملت ايه
تقى.الحمد لله جابت ٩٠٪ 😶
يامن.كده ممكن تلحق علوم ان شاء الله
تقى.نورا كانت علمى رياضة يا يامن...هى بالكتير ممكن تربية..واحتمال كبير م تلحقهاش
سارة.خير ان شاء الله...التنسيق السنة دى ان شاء الله يكون كويس
تقى .الف مبروك يا زين..بعد اذنكوا
نهال.اقعدى افطرى مع اخواتك يا تقى
تقى.بالهنا والشفا 😃
احمد.قولى لابوكى ان انا هستناه يعدي عليا وهو نازل لصلاة التراويح عشان عايزه ف كلمتين
تقى.حاضر يا عمو
مشيت تقى و قعدت نهال تانى ع السفرة
سارة.كلمتين ايه يا بابا
احمد.اخوكي ياسر كلمنى الصبح وقال إنه بعت فلوس ف حساب امكوا ف البنك عشان نشترى الشبكة لتقى
سارة.وهو هيخطبها عن بعد
يامن.وفيها ايه
سارة.فيه احساس الخطوبة والحب والخروج والكلام الحلو
احمد.اتلمى يا سارة
سارة.خلاص يا بابا بقى ماهو بقى جوزى يعنى لا عيب ولا حرام اللى بقوله
احمد.فيه حاجة اسمها حياء يا مربية الأجيال
سارة.ماشي
نهال.قوموا لموا الاكل زمان ستكوا وعماتكوا جايين
يامن.ايه ده انتى عرفتى منين
احمد.ماهى دى الاصول يا بني...يلا
زين.وشغلولى اغانى...انا ماحدش زيي دخلت الطب...الايفون بقى يا بابا
احمد.ماشي
_
نهال.اتفضلي يا حماتي🍹
خديجة.ماشي😒خد يا زين..نقطتك
زين.شكرا يا تيتا 😘
نجوى.مبروك يا زين....امتحانات السنة دى كانت سهلة عشان كده الكل جاب مجاميع حلوة
سارة.هو مش احمد ابن عمتو سحر ف تالتة زى زين...جاب كام اصل الامتحانات كانت سهلة اوى
نجوى.جاب ٩٣٪
يامن.٦٢,٧٪ انا شايف نتيجته بعينى
نجوى.😒وانت بتفتش ف حاجة م تخصكش ليه
يامن.اصل انا متطفل😁
نهال.اتلم بقى يا يامن 😡
يامن.ماشي
خديجة.اصل انت عيل قليل ادب ...امك معرفتش تربيكوا
نهال.لا 😡انا تربيتي مفيش زيها ...ياسر ماشاء الله محاسب وسارة مدرسة ويامن كلها سنة واحدة ويبقى مهندس ودلوقتى زين ماشاء الله يحميه ربنا دخل الطب وبكرة يبقى دكتور اد الدنيا....زى ولادك😏
خديجة.انتى قليلة الادب والرباية...انا مش عارفة اتجوزك على ايه
نهال.بس اتجوزنى😏
خديجة.م ابقاش انا لو ماخليته يطلقك
سارة.زى م جدي طفش منك وطلقك وجوزك يا نجوى زهق من قرفك وطلقك
ريم.خالتو هالة و خالتو ليلى جم
يامن.اهلا اهلا بالحبايب😄
زين وسارة جريوا يستقبلوا خالاتاهم
نجوى.يلا ياما
_
عبلة.حطى البسكوت ف العلبة وغطيه احسن يطرى
جميلة.حاضر
اسراء.ماما😓
عبلة.ايه يا اسراء
اسراء.لا بصيلي وانا بتكلم
عبلة.ابص لك واسيب الفرن لما الكحك يتحرق
اسراء.حمدى عايزني اسافر معاه إسكندرية ف العيد عشان نتفسح شوية
عبلة.عارفة ردي؟والا اسمعهولك
اسراء.عارفاه....لا...بس يا ماما انتوا خروج بتقولوا لا فسح لا اسافر لا ...بيجيي يقعد وسطنا وانتوا ملمومين حوالينا ...هو زهق
عبلة.اهو ده اللى عندنا ...مفيش الحاجات دى قبل الجواز
اسراء.يا ماما هيطفش ويسيبني وترجعى تندبي تانى
