#مختلفه عنهم
الجزءالحادي عشر
ل وردالعامري
مريم: هلا خيتي هلابسعاد تفضلي تفضلي
سعاد : الله يزيدفضلج والله بالي عليج والله عيوني متنام الليل من تفكيري بيج
مريم: بعد روحي حبيبه والله بخير اني الحمدلله
سعاد: مريم شبيج خيتي ليش هيج وجهج اصفر
مريم: ماكو شي حبيبه تعرفين هذي سوالف الشهريه اليوم وشوي تعبانه
سعاد: هااا اي والله الله يعينج اكول مريم هم بعدهه توجعج بطنج خيتي وتتأذين منهه
مريم: ايي والله سكتي تموت والله بطني اتكطعني تكطع
سعاد: هااا يعني بعدهه نفس الالام
مريم: اي والله سكتي واكثر بعد
سعاد: مريم رجلج ماخذج لولا
مريم: اهوو سعاد راح ترجعين عله نفس الحجي موكتلح اي صار كم مره
سعاد: مريم المره من تزوج متوجعهه بطنه بعد بموعد الشهر واذا وجعتهه توجعهه وجع عادي موهيج تصفر وعله كولتج زادت الالام
مريم: هاا اي هيه موذاك الالم شبيج احسن بهواي
شفت سعاد كامت بتجاه البوفيه اني حاطه قرأن عله البوفيه ومخيطه اله بيت قماش جابته واجتي بتجاهي
سعاد: حلفي عله القران رجلج ماخذج
مريم: يااا شبيج تخبلتي مو ده اكولج الشهريه شلون الزم القرأن وبعدين ليش هل اصرار ياسعاد شبيج
سعاد: مريم مغطه بقماش القرأن وان ماحلفتي وحجيتي الصدك لاانتي اختي ولااعرفج منا ليوم لدين
مريم: سعاد فدوه عوفيني بحالي والله مرتاحه اني فدوه لتسويلي مشاكل
سعاد: شوفي وحك هذا البيدي وحك كتاب الله الي راح تحجيه ميطلع مني لحد مااموت وسر بيني وبينج كولي خيتي والله كلبي شاعل نار عليج فدوه
مريم: سعاد ماكدر بس فدوه متطلع
سعاد: عرفت وكتلجن اووف اطبن بعيني لاتبجين ياخايبه احسلج حته تتطلكين منه وتعيشين حياتج احسن عيشه
مريم: سعاد ابوس ايدج لاتهجمين بيتي خيتي انه مرتاحه انتي شعليج شايله همي اني مرتاحه وحلفتي ماتطلع هل سالفه منج لاتخليني اندم حجيتلج
سعاد: براحتج خيتي براحتج انه مادخل بعد لواموت بس راح اكولج نصيحه خيتي تره العمر يركض وكل مره تريد رجال وكل رجال يريد مره هذي سنه الحياه ان ماردتي اليوم الرجال باجر تردين طفل ايصيحيلج يمه ويكون سند الج
مريم: سعاد حجت تريد تنصحني ماتدري بحجيهه هذا زيدت قهري قهر وناري نار الك المشتكى ياربي راضيه بقسمتك مهما تكون راضيه
#مختلفه عنهم
الجزءالثاني عشر
ل وردالعامري
مريم: بيوم الي جتني سعاد راحت وعافت هموم فوك همومي اجه بيومهه الحجي وكالي رجعي لشغلج بالاسواق المركزيه اني فكرت وكلت احسلج من الكعده وحدج وراتبج اني موبحاجته ولااراح اخليج تكونين بحاجته بس حته لاتملين وحدج
مريم :الله يخليك الي والله فرحتني وان شاءالله ماخليك تحس اني بدوام ومااقصر ابيتي ابد
الحجي: ههههه اعرف اعرف بيج سباعيه ومينخاف عليج
مريم: بس اخاف ميقبلون ايرجعوني حجي
الحجي: لالا اني عندي عرف وراح يرجعوج بس ديري بالج مريم اني حاط ثقه بيج لاتخليني اندم عليهه
مريم: لاتوصي حجي واني صار4شهور وياك شفت مني شي
الحجي :لاوالله واني مخايف منج بي خايف عليج كوني حذره ولاتنسين انتي شايله اسم الحجي شهاب
مريم: والله حجي ماخليك تندم بيوم عله هل قرار والله
رجعت لدوامي وخلوني نفس القسم الرجالي والحمدلله بعدهم نفسهم الي جانو يشتغلون وياي الحجي فجاءه يجي للشغل مالي يشوفني اخاف طالعه يجي فجاءه مااشوفه اله كدامي اني مالي شغله بااحد ولااختلط بااحد بيوم ولد ويانه يشتغل اجه سئلني هذا الي يجي عليج دائما ابوج لوجدج
لااخويه هذا زوجي
زوجج من كل عقلج هذا زوجج
اخي لوسمحت مومن خصوصياتك هذا الشي
صديته ومالي علاقه غير بشغلي تعلمت اطنش اي مضايقه من زبون او. من الي ويايه بالقسم اجاوب عله كد لسؤال يسوون جمعات بينهم دائما بشغل اني مبتعده عنهم ومن يكولولي اعتذر اخاف من اي شي اخاف من حجايه اخاف ايبطلني بسببهه ممقصره ابيتي ابد ولاوياه اينام هوه واشغل الفديوو واضل اباوع جانت افلام سعاد حسني شكد حلوه من اشوفهه اذكر كلام. اختي سهاد من. تكولي تلبسين مثل هدومهه جان حلم بالنسبه الي بس هسه لبست بس. فرحه ولهفه للشي ماكو بعد الي شهرين اداوم وعزمتنه خالتي سهيله عله خطوبه بنتهه ايريدون ناس ايخطبوهه وماعدهم احد همه بس اخوتهه ثنين وابوهه ميت الله يرحمه فرادت ابويه ورادتنه وجتي للبيت رادت حجي شهاب هم بالكعده لان الي رايديهه راح يجيبون زلم هواي فرادتهم همه موجودين يستقبلوهم
#مختلفه عنهم