عبلة.اخوكى اما حب يلف ويصيع م البت اللى اتجوزها دى ...قالت له اتجوزنى وبعدين نعمل اللى انت عايزه...جرى وراها زى الجزمة وغصبنا واتجوزها
اسراء.يعني لو جه وقالك نكتب الكتاب دلوقتى هتوافقي
عبلة.لا طبعا ...طاب اخوكى لف معاها عارفين بعض..انما ده لانعرفه ولا يعرفنا ..هو ده اللى عندى
اسراء.اومال عايزين مني ايه
عبلة.بصي بقى انا ماليش دعوة...اما ابوكى يجيي قوليله
اسراء.😡😡😡😡
_
اول يوم العيد
سارة.توصل بالسلامة
محمد.😘اول م اوصل هكلمك
حسين.خد بالك من مصاريفك انت عندك مسؤوليات
محمد.حاضر
سارة.الحاجة بتاعت ياسر دى...ليكوا انت وهو ..اول م تروح حطوها ف تلاجة عشان ماتفكش التلج وتبوظ
محمد.حاضر يا حبيبتي...يلا يا بابا خد سارة وروحوا
سارة.هو احنا مش هنستنى لما تركب الطيارة
محمد.لا يلا...كل سنة وانتى طيبة
سارة.وانت طيب 😊
_
فوزية.اخوك سافر خلاص
مصطفى.اه يا مرات عمى
يسرا.اتفضلوا😊
مصطفى.متشكر 😃
مصطفى.بقولك ايه يا مصطفى يابني
مصطفى حط العصير من ايده وبص لعمه
مصطفى.خير يا عمى
مصطفى.بصراحة كده شقتك صغيرة اوى ومش عاجبك يسرا
مصطفى بص ليسرا باستغراب.مش عاجباها ازاى ده لما شافتها كانت هتطير م الفرحة
فوزية.ماهى اتكسفت تقولك بصراحة
مصطفى.اتكسفت😒والمطلوب
فوزية.تشوف لها شقة تانية غير دى
مصطفى.شقة تانية؟؟دى امكانياتى وبعدين النجار اح خد مقاسات أوضة النوم وزمانه بيخلصها
فوزية.شوف بقى اللى أوله شرط آخره نور..امك لما قالت ع الشقة قالت ٣ اوض وصالة
مصطفى.طاب ماهى فعلا ٣ اوض وصالة
فوزية.بس ٣ اوض قد الحُق ...الشقة دى ماتلزمناش ...اجر غيرها
مصطفى.بصي يا مرات عمي دى امكانياتى وده اللى عندى
فوزية.يبقى خلاص شيل ده من ده يرتاح ده عن ده
مصطفى.يعني بتفسخوا الخطبة
يسرا.😓
فوزية.الا لو شفت لنا شقة حلوة
مصطفى.وانا م بيتلويش دراعى يا مرات عمى...هاتى الشبكة
فوزية.اهه🎁
مصطفى.انتى مجهزاها كمان؟ده انتى ناوية بقى 😒
مصطفى.كل شيئ قسمة ونصيب يابني😖
_
عبلة.الولية الواطية الزبالة ...بقى كده يا فوزية
اسراء.اتاكد م الشبكة احسن يكونوا خدوا منهم حاجة
جميلة.مش دى الحكاية على فكرة
مصطفى.اومال ايه يا جيمي
جميلة.فوزية كانت حاطة عينها على ميدو عشان البت رنا وخدت ماما وراحت لراجل دجال عشان تعمل عمل تطفش بيه سارة ويشوفها قردة
عبلة.انتى عرفتى الكلام ده ازاى
جميلة.انتى كنتى بتتكلمى ف موبايلي وانا ف موبايلي بسجل كل المكالمات 😁
حسين.والله عال😡رايحة تعملى عمل لابنك
جميلة.مرات عمى بقى لما تليفونها فصل وخدت موبايلي تتكلم فيه مع رنا كانت بتقول لها هعمل له عمل عشان يتجوزك ومايشوفش غيرك
مصطفى.اللهم صلي ع النبي 😡عاجبك كده يا ست ماما
عبلة.دى بت كدابة
جميلة.م بلاش 😏
اسراء.طالما بتسجلى سمعينا يا جيمي
جميلة.انتوا اللى طلبتوا📻
